​ទុរេនមួយហិកតា​ អាចរកប្រាក់ចំណូលបានប្រមាណ ​២ ម៉ឺនដុល្លារ​

កញ្ញា រ៉ុស្ស៊ី ពង្សពុទ្ធិម៉ា អាយុ ២៧ ឆ្នាំ ​ម្ចាស់ចម្ការទុរេន នៅក្នុងភូមិតាំកន់ ឃុំកណ្តោល ស្រុក​បុទុម​សាគរ ខេត្តកោះកុង ប្រាប់ថា ​ជាទូទៅទុរេនដាំតាមបែបធម្មជាតិ​ អាចរកប្រាក់ចំណូលបាន ​២ ម៉ឺន​ដុល្លារ ក្នុងមួយហិកតា។​

​ម្ចាស់ចម្ការទុរេនរូបនេះ បានប្រាប់ថា សម្រាប់ទីផ្សារទុរេននៅឆ្នាំនេះ ​ប្រហាក់ប្រហែលនឹងឆ្នាំមុនដែរ ដែលនាងអាចលក់បានក្នុងតម្លៃ ២ ៧០០០ រៀល ក្នុងមួយគីឡូ (លក់រាយ) និងតម្លៃ ២ ម៉ឺនរៀល (បោះដុំ)។

​លោក អួនជាង មេង ប្រធានសហគមន៍ទុរេនកំពតប្រាប់ថា បច្ចុប្បន្នការប្រមូលផលទុរេន សម្រេច​បានប្រមាណ ៦០ ភាគរយ ​ជាមួយនឹងទិន្នផលធ្លាក់ចុះ ៥០​ភាគរយ ដោយសារអាកាស​ធាតុរាំង​ស្ងួត​ច្រើនខែ។

​យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ កម្ពុជា​មានផ្ទៃដី​ដាំ​ដុះដំ​ណាំ​ទុរេនចំនួន ៥ ២៨៩ ហិកតា ក្នុងនោះផ្ទៃដីប្រមូលផលមានចំនួន ៣ ៤០៣ ហិកតាដែល​ទទួល​បាន​បរិមាណផលប្រមាណជាង ៣ម៉ឺនតោន ក្នុងមួយឆ្នាំ៕ ​

អត្ថបទ៖ ឡេង ដេត