សេដ្ឋកិច្ច
កំណើនយឺតនៃសេដ្ឋកិច្ចសកលនិងតំបន់ធ្វើឱ្យប្រតិបត្តិការអាជីវកម្មរបស់ផែភ្នំពេញកើនឡើងតិចតួច
ភ្នំពេញ៖ ស្របពេលដែលស្ថានភាពសេដ្ឋកិច្ចសកលនិងតំបន់ហាក់មានសភាពល្អប្រសើរជាបណ្តើរៗ ប្រតិបត្តិការរបស់កំពង់ផែស្វយ័តភ្នំពេញ (ក. ស. ភ.) ដែលជាក្រុមហ៊ុនចុះបញ្ជីនៅលើ ផ្សារមូលបត្រកម្ពុជា(CSX) កើនឡើងតិចតួចនៅក្នុងត្រីមាសទី១ កន្លងទៅនេះ។
យោងតាមរបាការណ៍ហិរញ្ញវត្ថុរបស់ក. ស. ភ.ផ្ញើរទៅកាន់ CSX សម្រាប់ការអនុវត្តក្នុងត្រីមាសទី១ ឆ្នាំ២០២៤ ចំណូលសរុបពីផលអាជីវកម្ម និងសេវាកម្មមានចំនួន ៣២,៨៤៧ ពាន់លានរៀល បើធៀបនឹងត្រីមាសទី១ ឆ្នាំ២០២៣ កើនឡើងជាង ២ ពាន់លានរៀល ឬស្មើនឹង ៦,៧៨% ។
ចំណែកប្រាក់ចំណេញសុទ្ធក្នុងការិយបរិច្ឆេទក្នុងត្រីមាសទី១ ឆ្នាំ២០២៤ មានសរុបចំនួនជាង ៦,១៨៦ ពាន់រៀល បើធៀបនឹងត្រីមាសទី១ ឆ្នាំ២០២៣ ថយចុះចំនួនជាង ១,៧៦៩ ពាន់រៀល ឬស្មើនឹង ២២,២៤%។
លោក ហ៊ី បាវី អគ្គនាយកនៃក. ស. ភ.បានមថ្លែងនៅក្នុងរបាយការណ៍៖«លទ្ធផលប្រចាំត្រីមាសទី១ឆ្នាំ២០២៤របស់ក. ស. ភ មានកំណើនទាបជាងត្រីមាសទី១ឆ្នាំ២០២៣ ប៉ុន្តែសម្រាប់ឆ្នាំ២០២៤នេះ ក. ស. ភ បានដាក់ចេញនូវយន្តការបន្ថែមទៀត តាមរយៈការពង្រឹងគុណភាពសេវាកម្ម ការពង្រីកសមត្ថភាពលើកដាក់ និងផ្ទេរផ្ទុក ការអភិវឌ្ឍហេដ្ឋារចនាសម្ព័ន្ធ និងការដាក់ឱ្យប្រើប្រាស់នូវចំណតផែរណបតាមដងទន្លេ និងសំដៅឱ្យលទ្ធផលប្រចាំឆ្នាំ២០២៤ សម្រេចបានតាមផែនការដែលបានគ្រោងទុក»។
បើយោងតាមរបាយការណ៍របស់ក្រុមហ៊ុន ត្រឹមថ្ងៃទី៣១ ខែមីនា ឆ្នាំ២០២៤ ទ្រព្យសកម្មសរុបរបស់ ក. ស. ភ. មានចំនួន ១,០៣១.៦១២.៦៧៨ ថយចុះចំនួន ៩.២៧០.៨៥៥ ពាន់រៀល ស្មើនឹង ០,៨៩% និងមូលធនសរុបមានចំនួន ៧៨៩.៦៩០.៤១៨ ពាន់រៀល ថយចុះចំនួន ៧.០៦៩.៩៧២ ពាន់រៀល ស្មើនឹង ០,៨៩% បើធៀបនឹងនាថ្ងៃទី៣១ ខែធ្នូ ឆ្នាំ២០២៣៕
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក