សេដ្ឋកិច្ច
កូរ៉េខាងត្បូងព្រមានពីហានិភ័យនៃទំនាក់ទំនងសេដ្ឋកិច្ចជាមួយចិន ដោយសារការប្រកួតប្រជែងបច្ចេកវិទ្យាគ្នា
រដ្ឋមន្រ្តីក្រសួងការបរទេសកូរ៉េខាងត្បូង លោក Cho Tae-yul បានព្រមានកាលពីថ្ងៃចន្ទកន្លងទៅនេះថា ទំនាក់ទំនងសេដ្ឋកិច្ចរវាងកូរ៉េខាងត្បូង និងចិនប្រឈមនឹងហានិភ័យ និងឧបសគ្គផ្សេងៗដោយសារតែការប្រកួតប្រជែងគ្នាកាន់តែខ្លាំងឡើងផ្នែកបច្ចេកវិទ្យា។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ការព្រមាននេះធ្វើឡើងក្រោយពេលលោក Cho ធ្វើដំណើរទៅដល់ក្រុងប៉េកាំង ក្នុងដំណើរទស្សនកិច្ចលើកដំបូងរបស់លោកទៅកាន់ប្រទេសចិន ចាប់តាំងពីឡើងកាន់តំណែងនៅខែមករា។
ក្នុងកិច្ចប្រជុំជាមួយមេដឹកនាំធុរកិច្ចកូរ៉េខាងត្បូង លោក Cho បានថ្លែងថា ទំនាក់ទំនងសេដ្ឋកិច្ចដែលផ្តល់ផលប្រយោជន៍ទៅវិញទៅមក កំពុងមានការប្រកួតប្រជែងគ្នាកាន់តែខ្លាំងឡើងៗ ហើយប្តេជ្ញាថានឹងគាំទ្រដល់ពាណិជ្ជករ ដែលកំពុងស្វែងរកការចាប់យកឱកាសទីផ្សារនៅក្នុងប្រទេសចិន ខណៈកាត់បន្ថយហានិភ័យនានាដែលអមមកជាមួយ។
លោក Cho បានថ្លែងយ៉ាងដូច្នេះថា៖ «ការពឹងពាក់គ្នាទៅវិញទៅមកយ៉ាងខ្លាំងរវាងកូរ៉េ និងចិន គឺជាកម្លាំងចលករនៅពីក្រោយកំណើនសេដ្ឋកិច្ច និងវិបុលភាពរួម ប៉ុន្តែវាក៏មានហានិភ័យទ្វេរដងដែរ ហើយយើងក៏ត្រូវទទួលរងផលប៉ះពាល់យ៉ាងខ្លាំងពីការផ្លាស់ប្តូរបែបនេះ»។
រដ្ឋមន្រ្តីដដែល បានបន្តយ៉ាងដូច្នេះថា៖ «សេដ្ឋកិច្ចចិន កំពុងផ្លាស់ប្តូរឆ្ពោះទៅរករចនាសម្ព័ន្ធឧស្សាហកម្មបច្ចេកវិទ្យា និងក្នុងតំបន់ ហើយទំនាក់ទំនងសេដ្ឋកិច្ចទ្វេភាគីកំពុងផ្លាស់ប្តូរពីភាពជាដៃគូដែលបំពេញបន្ថែមគ្នាទៅវិញទៅមក ទៅជាការប្រកួតប្រជែងមួយ ដែលខ្ញុំគិតថា កំពុងបង្កបញ្ហាប្រឈមយ៉ាងធ្ងន់ធ្ងរដល់យើង»។
ក្នុងដំណើរទស្សនកិច្ចទៅចិននាពេលនេះ លោក Cho គ្រោងនឹងជួបពិភាក្សាជាមួយរដ្ឋមន្ត្រីការបរទេសចិន លោក វ៉ាង យី ដើម្បីពិភាក្សាអំពីកិច្ចប្រជុំកំពូលត្រីភាគីនាពេលខាងមុខ ដែលពាក់ព័ន្ធនឹងប្រទេសជប៉ុន និងប្រធានបទទ្វេភាគី និងតំបន់ផ្សេងៗទៀត។
គួរគូសបញ្ជាក់ផងដែរថា ចំពេលមានការប្រជែងគ្នារវាងចិន និងអាមេរិកកាន់តែខ្លាំងឡើងៗនោះ ប្រធានាធិបតីកូរ៉េខាងត្បូង លោក យូន ស៊កយល បានព្យាយាមដើរលើផ្លូវប្រុងប្រយ័ត្នក្នុងទំនាក់ទំនងរបស់ប្រទេសខ្លួនជាមួយចិន ដែលជាដៃគូពាណិជ្ជកម្មដ៏ធំបំផុតរបស់កូរ៉េខាងត្បូង ខណៈអាមេរិកគឺជាដៃគូសន្ដិសុខដ៏សំខាន់។ ក្នុងនាមជាសម្ព័ន្ធមិត្តដ៏រឹងមាំមួយរបស់សហរដ្ឋអាមេរិក រដ្ឋបាលរបស់លោកបានបញ្ចេញសម្លេងកាន់តែខ្លាំង ជុំវិញភាពតានតឹងនៅច្រកសមុទ្រតៃវ៉ាន់ ក្នុងចំណោមបញ្ហាផ្សេងៗទៀត៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ