សេដ្ឋកិច្ច
កម្ពុជាជំរុញការដោះដូរការវិនិយោគមូលបត្របំណុលប្រកបដោយចីរភាព
ភ្នំពេញ៖ ទេសាភិបាលធនាគារជាតិនៃកម្ពុជា (NBC) លោកស្រីបណ្ឌិត ជា សិរី បានផ្តួចផ្តើម ការដោះដូរការវិនិយោគមូលបត្របំណុលប្រកបដោយចីរភាព ដែលជាដំណោះស្រាយថ្មីមួយសម្រាប់កិច្ចសហប្រតិបត្តិការជាមួយបណ្តាប្រទេសនានានៅក្នុងតំបន់ និងសកលលោក។
ការលើកឡើងនៃគំនិតផ្តួចផ្តើមរបស់លោកស្រីបណ្ឌិត ជា សិរី ធ្វើឡើងក្នុងឪកាសដែលលោកស្រីចូលរួមជាវាគ្មិនក្នុងកិច្ចពិភាក្សាលើប្រធានបទ ស្តីពី «តើតំបន់អាស៊ីអាចសម្រេចបាននូវគោលដៅសូន្យ នៃការបំភាយឧស្ម័នផ្ទះកញ្ចក់សុទ្ធដែរឬទេ?»នៅថ្ងៃទី២៤ ខែឧសភា ឆ្នាំ២០២៤ ដែលជាផ្នែកមួយនៃកម្មវិធី Nikkei Forum លើកទី២៩ ក្រោមមូលបទ “អនាគតនៃទ្វីបអាស៊ី”។
កម្មវិធីនេះត្រូវបានរៀបចំឡើងនៅទីក្រុងតូក្យូពីថ្ងៃទី២៣ ដល់ថ្ងៃទី២៤ ខែឧសភា ឆ្នាំ២០២៤ ដោយមានការចូលរួមពីថ្នាក់ដឹកនាំតំបន់អាស៊ីល្បីៗ រួមទាំងនាយករដ្ឋមន្ត្រី និងរដ្ឋមន្ត្រីផងដែរ។ នេះបើយោងតាម NBC។
លោកស្រីបានលើកឡើងពីគោលដៅអាកាសធាតុរបស់រដ្ឋាភិបាលកម្ពុជា តួនាទីរបស់ធនាគារជាតិនៃកម្ពុជា ក្នុងការសម្របសម្រួលលំហូរហិរញ្ញប្បទានប្រកបដោយចីរភាព និងកិច្ចសហប្រតិបត្តិការក្នុងវិស័យហិរញ្ញវត្ថុនៅតំបន់អាស៊ាន។
លោកស្រីបណ្ឌិតបានលើកគំនិតផ្តួចផ្តើមថា៖« ការដោះដូរការវិនិយោគមូលបត្របំណុលប្រកបដោយចីរភាពដែលជាដំណោះស្រាយថ្មីមួយសម្រាប់កិច្ចសហប្រតិបត្តិការ»។
លោកស្រីបណ្ឌិតបានសង្កត់ធ្ងន់លើតម្រូវការធនធានដើម្បីពង្រឹងភាពធន់នឹងអាកាសធាតុរបស់កម្ពុជា ដោយជំរុញឱ្យមានការគាំទ្រពីស្ថាប័នអន្តរជាតិសម្រាប់ប្រទេសដែលងាយរងគ្រោះនិងមានការបំភាយឧស្ម័នទាប ក្នុងការសម្របខ្លួនទៅនឹងបរិស្ថានអាកាសធាតុថ្មី។
កាលពីដើមខែមករា ឆ្នាំ២០២៤នេះ ធនាគារជាតិនៃកម្ពុជា និងសាជីវកម្មហិរញ្ញវត្ថុអន្តរជាតិ បានចុះហត្ថលេខាលើកិច្ចព្រមព្រៀងសហប្រតិបត្តិការដើម្បីជំរុញទីផ្សារហិរញ្ញវត្ថុបៃតងនៅកម្ពុជា ដែលគាំទ្រដល់ការផ្លាស់ប្តូររបស់ប្រទេសឆ្ពោះទៅរកសេដ្ឋកិច្ចបៃតង។
ភាពជាដៃគូនេះមានគោលបំណងជួយកម្ពុជាដោះស្រាយផលប៉ះពាល់ដែលបណ្តាលមកពីបម្រែបម្រួលអាកាសធាតុ និងបង្កើតបរិយាកាសអំណោយផលសម្រាប់ទាញយកសក្តានុពលពីហិរញ្ញវត្ថុបៃតង។
លោក Asad Yaqub ប្រធានស្ថាប័នសាជីវកម្មហិរញ្ញវត្ថុអន្តរជាតិប្រចាំកម្ពុជាបានក្នុងពិធីនោះថាថាកិច្ចព្រមព្រៀងនេះគាំទ្រផែនការរបស់កម្ពុជាក្នុងការដោះស្រាយបញ្ហាហានិភ័យនៃការបម្រែបម្រួលអាកាសធាតុ និងធ្វើអោយទីផ្សារហិរញ្ញវត្ថុបៃតងកាន់តែរឹងមាំ។
លោកថា៖«ក្នុងនាមជាស្ថាប័នឈានមុខនៃហិរញ្ញវត្ថុបៃតងសកល យើងនឹងជួយកម្ពុជាក្នុងការប្រមូលហិរញ្ញប្បទានអាកាសធាតុសំខាន់ៗ រួមចំណែកដល់ផែនទីកំណើនបៃតង ប្រកបដោយបរិយាប័ន្ន និងភាពធន់នាពេលអនាគត»៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?