ព័ត៌មានជាតិ
ការដោះដូរទំនិញរបស់កម្ពុជាជាមួយសមាជិកអាស៊ានសម្រេចបានទឹកប្រាក់៥,៦៣ ពាន់លានដុល្លារអាមេរិកក្នុង៤ខែ
ភ្នំពេញ៖ ទីផ្សារអាស៊ានបានក្លាយជាគោលដៅនាំចេញកាន់តែទាក់ទាញរបស់កម្ពុជា ជាមួយនឹងកំណើននៃការនាំចេញរបស់កម្ពុជាទៅកាន់សមាជិកអាស៊ានមានការកើនឡើងគួរឱ្យកត់សម្គាល់ក្នុងរយៈពេលប៉ុន្មានឆ្នាំចុងក្រោយនេះ។ ការដោះដូរពាណិជ្ជកម្មរបស់កម្ពុជាជាមួយប្រទេសជាសមាជិកអាស៊ានសម្រេចបានទឹកប្រាក់ចំនួន ៥,៦៣ ពាន់លានដុល្លារអាមេរិកក្នុងរយៈពេល ៤ ខែដំបូងនៃឆ្នាំ ២០២៤ កើនឡើង ១៤,២ ភាគរយពី៤,៩៣ ពាន់លានដុល្លារក្នុងរយៈពេលដូចគ្នានៃឆ្នាំ ២០២៣ ។ នេះបើយោងតាមរបាយការណ៍របស់ក្រសួងពាណិជ្ជកម្ម។
របាយការណ៍ដដែលបានបង្ហាញថា កម្ពុជាបាននាំចេញផលិតផលដែលមានតម្លៃ២,១៨ ពាន់លានដុល្លារទៅកាន់ប្រទេសអាស៊ានផ្សេងទៀតក្នុងអំឡុងពេលខែមករាដល់ខែមេសាឆ្នាំនេះ កើនឡើង ១៧,២ ភាគរយកើនពី ១,៨៦ ពាន់លានដុល្លារក្នុងរយៈពេលដូចគ្នាក្នុងឆ្នាំ ២០២៣ ។
ជាមួយគ្នានេះ ការនាំចូលរបស់កម្ពុជាពីបណ្តាប្រទេសជាសមាជិកអាស៊ានមានតម្លៃ ៣,៤៥ពាន់លានដុល្លារ កើនឡើង ១២,៣ ភាគរយពីជាង៣ពាន់លានដុល្លារ។
របាយការណ៍ដដែលបានបន្តថា ទំហំពាណិជ្ជកម្មរបស់កម្ពុជាជាមួយប្រទេសជាសមាជិកអាស៊ានមានចំនួន ៣៣,៣ ភាគរយនៃទំហំពាណិជ្ជកម្មអន្តរជាតិសរុបដែលមានចំនួន ១៦,៩ ពាន់លានដុល្លារក្នុងអំឡុងពេល ៤ ខែដំបូងនៃឆ្នាំនេះ។
របាយការណ៍បានបន្ថែមថា ប្រទេសដៃគូពាណិជ្ជកម្មធំបំផុតបីរបស់កម្ពុជាក្នុងតំបន់អាស៊ានគឺវៀតណាម ថៃ និងសិង្ហបុរី។
លោក លឹម ហេង អនុប្រធានសភាពាណិជ្ជកម្មកម្ពុជាធ្លាប់បានលើកឡើងថា ប្រទសដែលជាសមាជិកអាស៊ាន ជាពិសេសប្រទេសជាប់ព្រំដែនកម្ពុជាដែលរួមមានថៃ និងវៀតណាមគឺជាដៃគូរពាណិជ្ជកម្មដ៏សំខាន់របស់កម្ពុជា ដោយសារតែប្រទេសទាំងនេះបាននាំចូលនូវផលិតផលកសិកម្មជាច្រើនរបស់កម្ពុជាដើម្បីធ្វើការកែច្នៃនាំចេញ ដោយសារតែលទ្ធភាពកែច្នៃរបស់កម្ពុជានៅពុំទាន់ឆ្លើយតបទៅនឹងទិន្នផលដែលផលិតបានពីវិស័យកសិកម្ម។
លោកបានលើកឡើងថា៖«យើងតែងគិតថាប្រទេសដែលជាសមាជិកអាស៊ាននៅតែដើរតួនាទីសំខាន់សម្រាប់ទីផ្សារនាំចេញលើផលិតផលកសិកម្មដែលពុំទាន់កែច្នៃរបស់យើង ដោយសារតែយើងពុំទាន់មានលទ្ធភាពគ្រប់គ្រាន់លើការកែច្នៃ ដូច្នេះវាក៏ជាឪកាសដ៏ទាក់ទាញសម្រាប់វិនិយោគិនបរទេសមកបណ្តាក់ទុនលើរោងចក្រកែច្នៃដើម្បីនាំចេញផងដែរ»។
លោកថ្លែងបន្តថា៖«ទោះបីជាបណ្តាប្រទេសសមាជិកអាស៊ានផលិតបាននូវផលិតផលដូចគ្នាក៏ពិតមែន ប៉ុន្តែយើងអាចបំពេញឱ្យគ្នាដើម្បីកែច្នៃនាំចេញទៅកាន់ទីផ្សារនានានៅលើពិភពលោក»។
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃប្រទេសកម្ពុជាបានថ្លែងនៅក្នុងនៅក្នុងវេទិកាធុរកិច្ចកម្ពុជា-អាស៊ានកាលពីខែមេសាថា ប្រទេសកម្ពុជាបានក្លាយជាប្រទេសដៃគូដ៏រស់រវើកក្នុងតំបន់អាស៊ាន។
លោកបានមានប្រសាសន៍ ថា៖«ប្រទេសកម្ពុជាគឺជាសមាជិកដៃគូរយុទ្ធសាស្ត្រនៅក្នុងកិច្ចព្រមព្រៀងពាណិជ្ជកម្មសេរីទាំងក្នុងតំបន់ និងពិភពលោក រួមទាំងអាស៊ាន និងអង្គការពាណិជ្ជកម្មពិភពលោក (WTO)»។
លោកបានបន្ថែមថា ផលិតផលដែលផលិតក្នុងប្រទេសកម្ពុជា រួមមានសម្លៀកបំពាក់ និងកង់ បច្ចុប្បន្នត្រូវបានទទួលស្គាល់នៅក្នុងអាស៊ាន និងទូទាំងពិភពលោកទៅលើគុណភាព និងតម្លៃប្រកួតប្រជែង។
អាស៊ាន (សមាគមប្រជាជាតិអាស៊ីអាគ្នេយ៍) មានប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ