សេដ្ឋកិច្ច

គម្រោងវិនិយោគនៅភ្នំបូកគោ ចាយទុនអស់ប្រមាណ ៨០០ លានដុល្លារ មិនទាន់មានផលចំណេញ

បានផុស

១០ ខែ មុន

នៅ

ថ្ងៃពុធ ២៩ ឧសភា ២០២៤

ដោយ

អ្នកឧកញ៉ា សុខ គង់ បានបង្ហើបពីខ្ទង់ចំណាយសម្រាប់ការវិនិយោគនៅរមនីយដ្ឋានភ្នំបូកគោ រហូតមកដល់ពេលនេះ បានចាយទុនវិនិយោគអស់ប្រមាណ ៨០០ លានដុល្លារ ហើយមិនទាន់ទទួលបានប្រាក់ចំណេញនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្តល់បទសម្ភាសន៍ដល់ក្រុមអ្នកសារព័ត៌មានជាង ៣០ ស្ថាប័ន ដឹកនាំដោយក្លិបអ្នកកាសែតកម្ពុជា នៅរសៀលថ្ងៃទី ២៩ ខែឧសភា ឆ្នាំ ២០២៤ អ្នកឧកញ៉ា សុខ គង់ មានប្រសាសន៍ថា៖ «យើងបានចំណាយលើការសាងសង់ហេដ្ឋារចនាសម្ព័ន្ធផ្សេងៗមាន ផ្លូវ ទឹក ភ្លើង រហូតមកដល់ពេលនេះអស់ប្រមាណ ៧០០ ទៅ ៨០០ លានដុល្លារ ដែលការវិនិយោគយ៉ាងច្រើនសន្ធឹកនេះនៅមិនទាន់បានផលចំណេញមកវិញនោះទេ»។

អ្នកឧកញ៉ា សុខ គង់ បញ្ជាក់ថា ផ្ទៃដីឧទ្យានភ្នំបូកគោមានទំហំជាង ១៥០ ០០០ ហិកតា តែក្រុមហ៊ុនទទួលបានសិទ្ធិវិនិយោគតែប្រមាណ ៤ ម៉ឺនហិកតា។

អ្នកឧកញ៉ាបានលើកពីការសាងសង់ព្រះពុទ្ធបដិមាករកម្ពស់ជាង ១០០ ម៉េត្រនៅលើភ្នំបូកគោដែលគ្រោយចំណាយរាប់លានដុល្លារ ខណៈក្រុមហ៊ុនក៏មានផែនការសាងសង់ហេដ្ឋារចនាសម្ព័ន្ធផ្សេងទៀត ដែលត្រូវចាយខ្ទង់វិនិយោគរាប់សិបលានដុល្លារថែមទៀត៕