សេដ្ឋកិច្ច

ថៃក្លាយជាប្រទេសទទួលភ្ញៀវទេសចរបរទេសច្រើនជាងគេបំផុតនៅអាស៊ាន វ៉ាដាច់ម៉ាឡេស៊ី

បានផុស

១០ ខែ មុន

នៅ

ថ្ងៃសៅរ៍ ១៨ ឧសភា ២០២៤

ដោយ

ប្រទេសថៃក្លាយជាប្រទេសដែលទទួលភ្ញៀវទេសចរបរទេសច្រើនជាងគេបំផុតនៅអាស៊ីអាគ្នេយ៍ ក្នុងត្រីមាសទី១ឆ្នាំនេះ ដោយទម្លាក់ដំណែងរបស់ប្រទេសម៉ាឡេស៊ីទៅលំដាប់ទី២។ នេះបើតាមការចុះផ្សាយ

តួលេខចុងក្រោយពីក្រសួងទេសចរណ៍ម៉ាឡេស៊ីបានបង្ហាញថា ក្នុងត្រីមាសប្រចាំខែមករា-មីនា ប្រទេសនេះទទួលបានភ្ញៀវទេសចរចំនួន ៥,៨ លាននាក់ ដោយកើនឡើង ៣២ ភាគរយ បើធៀបនឹងរយៈពេលដូចគ្នាកាលពីឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ តួលេខនេះឈរនៅពីក្រោយថៃ ដែលក្នុងរយៈពេលដូចគ្នា បានទទួលភ្ញៀវទេសចរអន្តរជាតិសរុបប្រមាណ ៩,៣៧ លាននាក់។ ប្រទេសនេះ បានចេញនូវគោលនយោបាយទាក់ទាញទេសចរជាបន្តបន្ទាប់គ្នាផ្សេងៗ រួមមានទាំងការលើកលែងទិដ្ឋាការអចិន្រ្តៃយ៍សម្រាប់ប្រទេសចិនជាដើម។

វៀតណាម ឈរនៅលំដាប់លេខ៣ (៤,៦ លាននាក់) សិង្ហបុរីលេខ ៤ (៤,៣៥ លាននាក់) និងឥណ្ឌូណេស៊ីលេខ ៥ (៣ លាននាក់)។

គួរគូសបញ្ជាក់ថា បណ្តាប្រទេសអាស៊ីអាគ្នេយ៍ដូចជាប្រទេសថៃ សិង្ហបុរី និងម៉ាឡេស៊ី កំពុងប្រកួតប្រជែងគ្នា ដើម្បីទាក់ទាញទីផ្សារទេសចរណ៍ពីបណ្ដាប្រទេសសក្តានុពលដូចជាចិន ឥណ្ឌា និងនៅអឺរ៉ុបជាដើម ដោយផ្តល់ការលើកលែងទិដ្ឋាការ ឬការបន្តការស្នាក់នៅដោយគ្មានទិដ្ឋាការ៕