សេដ្ឋកិច្ច
គ្រោះរាំងស្ងួតកាត់បន្ថយទិន្នផល និងគុណភាពទុរេនវៀតណាម
កសិករដាំទុរេនក្នុងប្រទេសវៀតណាម បានបង្ហាញការព្រួយបារម្ភថា ការឡើងកំហាប់អំបិលក្នុងដី និងគ្រោះរាំងស្ងួតនៅតំបន់ដាំទុរេនសំខាន់ៗរបស់ប្រទេស នឹងកាត់បន្ថយទិន្នផល និងគុណភាពផ្លែទុរេន។ នេះបើតាមការចុះផ្សាយបន្តរបស់កាសែត VnExpress។
នាយកវិទ្យាស្ថាន Southern Fruit Institute របស់វៀតណាម លោក Vo Huu Thoai បានប្រាប់សារព័ត៌មានសិង្ហបុរី CNA ថា៖ «បញ្ហាសំខាន់នៃរដូវប្រមូលផលផ្លែទុរេននេះគឺ គ្រោះរាំងស្ងួតអូសបន្លាយ និងការឡើងកំហាប់ជាតិអំបិលក្នុងដីដោយសារទឹកសមុទ្រ ដែលបានធ្វើឱ្យថយចុះទិន្នផល និងគុណភាពនៃចំការទុរេនរបស់ប្រទេសវៀតណាម»។
គួរគូសបញ្ជាក់ថា តំបន់ដីសណ្តមេគង្គ ដែលមានចំការទុរេនពាក់កណ្ដាលរបស់ប្រទេស បានរងផលប៉ះពាល់យ៉ាងធ្ងន់ធ្ងរដោយសារការផ្លាស់ប្តូរលំនាំធាតុអាកាស និងការកើនឡើងនៃទឹកប្រៃក្នុងរយៈពេលប៉ុន្មានឆ្នាំថ្មីៗនេះ។ លើសពីនេះទៀត ទំនប់វារីអគ្គីសនីដែលបានសាងសង់ពីផ្នែកខាងលើនៃទន្លេមេគង្គ ធ្វើឱ្យលំហូរទឹកផ្នែកខាងក្រោយខ្សោយ ដែលនាំឱ្យមានការខ្វះខាតទឹកសាប។
ប្រជាជនរាប់ពាន់នាក់នៅតំបន់ដីសណ្ដមេគង្គ កំពុងទទួលរងការខ្វះខាតទឹកសាបធ្ងន់ធ្ងរ ដោយសារតែគ្រោះរាំងស្ងួត និងជាតិប្រៃក្នុងដីខ្ពស់ ដែលជំរុញឱ្យអាជ្ញាធរក្នុងតំបន់ប្រកាសភាពអាសន្នកាលពីដើមខែមុន។ នេះបើយោងតាមការរាយការណ៍របស់ទីភ្នាក់ងារសារព័ត៌មាន AFP ។
កាលពីពាក់កណ្ដាលខែមីនា របាយការណ៍របស់វិទ្យាស្ថានវិទ្យាសាស្រ្តធនធានទឹក ចំណុះឱ្យក្រសួងធនធានធម្មជាតិ និងបរិស្ថានវៀតណាម បានបង្ហាញថា ការឡើងកំហាប់ជាតិអំបិលខ្ពស់ក្នុងដី បានធ្វើឱ្យប៉ះពាល់យ៉ាងធ្ងន់ធ្ងរដោយកសិផលនៅតំបន់ដីសណ្ដមេគង្គ ដោយបង្កការខូតខាតសរុបប្រចាំឆ្នាំជិត ៣ ប៊ីលានដុល្លារ។
ចំណែកឯគ្រោះរាំងស្ងួតវិញ រួមជាមួយនឹងរលកកំដៅដែលបក់បោកពាសពេញតំបន់អាស៊ីអាគ្នេយ៍ និងបាតុភូតធាតុអាកាស អែល នីណូ បានធ្វើឱ្យជាតិប្រៃក្នុងដីកាន់តែអាក្រក់ទៅៗនៅឆ្នាំនេះ ដែលប៉ះពាល់ដល់ការផលិតទុរេន។
កសិករទុរេនម្នាក់ ឈ្មោះ Tran Van Nghia បានប្រាប់ CNA ថា៖ «ការគំរាមកំហែងដ៏ធំបំផុតចំពោះទុរេន គឺទឹកប្រៃ។ ដើមទុរេន គឺងាយនឹងទទួលរងនូវទឹកប្រៃ»។ ចំណែកឯកាសែតវៀតណាម Thanh Nien បានរាយការណ៍ ដោយស្រង់សម្ដីកសិករដាំទុរេនម្នាក់ក្នុងខេត្ត Ben Tre នៃតំបន់ដីសណ្តទន្លេមេគង្គ ឈ្មោះ លោក Phan Hoang Tan ដែលនិយាយថា ទិន្នផលទុរេនចំការរបស់លោកបានធ្លាក់ចុះរហូតដល់ ៣០ ភាគរយ បើធៀបនឹងការប្រមូលផល៣លើកមុនៗ ដោយសារតែកម្ដៅខ្លាំង និងកង្វះទឹកសាប។
ដោយមើលឃើញក្នុងអត្រាបច្ចុប្បន្ន លោក Thoai ពីវិទ្យាស្ថាន Southern Fruit Institute និយាយថា បញ្ហានេះរំពឹងថានឹងកាន់តែអាក្រក់ទៅៗ ប្រសិនបើមិនអនុវត្តដំណោះស្រាយឱ្យបានទាន់ពេលវេលា។
គួរគូសបញ្ជាក់ថា វៀតណាមបាននាំចេញទុរេនក្នុងតម្លៃ ២,៣ ប៊ីលានដុល្លារកាលពីឆ្នាំមុន ដោយ ៨៧ ភាគរយក្នុងនោះ នាំចេញទៅចិន។ តួលេខនេះរំពឹងថានឹងកើនឡើងដល់ ៣,៥ ប៊ីលានដុល្លារនៅឆ្នាំនេះ ចំពេលមានកំណើនតម្រូវការ ប៉ុន្តែការរំពឹងដដែលអាចក្លាយជាភាពមិនច្បាស់លាស់ ដោយសារគ្រោះរាំងស្ងួត និងការឡើងកំហាប់អំបិលក្នុងដី។
ផ្ទុយទៅវិញមួយទៀត រលកកម្ដៅក្នុងតំបន់ ត្រូវបានគេរំពឹងថានឹងលើកកម្ពស់ផលិតកម្មទុរេនរបស់ម៉ាឡេស៊ី ជាពិសេសសម្រាប់ពូជទុរេន Musang King។ ការណ៍នេះអាចបង្កើនការប្រកួតប្រជែងសម្រាប់ប្រទេសវៀតណាម ខណៈម៉ាឡេស៊ីកំពុងបញ្ចប់ការចរចា ដើម្បីនាំចេញទុរេនស្រស់ទៅប្រទេសចិន នៅចុងឆ្នាំ ២០២៤។
ក្រៅពីនោះ ការផ្គត់ផ្គង់លើសចំណុះ អាចនឹងក្លាយជាក្តីកង្វល់ក្នុងរយៈពេលប៉ុន្មានឆ្នាំខាងមុខនេះ ដោយសារកសិករវៀតណាម ប្តូរពីដំណាំផ្សេងមកដាំទុរេន ខណៈតួលេខពីក្រសួងកសិកម្ម និងអភិវឌ្ឍន៍ជនបទវៀតណាមបានបង្ហាញថា ចំការទុរេនគ្របដណ្ដប់លើផ្ទៃដី ១៥០ ០០០ ហិចតា (ហួសគោលដៅ ៧៥ ០០០ ហិចតារបស់ក្រសួង) នៅទូទាំងប្រទេស ហើយក្នុងនោះទៀតសោត ចំការទុរេនត្រឹមតែ ១៣ ភាគរយប៉ុណ្ណោះ ដែលត្រូវតាមស្ដង់ដារ និងត្រូវបានអនុម័តឱ្យនាំចូលចិន៕
រដ្ឋបាលសង្កាត់ស្ទឹងមានជ័យទី ១ បើកយុទ្ធនាការបាញ់ថ្នាំសម្លាប់សត្វមូស ក្នុងភូមិទាំង ៨
ហួសភ្នំសំពៅជាង ១ គីឡូម៉ែត្រ ផ្លែត្នោតទាំងធ្លាយៗពលរដ្ឋតាំងលក់ ទាក់ទាញទេសចរធ្វើដំណើរឆ្លងកាត់
រដ្ឋាភិបាលប្ដេជ្ញាបន្តការពារឧស្សាហកម្មផលិតស៊ីម៉ងត៍ គ្រាដែលតម្រូវការសំណង់ធ្លាក់ចុះ
បុរសម្នាក់ សង្ស័យងងុយដេក ងោកមួយភាំង រេចង្កូតឡើងខឿន បុកបង្គោលភ្លើង បង្កការខូចខាត
មកស្គាល់អ្នកចាំទី Bayındır កំពុងល្បីនៅ Man Utd
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ