សេដ្ឋកិច្ច
ឥណ្ឌា ព្រមានឱ្យពលរដ្ឋខ្លួនដែលរកការងារនៅកម្ពុជា និងឡាវ ប្រុងប្រយ័ត្ននឹងការបោកប្រាស់
ក្រសួងការបរទេសឥណ្ឌាថ្មីៗនេះ បានចេញសេចក្ដីណែនាំដល់ពលរដ្ឋឥណ្ឌា ដែលធ្វើដំណើរមកស្វែងរកការងារធ្វើនៅប្រទេសឡាវ និងកម្ពុជា មានការប្រយ័ត្នទៅនឹងការបោកប្រាស់ផ្សេងៗដោយក្រុមទុច្ចរិត។ នេះបើតាមការចុះផ្សាយរបស់កាសែត Times of India។
ក្រសួងនិយាយព្រមានក្នុងសេចក្ដីណែនាំយ៉ាងដូច្នេះថា៖ «ពលរដ្ឋឥណ្ឌាទាំងអស់ ដែលកំពុងធ្វើដំណើរស្វែងរកការងារក្នុងប្រទេសកម្ពុជា និងតំបន់អាស៊ីអាគ្នេយ៍ សូមដឹងថា មានភ្នាក់ងារក្លែងក្លាយជាច្រើនដែលកំពុងប្រតិបត្តិការក្នុងតំបន់ និងធ្វើការជាមួយភ្នាក់ងារនៅឥណ្ឌា កំពុងធ្វើការទាក់ទាញមនុស្ស ឱ្យទៅក្រុមហ៊ុនបោកប្រាស់ ដែលពាក់ព័ន្ធជាពិសេសទៅនឹងឧក្រិដ្ឋកម្មតាមអ៊ិនធឺណិត»។
ក្រសួងបន្តថា អ្នកណាដែលទទួលការងារនៅកម្ពុជា គួរតែទទួលតាមរយៈភ្នាក់ងារ ដែលមានការអនុញ្ញាតពីក្រសួងការបរទេសឥណ្ឌា។
គួរគូសបញ្ជាក់ថា សេចក្ដីណែនាំរបស់ក្រសួងការបរទេសឥណ្ឌា ធ្វើឡើងក្រោយមានសេចក្ដីរាយការណ៍ពីការបោកប្រាស់ពលរដ្ឋឥណ្ឌាឱ្យមកធ្វើការនៅបណ្ដាប្រទេសអាស៊ីអាគ្នេយ៍ ហើយទីបំផុតជនរងគ្រោះទាំងនោះត្រូវបានគេឃុំឃាំង និងបង្ខំឱ្យធ្វើការ ដូចជាការងារឧក្រិដ្ឋកម្មតាមអ៊ិនធឺណិតជាដើម។
យោងតាមការណែនាំ ឱកាសការងារក្លែងក្លាយជាច្រើនដូចជា ផ្នែកលក់តាមអនឡាញ ប្រធានទីផ្សារ និងសេវាកម្មគាំទ្រអតិថិជនជាដើម ត្រូវបានផ្សព្វផ្សាយដោយក្រុមហ៊ុនសង្ស័យផ្សេងៗ ដែលធ្វើប្រតិបត្តិការឆបោកតាមមជ្ឈមណ្ឌលហៅទូរស័ព្ទ និងការបោកប្រាស់លុយគ្រីបតូ ក្នុងតំបន់សេដ្ឋកិច្ចពិសេសត្រីកោណមាស នៅប្រទេសឡាវ។ ក្រុមហ៊ុនទាំងនោះមានភ្នាក់ងារផ្សេងៗគ្នា រួមទាំងនៅទីក្រុងឌូបៃ បាងកក សិង្ហបុរី និងឥណ្ឌាផ្ទាល់ និងកំពុងទាក់ទាញពលរដ្ឋឥណ្ឌាយ៉ាងសកម្ម។
ក្រសួងការបរទេសឥណ្ឌា បានគូសបញ្ជាក់ថា ដំណើរការជ្រើសរើសបុគ្គលិក រួមមានទាំងការសម្ភាសន៍ត្រង់ៗ និងការធ្វើតេស្តវាយអត្ថបទ ហើយក្រុមហ៊ុនធ្វើការទាក់ទាញបេក្ខជនដោយប្រើកញ្ចប់សំណងផ្សេងៗ ការស្នាក់នៅសណ្ឋាគារ សំបុត្រយន្តហោះចូលស្រុកវិញ និងជំនួយក្នុងដំណើរការរត់ទិដ្ឋាការជាដើម។
ក្រសួងបន្តថា ក្រោយជ្រើសរើសរួម ជនរងគ្រោះត្រូវបានក្រុមឧក្រិដ្ឋជនចាប់ធ្វើជាចំណាប់ខ្មាំង និងបង្ខំឱ្យធ្វើការក្នុងស្ថានភាពលំបាក ក្រោមការធ្វើទារុណកម្មរាងកាយ និងផ្លូវចិត្តឥតឈប់ឈរ។ ដូច្នេះ ដើម្បីជៀសវាង ការផ្តល់ជូនការងារក្លែងបន្លំ ពលរដ្ឋត្រូវផ្ទៀងផ្ទាត់ដោយប្រុងប្រយ័ត្ននូវព័ត៌មានលម្អិត និងទាក់ទងជាមួយស្ថានទូតឥណ្ឌា ដើម្បីទទួលបានជំនួយ ឬការបំភ្លឺណាមួយ៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?