បញ្ហាអតិផរណា​គ្រប​ដណ្ដប់​លើ​ភាព​ធន់​នៃសេដ្ឋកិច្ច​​​សហរដ្ឋ​អាមេរិក ​​ ប៉ះពាល់​ដល់​​លោក Biden

យោងតាមរបាយការណ៍ផលិតផលក្នុងស្រុកសរុប GDP ចេញផ្សាយកាលថ្ងៃព្រហស្បតិ៍ (២៥ មេសា) អ្នកសេដ្ឋកិច្ចភាគច្រើនបានមើលរំលងនូវចំណុចមួយចំនួននិង ​បានប្រកាសថាសន្ទុះមូលដ្ឋាននៃសេដ្ឋកិច្ចអាមេរិកនៅតែរឹងមាំ។ ​កំណើនសេដ្ឋកិច្ច​ និងការងារ ​ ដែលមានភាពរឹងមាំ​អស់រយៈពេលជាងមួយឆ្នាំមកនេះ ​បានវាបានផ្តល់ផល​តិចតួចដល់លោក Biden សម្រាប់ការបោះឆ្នោតខាងមុខនេះ។

​លោក Stuart Paul សេដ្ឋវិទូនៅ Bloomberg Economics បាននិយាយថា៖«បញ្ហាអតិផរណាគឺជាការខាតបង់សម្រាប់លោកប្រធានាធិបតី។ ​សេដ្ឋកិច្វវិទូរូបនេះ​មិន​បាន​ដឹង​ពី​អត្ថប្រយោជន៍​នៃ​កំណើន​ជាក់លាក់នេះនោះ​ទេ ព្រោះ​វា​មកចំពេលនៃ​តម្លៃ​អតិផរណា និង​អត្រា​ការ​ប្រាក់​ខ្ពស់ ខណៈភាពធន់នឹងសេដ្ឋកិច្ចនេះគឺជាបញ្ហា​សម្រាប់លោក Biden ។

របាយការណ៍នេះចេញផ្សាយចំពេលនៃ​យុទ្ធនាការបោះឆ្នោតរបស់ប្រធានាធិបតីអាមេរិក។ ជនជាតិអាមេរិកហាក់មានភាពជូរចត់ចំពោះស្ថានភាពសេដ្ឋកិច្ច ហើយការស្រាវជ្រាវបានបង្ហាញថាអ្នកបោះឆ្នោតចាប់ផ្តើមគិតឡើងវិញអំពីទិសដៅសេដ្ឋកិច្ចឱ្យបានមុនប្រហែលប្រាំមួយខែនៅមុនការបោះឆ្នោត។

សេដ្ឋវិទូ Ray Fair នៃសាកលវិទ្យាល័យ Yale បាននិយាយថា ​លោក Biden នៅតែស្ថិតនៅលើផ្លូវនៃជ័យជំនៈសម្រាប់ការបោះឆ្នោត​ បើទោះបីជាចំពេលនៃកំណើនថយចុះ និងអតិផរណាខ្ពស់​ក៏ដោយ។ លោកថា គំរូនៃការទស្សន៍ទាយលទ្ធផលនៃការបោះឆ្នោតប្រធានាធិបតីចាប់តាំងពីឆ្នាំ ១៩៨០បង្ហាញពីចំណែកនៃការបោះឆ្នោតចំនួន ៥១,៧ ភាគរយសម្រាប់លោក Biden ទល់មុខនឹងលោក Trump ៕