សេដ្ឋកិច្ច
ថៃ៖ ប៉ាតាយ៉ា សន្យាជម្រះកេរ្តិ៍ឈ្មោះ «ទេសចរណ៍ផ្លូវភេទ» ហើយលើកកម្ពស់ទេសចរណ៍បែបគ្រួសារ
ប្រតិបត្តិករទេសចរណ៍នៅទីក្រុងប៉ាតាយ៉ា របស់ប្រទេសថៃ បានប្តេជ្ញាលើកកម្ពស់ទេសចរណ៍លក្ខណៈគ្រួសារ អាហារក្នុងស្រុក និងសិល្បៈក្បាច់គុនថៃ ដើម្បីលុបបំបាត់កេរ្តិ៍ឈ្មោះយូរអង្វែងរបស់ខ្លួន ថាជា «មជ្ឈមណ្ឌលទេសចរណ៍ផ្លូវភេទ»។ នេះបើតាមការចុះផ្សាយរបស់កាសែតបាងកកប៉ុស្តិ៍។
ការប្ដេជ្ញានេះ ធ្វើឡើងនៅពេលសមាគមនៃសហព័ន្ធទេសចរណ៍ឈុនបូរី (ACTF) រៀបចំសិក្ខាសាលាទេសចរណ៍មួយក្នុងសប្តាហ៍នេះ ដែលចូលរួមដោយប្រតិបត្តិករទេសចរណ៍សំខាន់ៗនៅក្រុងប៉ាតាយ៉ា និងក្រុងឈុនបូរី និងប្រតិបត្តិករទេសចរណ៍មកពីប្រទេសធំៗចំនួន៥ រួមមាន អាល្លឺម៉ង់ រុស្ស៊ី ចិន កូរ៉េខាងត្បូង និងឥណ្ឌា។
ប្រធាន ACTF លោក Thanet Supornsahasrungsi បាននិយាយថា ប្រតិបត្តិករទេសចរណ៍ភាគច្រើនបានយល់ស្របថា ទិដ្ឋភាពជីវិតរាត្រីរបស់ក្រុងប៉ាតាយ៉ា នៅតែលេចធ្លោក្នុងចំណោមជនបរទេស ជាងភាពទាក់ទាញផ្សេងៗទៀត។ លោកបន្តថា សកម្មភាពតម្រង់ទិសថ្មី និងជាលក្ខណៈគ្រួសារ ត្រូវតែចាំបាច់ផ្សព្វផ្សាយ ដើម្បីតាមឱ្យទាន់និន្នាការទេសចរណ៍ឯករាជ្យ។
លោក Thanet បាននិយាយថា ទីក្រុងនេះនៅតែមានសក្ដានុពលខ្ពស់ក្នុងការរីកចម្រើន ពីការទាក់ទាញផ្សេងៗ រួមទាំងសួនទឹក ទីលានវាយកូនហ្គោលលំដាប់ពិភពលោក ជំរុំក្បាច់គុនថៃ និងសហគមន៍ក្នុងស្រុក ដែលលក់សិល្បៈហត្ថកម្មនាំចូលពីក្រៅតំបន់។
មន្រ្តីដដែលបាននិយាយថា កាលពីអតីតកាល ក្រុងប៉ាតាយ៉ាបានទាក់ទាញជនបរទេសចូលនិវត្តន៍មួយចំនួនធំ ដែលមកលេងក្លឹបរាត្រីជាញឹកញាប់ ដោយចាប់អារម្មណ៍លើវិស័យទេសចរណ៍ផ្លូវភេទ។ យ៉ាងណាមិញ លោកថា បច្ចុប្បន្ននេះមានភ្ញៀវទេសចរក្មេងៗច្រើន ហើយពួកគេកំពុងស្វែងរកបទពិសោធន៍កំសាន្តផ្សេងៗ។
លោក Thanet គូសបញ្ជាក់ថា៖ «វាមិនអាចប្រកែកបានទេ ដែលថា ភ្ញៀវទេសចរមួយចំនួននៅតែចង់ស្វែងយល់ពីជីវិតពេលយប់ ហើយអាជ្ញាធរគួរតែគ្រប់គ្រងតំបន់មួយសម្រាប់អាជីវកម្មទាំងនេះ ដោយកំណត់តំបន់បារ ក្លឹប និងផ្ទះសំណាក់មនុស្សពេញវ័យនៅក្នុងកន្លែងតែមួយ»។
ទោះយ៉ាងណាក៏ដោយ លោកក៏និយាយផងដែរថា បញ្ហាសំខាន់ៗផ្សេងទៀត ត្រូវបានលើកឡើងក្នុងកិច្ចប្រជុំ ដែលទាក់ទងនឹងការកកស្ទះចរាចរណ៍ ការដឹកជញ្ជូនមិនល្អ និងការទប់ស្កាត់ទឹកជំនន់៕
ធ្លាយរូបភាព Liu Yifei ណាត់ជួបមនុស្សប្រុសទាំងកណ្តាលអធ្រាត្រ
អាជ្ញាធរខណ្ឌចំការមន កំពុងសិក្សាគម្រោងលើសង្កាត់ទួលទំពូងទី ០១ និង ទួលទំពូងទី ០២ ចំពោះផ្លូវខូចៗ មានទឹកលិច
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
សិល្បៈទស្សនីយភាព «ល្ខោនបាមោជ្ជទ័យ» ទទួលការចាប់អារម្មណ៍ខ្លាំង ខណៈសំបុត្រទស្សនាថ្ងៃនេះ និងថ្ងៃសៅរ៍ លក់អស់ហើយ
ក្រសួងអប់រំ នឹងបន្តពង្រឹងកិច្ចសហប្រតិបត្តិការវិស័យអប់រំជាមួយសាកលវិទ្យាល័យប៉េកាំង
កូរ៉េខាងជើង ប្រហារជីវិតអ្នកស្រាវជ្រាវជាន់ខ្ពស់ ព្រោះគម្រោងថាមពលនុយក្លេអ៊ែរបរាជ័យ
ត្រាំ ផ្តាំទៅ ពូទីន! ចង់បានធម៌ក្តៅឬធម៌ត្រជាក់?
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
ស្ទះជើងហោះហើរ នៅអាកាសយានដ្ឋានអន្តរជាតិភ្នំពេញ ដោយសារកំណើនចេញ-ចូល មុនពេលបុណ្យចូលឆ្នាំចិន
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១ សប្តាហ៍ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៧ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់