សេដ្ឋកិច្ច
ក្រុងបាងកកតម្រូវឱ្យអ្នកលក់ដូរតាមផ្លូវ ដែលរកចំណូលលើស ៦៨០ ដុល្លារ/ខែ ជួលតូបលក់
អាជ្ញាធរក្រុងបាងកករបស់ប្រទេសថៃ នឹងពិនិត្យមើលប្រាក់ចំណូលរបស់អាជីវករលក់ដូរតាមដងផ្លូវ ដោយតម្រូវឱ្យអ្នកដែលរកប្រាក់បានលើសពី ២៥ ០០០ បាត (៦៨០ ដុល្លារ) ក្នុងមួយខែ ត្រូវជួលតូបលក់ ហើយលែងលក់តាមចិញ្ចើមផ្លូវ។ នេះបើតាមការចុះផ្សាយរបស់កាសែតបាងកកប៉ុស្តិ៍។
អភិបាលក្រុងបាងកក លោក Chadchart Sittipunt បានប្រកាសកាលពីសប្តាហ៍មុនថា មានតែអ្នកលក់តាមដងផ្លូវដែលរកចំណូលបានតិចជាង ២៥ ០០០ បាត/ខែប៉ុណ្ណោះ ដែលទទួលបានការអនុញ្ញាតឱ្យបន្តលក់នៅលើចិញ្ចើមផ្លូវ និងទីសាធារណៈ ស្របពេលអាជ្ញាធរក្រុងខិតខំកែលម្អទេសភាពទីក្រុង និងរៀបចំសណ្តាប់ធ្នាប់លើចិញ្ចើមផ្លូវឡើងវិញ។
លោកបន្តថា អាជីវករដែលរកចំណូលបានលើសពីចំនួននោះ ចាំបាច់ត្រូវរើចេញពីចិញ្ចើមផ្លូវ និងទីសាធារណៈ ហើយស្វែងរកតូបជួល ដើម្បីលក់ដូរនៅទីតាំងដែលបានកំណត់។
ពាក់ព័ន្ធនឹងដំណោះស្រាយ អាជ្ញាធរក្រុងបាននិយាយថា ពួកគេនឹងអំពាវនាវឱ្យក្រុមធុរកិច្ចសហការ ដោយផ្តល់កន្លែងជួលតូបទាបដល់ពាណិជ្ជករខ្នាតតូច។ នេះបើតាមបាងកកប៉ុស្តិ៍។
យោងតាមលោក Chadchart បទប្បញ្ញត្តិគ្រប់គ្រងការលក់ដូរនៅតាមដងផ្លូវ និងកន្លែងសាធារណៈផ្សេងទៀត ក៏នឹងត្រូវបានអនុវត្តក្នុងពេលឆាប់ៗនេះផងដែរ។
យោងតាមការិយាល័យព័ត៌មានជាតិរបស់ប្រទេសថៃ នៅក្រោមបទប្បញ្ញត្តិដែលបានស្នើឡើង អ្នកលក់ទាំងអស់ ត្រូវចុះឈ្មោះក្នុងប្រព័ន្ធចំណូលជាតិ និងពន្ធ ដើម្បីបន្តសកម្មភាពលក់ដូររបស់ពួកគេ។ លើសពីនេះ ច្បាប់ក៏តម្រូវឱ្យអ្នកលក់កំណត់យ៉ាងតឹងរឹង នូវប្រតិបត្តិការរបស់ពួកគេចំពោះតំបន់ដែលបានកំណត់ និងរក្សាតំបន់របស់ពួកគេឱ្យស្អាត។ ការមិនគោរពតាម អាចបណ្តាលឱ្យមានការហាមឃាត់។
គួរគូសបញ្ជាក់ថា ចាប់តាំងពីលោក Chadchart ក្លាយជាអភិបាលក្រុងបាងកកក្នុងឆ្នាំ ២០២២ អាជ្ញាធរទីក្រុងបាននិងកំពុងខិតខំធ្វើឱ្យចិញ្ចើមផ្លូវរបស់ទីក្រុង កាន់តែស្រួលសម្រាប់អ្នកថ្មើរជើង។ គំនិតផ្តួចផ្តើមនេះ ស្ថិតក្នុងចំណោមការប្តេជ្ញាចិត្តចំនួន ២១៦ ដែលលោកបានសន្យា ១ខែមុនពេលលោកជាប់ឆ្នោតជាអភិបាលក្រុង។
បើតាមបាងកកប៉ុស្តិ៍ ទីក្រុងបាងកកបានប៉ាន់ប្រមាណថា មានអ្នកលក់ដូរតាមដងផ្លូវចំនួន ២០ ០០០ នាក់កាលពីឆ្នាំមុន ហើយមកទល់ពេលនេះ ទីក្រុងដដែលបានបង្កើតទីតាំងលក់ចំនួន ១២៥ កន្លែង សម្រាប់អ្នកលក់ចំនួន ១០ ០០០ នាក់៕
ហ្វីលីពីន ប្រាប់ថាត្រៀមចុះកិច្ចព្រមព្រៀងកងទ័ពជាមួយកាណាដា
ភ្លៀងលាយខ្យល់កន្ត្រាក់ រលំដើមឈើសង្កត់មនុស្សរងរបួស៣នាក់
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
ន័រវែស បង្កើនជំនួយដល់អ៊ុយក្រែនដល់ ៧,៨ពាន់លានដុល្លារក្នុងឆ្នាំ២០២៥
ទិវាអន្តរជាតិ ៨មីនា លោក នេត្រ ភក្ត្រា ដឹកនាំមន្ត្រីរាជការជាស្ត្រីនៃក្រសួងព័ត៌មានជាង២០០នាក់ ទស្សនកិច្ចបង្គោលព្រំដែន
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
លោក ត្រាំ គំរាមដាក់ទណ្ឌកម្មដ៏ធ្ងន់លើរុស្ស៊ី ដើម្បីឲ្យឈានដល់បទឈប់បាញ់ឆាប់ៗ
ត្រាំ៖ សម្ព័ន្ធភាពរវាងអាមេរិក និងជប៉ុន មិនស្មើភាពគ្នាសោះ
ហ្សេលេនស្គី៖ បទឈប់បាញ់លើអាកាស និងសមុទ្រ អាចសាកល្បងឆន្ទៈរុស្ស៊ីក្នុងការបញ្ចប់សង្គ្រាម
អបអរសាទរ! នគរបាល និងមន្រ្តីពន្ធនាគារជាស្ត្រីមានផ្ទៃពោះ ទទួលបានប្រាក់ឧបត្ថម្ភពីរដ្ឋដូចសមាជិក ប.ស.ស ដទៃ
-
សន្តិសុខសង្គម៥ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៥ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ៤ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម១ សប្តាហ៍ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ២ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៣ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម១ សប្តាហ៍ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ២ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ