សេដ្ឋកិច្ច
លំហូរវិនិយោគផ្ទាល់ពីបរទេសនៅវៀតណាម កើនឡើងជាង ១១ ប៊ីលានដុល្លារក្នុងរយៈពេល ៥ ខែ
ទីភ្នាក់ងារវិនិយោគបរទេសនៃក្រសួងផែនការ និងវិនិយោគវៀតណាម (MPI) បានឱ្យដឹងថា ប្រទេសវៀតណាមបានទទួលការសន្យាវិនិយោគដោយផ្ទាល់ពីបរទេស សរុប ១១,០៧ ប៊ីលានដុល្លារ ក្នុងអំឡុងខែមករា-ឧសភា ឆ្នាំនេះ ដោយកើនឡើង២ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់ VnExpress កាលពីថ្ងៃអង្គារ។
ក្នុងការវិនិយោគទាំងនោះ មាន ៧,៩៤ ប៊ីលានដុល្លារ ត្រូវបានបម្រុងទុកសម្រាប់គម្រោងថ្មី ដោយកើនឡើង ៥០,៨ ភាគរយ ខណៈនៅសល់ទាំងប៉ុន្មាន កំណត់សម្រាប់ការវិនិយោគបន្ថែមក្នុងគម្រោងដែលមានស្រាប់ និងការទិញយកផ្សេងៗ។
បើតាមទីភ្នាក់ងារវិនិយោគបរទេសដដែល ក្នុងរយៈពេល៥ខែ ឆ្នាំនេះ ការសន្យាពីប្រទេសសិង្ហបុរី រួមចំណែកខ្ពស់បំផុត ក្នុងទំហំសរុប ៣,២៥ ប៊ីលានដុល្លារ ខណៈការចំណាយដើមទុន FDI បានកើនឡើង ៧,៨ ភាគរយ ទៅដល់ជាង ៨,២ ប៊ីលានដុល្លារ។ ឧស្សាហកម្មផលិត និងកែច្នៃគ្របដណ្ដប់លើការវិនិយោគរហូតដល់ទៅ ៦៧,១ ភាគរយ។
ក្រសួងឧស្សាហកម្ម និងពាណិជ្ជកម្ម (MoIT) បានរាយការណ៍ថា FDI ភាគច្រើនត្រូវបានតម្រង់ទិសទៅកាន់តំបន់ខេត្ត ក្រុង ដែលមានហេដ្ឋារចនាសម្ព័ន្ធរឹងមាំ ធនធានមនុស្សមានស្ថិរភាព កិច្ចខិតខំប្រឹងប្រែងក្នុងកំណែទម្រង់បែបបទរដ្ឋបាល និងការជំរុញការវិនិយោគសកម្មផ្សេងៗ ។
គួរគូសបញ្ជាក់ថា គិតត្រឹមថ្ងៃទី ២០ ខែឧសភា ក្រោមការវិនិយោគដោយផ្ទាល់ពីបរទេស វៀតណាមមានគម្រោងច្បាស់លាស់ចំនួន ៤០ ២៨៥ ដែលមានដើមទុនសរុបចំនួន ៤៨១,៣៣ ប៊ីលានដុល្លារ ដែលក្នុងនោះ ប្រហែល ៣០៥,៤៣ ប៊ីលានដុល្លារ ត្រូវបានចំណាយមកទល់ពេលនេះ៕
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan