សេដ្ឋកិច្ច
អ្នកជំនាញ៖ ផែនការដំឡើងប្រាក់ឈ្នួលរបស់រដ្ឋាភិបាលថៃ អាចប៉ះពាល់ដល់សហគ្រាសធុនតូច និងមធ្យម
ការដំឡើងប្រាក់ឈ្នួលអប្បបរមាប្រចាំថ្ងៃដល់ ៤០០ បាត ដើម្បីលើកកម្ពស់ការប្រើប្រាស់ក្នុងស្រុក គឺជាគោលនយោបាយមួយសំខាន់ ដែលរដ្ឋាភិបាលថៃរបស់លោកនាយករដ្ឋមន្រ្តី សេដ្ឋា ថាវីស៊ីន អនុវត្តដើម្បីជំរុញសេដ្ឋកិច្ច។
ខណៈរដ្ឋាភិបាលប្តេជ្ញាចេញគោលនយោបាយនេះ នៅខែតុលានេះ អ្នកជំនាញសេដ្ឋកិច្ច ក្រុមអាជីវកម្ម និងអង្គការមួយចំនួន បានរិះគន់ និងសម្ដែងការព្រួយបារម្ភអំពីផលប៉ះពាល់អវិជ្ជមានផ្សេងៗ ទាំងអតិផរណាខ្ពស់ និងបញ្ហាប្រឈមចំពោះសហគ្រាសធុនតូច និងមធ្យម (SMEs)។
ក្នុងបទសម្ភាសន៍កាលពីពេលថ្មីៗ ជាមួយសារព័ត៌មានថៃ Thai PBS World ប្រធានសភាពាណិជ្ជកម្មបរទេសរួមនៅប្រទេសថៃ លោកស្រី Vibeke Lyssand Leirvag បាននិយាយថា ការដំឡើងប្រាក់ឈ្នួល ៤០០ បាត/ថ្ងៃ អាចបង្ខំឱ្យក្រុមហ៊ុនមួយចំនួនបញ្ឈប់កម្មករ ហើយ SMEs ដំឡើងតម្លៃផលិតផលរបស់ខ្លួន។
លោកស្រីបន្តយ៉ាងដូច្នេះថា៖ «អាជីវកម្មដែលមានតម្លៃប្រតិបត្តិការខ្ពស់ ជាពិសេស SMEs នឹងប្រឈមមុខនឹងតម្លៃពលកម្មខ្ពស់ ហើយការណ៍នេះ នឹងធ្វើឱ្យពួកគេកាត់បន្ថយផលិតភាព ហើយបង្ខំដំឡើងតម្លៃផលិតផលរបស់ខ្លួន»។
អ្នកជំនាញរូបដដែលបានគូសបញ្ជាក់ផងដែរថា ការដំឡើងប្រាក់ឈ្នួល ៤០០ បាត/ថ្ងៃនៅតាមបណ្ដាខេត្តដែលមានសេដ្ឋកិច្ចធំៗ នឹងមិនសូវជាបញ្ហានោះទេ ប៉ុន្តែសម្រាប់បណ្ដាខេត្តដែលមានសេដ្ឋកិច្ចអន់ថយនៅឡើយនោះ វាអាចនឹងបង្កផលប៉ះពាល់ធ្ងន់ធ្ងរ ដោយឈានទៅដល់ការបិទទ្វាសម្រាប់អាជីវកម្មមួយចំនួនផងក៏មាន។ លោកស្រីបន្តថា ដោយហេតុនេះ ការដំឡើងប្រាក់ឈ្នួល មិនអាចលើកឡើងមកពិភាក្សាជាទូទៅ ទូទាំងប្រទេសនោះទេ។
ជាមួយគ្នានេះផងដែរ លោកស្រី Vibeke បានថ្លែងថា ក្នុងរូបភាពវិជ្ជមានសម្រាប់រយៈពេលខ្លី ការដំឡើងមានន័យថា កម្មករអាចមានប្រាក់ចំណាយច្រើនជាងមុន។ ប៉ុន្តែក្នុងរយៈពេលយូរ វានឹងបង្កការធ្លាក់ចុះនៃផលិតភាព និងអត្រាអតិផរណាកម្រិតខ្ពស់។
ពាក់ព័ន្ធនឹងដំណោះស្រាយ លោកស្រី Vibeke ថ្លែងថា មុនពេលរដ្ឋាភិបាលគ្រោងដំឡើងប្រាក់ឈ្នួលអប្បបរមា ការដាក់ផលិតភាពជាគោលនយោបាយស្នូល មានសារៈសំខាន់ណាស់ បូករួមទាំងវិធានការជាក់លាក់ចាំបាច់ជាច្រើន ដែលរួមបញ្ចូលការអប់រំសហគមន៍ធុរកិច្ច ការអនុវត្តគំនិតផ្តួចផ្តើមផ្សេងៗដោយមានការត្រួតពិនិត្យត្រឹមត្រូវ។
លោកស្រីបន្តថា ការពង្រឹងជំនាញមានសារៈសំខាន់ខ្លាំងណាស់ រួមទាំងសមត្ថភាពបច្ចេកទេស និងការច្នៃប្រឌិតដោយការអប់រំបណ្តុះបណ្តាល ដើម្បីឱ្យដំណើរការបច្ចេកវិទ្យាថ្មី អាចប្រើប្រាស់បាន ដែលនេះសំដៅលើកម្លាំងពលកម្ម ដែលមានជំនាញស្របជាមួយនឹងការបង្កើតថ្មី។
គួរគូសបញ្ជាក់ថា ទោះបីជាមានការរិះគន់ពីអ្នកជំនាញលើផែនការដំឡើងប្រាក់ឈ្នួលនេះក្ដី លោកនាយករដ្ឋមន្រ្តី សេដ្ឋា នៅតែប្រកាន់ខ្ជាប់នូវជំហររបស់រដ្ឋាភិបាលខ្លួន ដោយថ្លែងការពារថា វាគឺជាគោលនយោបាយចាំបាច់ ដើម្បីសេដ្ឋកិច្ចថៃ។
លោកថ្លែងប្រាប់អ្នកសារព័ត៌មាន ក្រោយកិច្ចប្រជុំគណៈរដ្ឋមន្ត្រីកាលពីថ្ងៃ ៧ ឧសភា ថា៖ «វា(ការដំឡើងប្រាក់ឈ្នួល)គឺពាក់ព័ន្ធនឹងជីវិត និងជីវភាពរបស់ប្រជាពលរដ្ឋនៅមូលដ្ឋាន ដែលជាឧបករណ៍ដ៏សំខាន់ក្នុងការជំរុញសេដ្ឋកិច្ច»។ លោកបន្ថែមថា ប្រាក់ឈ្នួលបានកើនឡើងតែជាង ១០ ភាគរយប៉ុណ្ណេះ ក្នុងរយៈពេល ១០ ឆ្នាំកន្លងមកនេះ៕
កងកម្លាំងឆ្មាំព្រំដែនរដ្ឋ Karen មីយ៉ាន់ម៉ាប្រគល់ ជនជាតិចិន៣៦៥នាក់ឱ្យថៃ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
សម្តេច ម៉ែន សំអន ចូលរួមសោកស្តាយចំពោះការបាត់បង់បងប្រុសធំ សម្តេចតេជោ ហ៊ុន សែន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៧ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?