វៀតណាមជំរុញការសាងសង់គម្រោងលំនៅដ្ឋានតម្លៃសមរម្យ

ទីក្រុងហាណូយ៖ ក្រសួងសំណង់វៀតណាម​​កំពុងធ្វើការជាមួយវិស័យពាក់ព័ន្ធ និងម្ចាស់សហគមន៍មូលដ្ឋានដើម្បីពិនិត្យ និងពន្លឿនការសាងសង់គម្រោងលំនៅដ្ឋានតម្លៃសមរម្យ។

អនុរដ្ឋមន្ត្រីក្រសួងសំណង់ លោក Nguyễn Văn Sinh បាននិយាយនៅក្នុងសន្និសីទកាសែត​របស់ក្រសួងដែលធ្វើឡើងនៅទីក្រុងហាណូយ នាថ្ងៃទី ២៦ ខែមេសាថា ការណ៍នេះនឹងធានាបាននូវគោលដៅនៃការបញ្ចប់លំនៅដ្ឋានតម្លៃសមរម្យចំនួន ១៣០​០០០ នៅឆ្នាំនេះ ដែលប្រគល់ដោយនាយករដ្ឋមន្ត្រី។ នេះបើយោងតាមទីភ្នាក់ងារព័ត៌មានវៀតណាម។

យោងតាមលោក Sinh ការបញ្ចប់គម្រោងលំនៅដ្ឋានតម្លៃសមរម្យទាំងនេះនឹងដោះស្រាយបញ្ហាជាច្រើនរួមទាំងអតុល្យភាពរវាងផ្នែកលំនៅដ្ឋានផងដែរ។

លោក Hoàng Hải ប្រធាននាយកដ្ឋានគ្រប់គ្រងលំនៅឋាន និងទីផ្សារអចលនវត្ថុនៃ​មានប្រសាសន៍ថា ក្រសួងបានជំរុញការអភិវឌ្ឍន៍លំនៅឋានតម្លៃសមរម្យ ដោយបំពេញបន្ថែមនូវប្រព័ន្ធច្បាប់ពាក់ព័ន្ធនឹងបញ្ហានេះ និងលុបបំបាត់ការលំបាកទាំងអាជីវកម្ម និងអ្នកទិញលំនៅដ្ឋានតម្លៃសមរម្យ។

យោងតាមរបាយការណ៍ មានសហគមន៍ក្នុងស្រុកចំនួន ៤២ ក្នុងចំណោម ៦៣ ទូទាំងប្រទេស គិតចាប់ពីដើមឆ្នាំនេះ រហូតមកដល់ពេលនេះ គម្រោងលំនៅឋានតម្លៃសមរម្យចំនួន ១៣ ត្រូវបានអនុម័ត ​ ជាមួយនឹងការផ្គត់ផ្គង់សរុបចំនួន ១៦​ ០០៨ យូនីត។ ក្នុង​នោះ​មាន​គម្រោង​សាងសង់​រួច​ចំនួន​៣ និង​គម្រោង​ដែល​បាន​បញ្ចប់​ដោយ​ផ្នែក​ចំនួន​២ ដែល​មាន​ការផ្គត់ផ្គង់​សរុប​ចំនួន ២​០១៦ យូនីត។ គម្រោងទាំងនេះមានទីតាំងនៅ Bắc Giang, Thái Bình, Khánh Hòa, Hà Tĩnh និង ទីក្រុងហូជិមិញ។

លើសពីនេះ ការសាងសង់គម្រោងចំនួនបួនផ្សេងទៀតបានចាប់ផ្តើមហើយ ជាមួយនឹងការផ្គត់ផ្គង់សរុបចំនួន​៨ ០៧៣ យូនីតនៅក្នុងខេត្ត Khánh Hòa, Hải Phòng និង Đắk Nông។

​រហូតមកដល់ពេលនេះ ធនាគារពាណិជ្ជ​បានប្តេជ្ញាផ្តល់ឥណទានចំនួន ៧ ពាន់ពាន់លានដុងទៅលើគម្រោងចំនួន១៥​។ ក្នុង​នោះ​គម្រោង​លំនៅឋាន​សមរម្យ​ចំនួន៨​ត្រូវ​បាន​ផ្តល់ឥណទានរួចហើយ ជាមួយ​ទុន​ប្រមាណ​៦៤០​ពាន់​លាន​ដុង៕