សេដ្ឋកិច្ច
កម្ពុជាលើកទឹកចិត្តដល់វិនិយោគិនតួកគីចាប់ឱកាសពីកិច្ចព្រមព្រៀងពាណិជ្ជកម្មសេរីដែល កម្ពុជាកំពុងអនុវត្ត
ប្រមុខការទូតនៃកម្ពុជាបានអំពាវនាវឱ្យពាណិជ្ជករនិងវិនិយោគិនតួកគីមកពិនិត្យលទ្ធភាពក្នុងការពង្រីកអាជីវកម្ម និងការវិនិយោគនៅកម្ពុជា ដើម្បីទាញយកអត្ថប្រយោជន៍ពីការអនុវត្តកិច្ចព្រមព្រៀងពាណិជ្ជកម្មសេរីនានាដែលកម្ពុជាកំពុងតែអនុវត្ត។
ការអំពាវនាវនេះត្រូវបានធ្វើឡើងដោយ ឯកឧត្តមឧបនាយករដ្ឋមន្រ្តី សុខ ចិន្ដាសោភា រដ្ឋមន្ត្រីការបរទេស និងសហប្រតិបត្តិការអន្តរជាតិ ទៅកាន់ឯកឧត្តម Mustafa Tuzcu អនុរដ្ឋមន្ត្រីពាណិជ្ជកម្ម នៃសាធារណរដ្ឋតួកគីកាលពីថ្ងៃទី២៧ ខែឧសភាកន្លងទៅនេះក្នុងកម្មវិធីអាហារថ្ងៃត្រង់ធុរកិច្ចកម្ពុជា-តួកគី ដែលមានការចូលរួមពីធុរជនប្រមាណជាង ៣០រូប។
ឯកឧត្តមឧបនាយករដ្ឋមន្រ្តីបានលើកឡើងថា៖«ក្រុមហ៊ុនតួកគីស្វែងរកឱកាសវិនិយោគលើវិស័យសក្តានុពលនានានៅកម្ពុជា ដូចជាវិស័យទេសចរណ៍ កសិកម្ម ការកែច្នៃម្ហូបអាហារ ឡូជីស្ទីក ការគ្រប់គ្រងសណ្ឋាគារ និងសំណង់ និងជ្រើសរើសកម្ពុជាជាច្រកដ៏សំខាន់មួយ ក្នុងការពង្រីកការវិនិយោគរបស់ខ្លួននៅក្នុងតំបន់អាស៊ីអាគ្នេយ៍ ដែលជាទីផ្សារពាណិជ្ជកម្មមួយដ៏ធំ ក្រោមក្របខ័ណ្ឌកិច្ចព្រមព្រៀងពាណិជ្ជកម្មសេរីអាស៊ាន និងកិច្ចព្រមព្រៀងស្ដីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលមានស្រាប់»។
កាលពីថ្ងៃទី៥ ខែមករា ឆ្នាំ២០២៣ ក្រសួងពាណិជ្ជកម្មកម្ពុជា បានរៀបចំកិច្ចប្រជុំអន្តរក្រសួង-ស្ថាប័នពាក់ព័ន្ធចំនួន ១៤ ដើម្បីត្រៀមរៀបចំកិច្ចប្រជុំលើកទី៣ នៃគណៈកម្មការសេដ្ឋកិច្ចចម្រុះកម្ពុជា-តួកគី។
កិច្ចប្រជុំដែលដឹកនាំដោយ លោកស្រី តឹករ៉េត កំរង រដ្ឋលេខាធិការក្រសួងពាណិជ្ជកម្ម បានធ្វើឡើងក្នុងគោលបំណងពិភាក្សា និងផ្តល់ធាតុចូលលើសេចក្តីព្រាងកំណត់ហេតុរួម សម្រាប់ត្រៀមរៀបចំកិច្ចប្រជុំលើកទី៣ នៃគណៈកម្មការសេដ្ឋកិច្ចចម្រុះកម្ពុជា-តួកគី ។
យោងតាមក្រសួងពាណិជ្ជកម្ម ក្នុងកិច្ចប្រជុំអន្តរក្រសួង-ស្ថាប័ននេះ មានវិស័យអាទិភាពមួយចំនួនត្រូវបានលើកយកមកពិភាក្សា រួមមាន ពាណិជ្ជកម្ម វិនិយោគ ធុរកិច្ច ឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៍ ហាឡាល សហគ្រាសធុនតូច និងមធ្យម កសិកម្ម ដឹកជញ្ជូន អាកាសចរស៊ីវិល សុខាភិបាល អប់រំ ទេសចរណ៍ និងវិស័យពាក់ព័ន្ធដទៃទៀត។
ក្រសួងបានបញ្ជាក់ថា ៖«កិច្ចប្រជុំនេះធ្វើឡើងក្នុងន័យជំរុញ និងទាញអត្ថប្រយោជន៍ឱ្យបានជាអតិបរមាពីកិច្ចសហប្រតិបត្តិការទ្វេភាគីកម្ពុជា-តួកគី ស្របតាមគោលនយោបាយស្ដារ និងអភិវឌ្ឍន៍សេដ្ឋកិច្ចឡើងវិញ បន្ទាប់ពីការរងវិបត្តិសកលកូវីដ១៩»។
អនុប្រធានសភាពាណិជ្ជកម្មកម្ពុជា លោក លឹម ហេង ធ្លាប់បានលើកឡើងថា តួកគី គឺជាទីផ្សារមានសក្តានុពលមួយរបស់កម្ពុជា ដោយតាមរយៈប្រទេសតួកគី ផលិតផលកម្ពុជាមួយចំនួនក៏អាចបន្តឆ្លងចូលទៅទីផ្សារតំបន់អឺរ៉ុប និងអាស៊ីផងដែរ( ប្រទេសតួកគីមានភូមិសាស្រ្តនៅជាប់ទ្វីបអឺរ៉ុប និងអាស៊ី)។ ទំហំពាណិជ្ជកម្ម និងកិច្ចសហការរវាងប្រទេសទាំង ២ នឹងមានទំហំកាន់តែធំ ខណៈកាលពីឆ្នាំ២០១៨ អតីតនាយករដ្ឋមន្ត្រីកម្ពុជាសម្តេចតេជោ ហ៊ុន សែន ក៏ធ្លាប់បានដឹកនាំគណៈប្រតិភូកម្ពុជាទៅធ្វើទស្សនកិច្ច និងចុះកិច្ចព្រមព្រៀងជំរុញពាណិជ្ជកម្មទ្វេភាគី និងលើវិស័យមួយចំនួននៅប្រទេសតួកគី ផងដែរ។
លោកបានថ្លែងថា៖«កិច្ចប្រជុំគណៈកម្មការសេដ្ឋកិច្ចចម្រុះកម្ពុជា-តួកគីនាថ្ងៃ១០-១១ ខែមករា នឹងមានថ្នាក់ដឹកនាំរដ្ឋាភិបាលតួកគី អ្នកតំណាងសមាគមពាណិជ្ជកម្ម និងអ្នកជំនួញធំៗមកពីប្រទេសតួកគីចូលរួម។ ក្នុងអំឡុងពេលនោះក៏នឹងមានជំនួបរវាងតំណាងសភាពាណិជ្ជកម្មនៃប្រទេសទាំង ២ ផងដែរ ដើម្បីជំរុញការនាំចេញ-នាំចូលទ្វេភាគីបន្ថែមទៀត»។
ទិន្នន័យក្រសួងពាណិជ្ជកម្ម បានឱ្យដឹងថា ទំហំពាណិជ្ជកម្មទ្វេភាគីរវាងកម្ពុជា-តួកគី រយៈពេល១១ខែឆ្នាំ២០២២ មានទឹកប្រាក់សរុប ១៣៦,១៥លានដុល្លារ កើនឡើង ៦៣,៦ ភាគរយបើធៀបនឹងរយៈពេលដូចគ្នាឆ្នាំ២០២១។ ក្នុងនោះទំនិញដែលកម្ពុជានាំទៅតួកគីមានដូចជា សម្លៀកបំពាក់ វាយនភណ្ឌ ស្បែកជើង សម្ភារធ្វើដំណើរ អង្ករ ចំណែកទំនិញនាំពីតួកគី រួមមាន ម៉ាស៊ីន កប្បាស ផលិតផលឱសថ កញ្ចក់ ដែក ផលិតផលប្លាស្ទិក និងទំនិញដទៃទៀត។
ក្រសួងពាណិជ្ជកម្មឱ្យដឹងទៀតថា សម្រាប់រយៈពេល៥ឆ្នាំ គឺពីឆ្នាំ២០១៧-២០២១ ទំហំពាណិជ្ជកម្មរវាងប្រទេសទាំង២ មានទឹកប្រាក់សរុប ៤៦២,៦៣លានដុល្លារ៕
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់