សេដ្ឋកិច្ច
ចិនអនុញ្ញាតឱ្យរដ្ឋបាលថ្នាក់ក្រោមជាតិទិញផ្ទះ ដើម្បីសម្រួលទីផ្សារអចលនទ្រព្យដែលជាប់គាំង
អាជ្ញាធរចិននៅថ្ងៃសុក្រនេះ បានសន្យាថានឹងចាត់វិធានការថ្មី ដើម្បីសម្រួលទីផ្សារអចលនទ្រព្យ ចំពេលដែលតម្លៃផ្ទះធ្លាក់ចុះដោយអនុញ្ញាតឱ្យរដ្ឋបាលថ្នាក់ក្រោមជាតិទិញផ្ទះ ខណៈធនាគារកណ្ដាលកាត់បន្ថយអត្រាប្រាក់លើការបញ្ចាំ។ នេះបើតាមការចុះផ្សាយបន្តរបស់កាសែត Nikkei Asia។
ឧបនាយករដ្ឋមន្ត្រីចិន លោក He Lifeng បានថ្លែងក្នុងសន្និសីទតាមប្រព័ន្ធវិដេអូថា រដ្ឋបាលថ្នាក់ក្រោមជាតិអាចទិញលំនៅដ្ឋានពាណិជ្ជកម្មទំនេរមួយចំនួនក្នុងតម្លៃសមរម្យ ហើយប្រែក្លាយវាទៅជាលំនៅដ្ឋាន។ លោកបន្តថា ពួកគេក៏អាចយកមកវិញ ឬទិញដីលំនៅដ្ឋានទំនេរ ដើម្បីសម្រាលបន្ទុកហិរញ្ញវត្ថុលើក្រុមហ៊ុនអភិវឌ្ឍន៍អចលនទ្រព្យផងដែរ។
លោកឧបនាយករដ្ឋមន្ត្រីដដែល បានបន្តថា ចិនត្រូវតែប្រយុទ្ធប្រឆាំងនឹងហានិភ័យនៃលំនៅដ្ឋានពាណិជ្ជកម្ម ដែលមិនទាន់បញ្ចប់ការសាងសង់។ ព័ត៌មានលម្អិតអំពីពេលវេលាសម្រាប់ការទិញ ឬរបៀបដែលរដ្ឋបាលថ្នាក់ក្រោមទទួលបានមូលនិធិយកទៅទិញ នៅមិនទាន់ច្បាស់នោះទេ។
ដោយឡែក ធនាគារកណ្ដាលចិនវិញ បានបង្ហាញនូវវិធានការគោលនយោបាយជាច្រើន រួមទាំងការលុបចោលអត្រាការប្រាក់អប្បបរមាលើការបញ្ចាំ និងការបន្ធូរបន្ថយតម្រូវការទូទាត់ផ្សេងៗ។
គួរគូសបញ្ជាក់ថា វិស័យអចលនទ្រព្យរបស់ប្រទេសចិនបានធ្លាក់ទៅក្នុងភាពត្រដាបត្រដួស ចំពេលមានវិបត្តិថវិកាក្នុងចំណោមក្រុមហ៊ុនអភិវឌ្ឍន៍អចលនទ្រព្យ រួមទាំងក្រុមហ៊ុន Country Garden និងក្រុមហ៊ុន Evergrande។
រដ្ឋបាលក្រោមជាតិមួយចំនួន បានបន្ធូរបន្ថយច្បាប់ស្តីពីការទិញផ្ទះ ប៉ុន្តែទិន្នន័យចេញផ្សាយនៅថ្ងៃសុក្រនេះ បានបង្ហាញថា វិធានការនេះបានបរាជ័យក្នុងការបញ្ឈប់ការធ្លាក់ចុះនៃថ្លៃផ្ទះ។ នេះបើតាម Nikkei Asia។ តម្លៃផ្ទះថ្មីនៅក្នុងទីក្រុងធំៗនៅខែមេសា បានធ្លាក់ចុះ ២,៥ ភាគរយ បើប្រៀបធៀបនឹងឆ្នាំមុន ដែលនេះជាការធ្លាក់ចុះខ្លាំងជាងកាលពីខែមីនា ខណៈការលក់ផ្ទះជារាយៗ បានធ្លាក់ចុះ ៨,៥ ភាគរយ ក្នុងរយៈពេលដូចគ្នានេះ។
ដោយសារតែអចលនទ្រព្យ រួមចំណែកដ៏ធំនៃតម្លៃទ្រព្យសកម្មរបស់គ្រួសារប្រជាជនចិន ការធ្លាក់ចុះនៃតម្លៃ បានដាក់ទម្ងន់ទៅលើអ្នកប្រើប្រាស់។ កំណើននៃការលក់ផ្ទះរាយ បានធ្លាក់ចុះក្នុងរយៈពេល៤ខែជាប់គ្នាត្រឹមខែមេសា បើទោះបីជាមានការកើនឡើង ៦,៧ ភាគរយនៅក្នុងទិន្នផលឧស្សាហកម្មក៏ដោយ៕
រដ្ឋមន្ត្រីព័ត៌មានប្រាប់មន្ត្រីរួមគ្នាផ្សាយព័ត៌មានពិត ដើម្បីឆ្លើយតបនឹងការបំភ្លៃព័ត៌មានខុសពីក្រុមជ្រុលនិយម
ផលិតផលខ្មែរដាក់លក់នៅតាមស្ថានីយប្រេងឥន្ធនៈភីធីធី
រថយន្តអគ្គិសនីម៉ាក NETA Auto នាំចូលផ្តាច់មុខដោយក្រុមហ៊ុន SNKH Cambodia តែមួយគត់
មន្ត្រីជំនាញកំពុងខួងយកសំណាកដីពិនិត្យ ត្រៀមចាក់គ្រឹះគម្រោងសាងសង់ស្ពានផ្សាររាត្រី-អរិយក្សត្រ
Influencer ជនជាតិអូស្ត្រាលីរងបទចោទ «បំពុលកូនខ្លួនឯង» ដើម្បីរៃអង្គាសប្រាក់
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
ពាក់មី ហួសចិត្តនឹងអ្នកប្រើរូបខ្លួន ប្រកាសលក់ផ្ទះបន្ទាន់ និងស្នើសាធារណជន កុំគាំទ្រទង្វើរកសុីបែបនេះ
សូម្បីនាយករដ្ឋមន្ត្រីថៃក៏ស្ទើរតែចាញ់បោកក្រុមចោរបច្ចេកវិទ្យា ដោយប្រើ AI ធ្វើត្រាប់សំឡេង
នាយព្រីង ត្រូវកាត់ជេីង ដោយសារទទួលទានភេសជ្ជៈប៉ូវកម្លាំងរាល់ថ្ងៃ
-
ចរាចរណ៍៤ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ១ សប្តាហ៍ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៦ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៤ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៣ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៧ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ