សេដ្ឋកិច្ច
របាយការណ៍៖ វិស័យអចលនទ្រព្យអាស៊ីប៉ាស៊ីហ្វិក ងាយរងគ្រោះខ្ពស់ដោយសារការប្រែប្រួលអាកាសធាតុ
ក្រុមហ៊ុនប្រឹក្សាហានិភ័យអាកាសធាតុ XDI បានចេញផ្សាយរបាយការណ៍ថ្មីមួយកាលពីថ្ងៃពុធ ដោយបង្ហាញថា អចលនទ្រព្យជិត ១ ក្នុងចំណោម ១០ ដែលគ្រប់គ្រងដោយក្រុមហ៊ុនវិនិយោគអចលនទ្រព្យនាំមុខគេផ្សេងៗ (REITs) នៅក្នុងតំបន់អាស៊ីប៉ាស៊ីហ្វិក អាចនឹងប្រឈមមុខនឹងហានិភ័យនៃការខូចខាតខ្ពស់ ដោយសារតែការប្រែប្រួលអាកាសធាតុ ជាពិសេសនៅតំបន់ឆ្នេរសមុទ្រ។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ក្រុមហ៊ុននិយាយក្នុងរបាយការណ៍ថា REITs ដែលមានមូលធន ទីផ្សារលើពិភពលោក ប្រហែល ៣ ទ្រីលានដុល្លារ ត្រូវបានចាត់ទុកថាជាជម្រកសុវត្ថិភាពសម្រាប់អ្នកវិនិយោគរយៈពេលវែង ប៉ុន្តែការខូចខាតពីហានិភ័យអាកាសធាតុ ដូចជាទឹកជំនន់ និងភ្លើងឆេះព្រៃ អាចប៉ះពាល់ដល់ការវាយតម្លៃផ្សេងៗ និងបង្កើនបុព្វលាភធានារ៉ាប់រង។
អ្នកស្រាវជ្រាវរបស់របាយការណ៍នាំមុខ លោក Philip Tapsall បានថ្លែងថា៖ «អ្វីដែលយើងកំពុងឃើញគឺថា ហានិភ័យជាក់ស្ដែងចំពោះទ្រព្យសម្បត្តិដែលបានសាងសង់រួច កើនឡើងពីមួយពេលទៅមួយពេលក្រោមបម្រែបម្រួលអាកាសធាតុ ហើយជាពិសេស ហានិភ័យទាំងនោះគឺកាន់តែច្បាស់ក្នុងសេណារីយ៉ូដែលការឡើងកំដៅផែនដីកាន់តែធ្ងន់ធ្ងរ»។
លោកបានបន្ថែមថា ក្រុមហ៊ុនឯកជន និងសហគមន៍ដែលទទួលរងផលប៉ះពាល់ ចាំបាច់បញ្ចេញសកម្មភាពបន្ថែមទៀត ដើម្បីសម្របខ្លួនទៅនឹងហានិភ័យ។
គួរគូសបញ្ជាក់ថា ក្នុងរបាយការណ៍របស់ខ្លួន ក្រុមហ៊ុន XDI បានវិភាគទ្រព្យសកម្មជាង ២ ០០០ ដែលមានតម្លៃសរុប ១៤២ ប៊ីលានដុល្លារ ដែលកាន់កាប់ដោយ REITs ធំៗជាងគេទាំង ២០ នៅប្រទេសជប៉ុន អូស្ត្រាលី សិង្ហបុរី និងហុងកុង។
ក្រុមហ៊ុនបានប្រើលំនាំអាកាសធាតុសកល និងទិន្នន័យធាតុអាកាសក្នុងតំបន់ ដើម្បីវាយតម្លៃការខូចខាតរំពឹងទុក ដែលបណ្ដាលមកពីធាតុអាកាសហួសហេតុ។
តាមរយៈនេះ ទ្រព្យសម្បត្តិដែលរងការខូចខាតប្រចាំឆ្នាំ ច្រើនជាង ១ ភាគរយនៃតម្លៃសរុប ចាត់ទុកថារង «ហានិភ័យខ្ពស់»។ ទិន្នន័យបង្ហាញថា ជិត ១ ក្នុងចំណោម ១០ រំពឹងថានឹងធ្លាក់ទៅក្នុងស្ថានភាពនេះនៅឆ្នាំ ២០៥០។ XDI បានកំណត់ថា ទឹកជំនន់តាមឆ្នេរសមុទ្រ ជាការគំរាមកំហែងដ៏ធំបំផុតនៅក្នុងតំបន់អាស៊ីប៉ាស៊ីហ្វិក។
លោក Tapsall បានអំពាវនាវឱ្យមានតម្លាភាព និងការបើកចំហរបន្ថែមទៀត ដើម្បីធានាថា ក្រុមហ៊ុនផ្សេងៗ រួមទាំងអ្នកវិនិយោគ និងអ្នកផ្តល់ប្រាក់កម្ចីរបស់ពួកគេ អាចវាស់វែង និងគ្រប់គ្រងផលប៉ះពាល់អាកាសធាតុនាពេលអនាគត៕
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
មនុស្សជាង៦០០០នាក់ត្រូវបានឃុំខ្លួននៅក្នុងបណ្តាញជួញដូរមនុស្សនៅមីយ៉ាន់ម៉ា
អាមេរិកដាក់ទណ្ឌកម្មលើវិស័យប្រេងរុស្ស៊ីកាន់តែធ្ងន់ធ្ងរ ខណៈអ៊ុយក្រែនព្យាយាមបំផ្លាញ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ១ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៣ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ