ក្រុមហ៊ុនប្រេងSinopec របស់ចិនបានបង្ហាញពីការពង្រីកខ្លួនរោងចក្រចម្រាញ់ប្រេងជាសកលប្រជែងជាមួយប្រទេសឥណ្ឌា​

ក្រុមហ៊ុនថាមពលរដ្ឋចិន Sinopec កំពុងបង្កើន​លទ្ធភាពរបស់ខ្លួនកាន់តែច្រើនទៅកាន់ទីផ្សាររបស់ប្រទេសស្រីលង្កា ដែលគូប្រជែងឥណ្ឌាក៏កំពុងស្វែងរកការពង្រីកវត្តមានរបស់ខ្លួនផងដែរ ខណៈដែលខ្លួនកំពុងសម្លឹងមើលការកសាងរោងចក្រចម្រាញ់ប្រេងនៅបរទេសដែលគ្រប់គ្រងយ៉ាងពេញលេញជាលើកដំបូងរបស់ខ្លួន ដោយឆ្លុះបញ្ចាំងពីការផ្លាស់ប្តូរនៅក្នុងយុទ្ធសាស្រ្តសកលរបស់ក្រុមហ៊ុនដើម្បីទូទាត់សងសម្រាប់ កំណើនតម្រូវការនៅក្នុងស្រុកយឺត។

​ក្រុមហ៊ុន Sinopec ដែលជាក្រុមហ៊ុនចម្រាញ់ប្រេងដ៏ធំបំផុតរបស់ពិភពលោក ត្រូវបានគេរំពឹងថានឹងបញ្ចប់ការសិក្សាបឋមនៅខែមិថុនា សម្រាប់រោងចក្រនៅកំពង់ផែ Hambantota ដែលគ្រប់គ្រងដោយប្រទេសចិន បន្ទាប់ពីបានទទួលការយល់ព្រមពីទីក្រុង Colombo កាលពីខែវិច្ឆិកាកន្លងទៅ ​។ នេះបើយោងតាមប្រភពដែលប្រាប់ទៅសារព័ត៌មានរ៉យទរ័។

ខណៈពេលដែលប្រភពដែលមានមូលដ្ឋាននៅប្រទេសចិន បាននិយាយថា ការវិនិយោគដែលទីក្រុងកូឡុំបូបានអនុម័តក្នុងទឹកប្រាក់ចំនួន ៤,៥ ពាន់លានដុល្លារជាការវិនិយោគបរទេសដ៏ធំបំផុតមិនធ្លាប់មានរបស់ប្រទេសមួយនេះ ស្របពេលដែរប្រទេសជិតខាងឥណ្ឌាកំពុងជំរុញផែនការ​ដើម្បីសាងសង់បំពង់បង្ហូរផលិតផលប្រេងឥន្ធនៈទៅកាន់ប្រទេសមួយនេះ។

កិច្ចខិតខំប្រឹងប្រែងរបស់ Sinopec ក្នុងការកសាងរោងចក្រចម្រាញ់ដែលផ្តោតលើទិសដៅក្នុងស្រុកជាជាង​ផ្តោតលើការនាំចេញដែលជាការចង់បានដោយស្រីលង្កា ដែលមិនត្រូវបានរាយការណ៍ពីមុនមកនោះ ធ្វើឱ្យវាស្ថិតក្នុងការប្រកួតប្រជែងដោយផ្ទាល់ជាមួយផលប្រយោជន៍របស់ប្រទេសឥណ្ឌាក្នុងការពង្រីកតួនាទីរបស់ខ្លួនជាអ្នកផ្គត់ផ្គង់ថាមពលដល់ប្រទេសខ្លួន។ ក្រុមហ៊ុន Indian Oil Corp ដែលគ្រប់គ្រងដោយរដ្ឋគឺក្រុមហ៊ុន New Delhi ​ជាក្រុមហ៊ុនផ្គត់ផ្គង់ប្រេងឥន្ធនៈលេខ ២ ​ បន្ទាប់ពីក្រុមហ៊ុន Ceylon Petroleum Corp ដែលគ្រប់គ្រងដោយរដ្ឋាភិបាលស្រីលង្កា។

ក្រសួងការបរទេសឥណ្ឌា និងក្រុមហ៊ុន Indian Oil Corp មិនបានឆ្លើយតបទៅនឹងសំណើសុំការអត្ថាធិប្បាយទេ។

ក្រុមហ៊ុន Sinopec ដែលមិនបានបញ្ចេញជាសាធារណៈនូវយុទ្ធសាស្ត្ររបស់ខ្លួន កំពុងផ្តល់អាទិភាពដល់ការវិនិយោគនៅស្រីលង្កា និងមួយទៀតនៅអារ៉ាប៊ីសាអូឌីត ក្រោមផែនការវិនិយោគដែលទើបនឹងចាប់ផ្តើមក្នុងកិច្ចខិតខំប្រឹងប្រែងដើម្បីពង្រីកក្រុមអ្នកជំនាញ និងប្រាក់វិនិយោគរបស់ខ្លួនដើម្បីពង្រីកជាសកល ខណៈដែលតម្រូវការប្រេងជិតដល់កម្រិតកំពូលនៅក្នុងប្រទេសចិន។ ប្រភព​ដដែល​បាន​បន្ត​ថា ដោយសារ​កំណើន​សេដ្ឋកិច្ច​មាន​ការ​យឺត ស្របពេលដែលការប្រើប្រាស់​​រថយន្ត​អគ្គិសនី​កាន់​តែ​ធំប៉ះពាល់ដល់អាជីវកម្មខ្លួន៕