សេដ្ឋកិច្ច
ផលិតកម្មឧស្សាហកម្មវៀតណាម កើនឡើងក្នុងរយៈពេល៥ខែដើមឆ្នាំ
ការិយាល័យស្ថិតិទូទៅរបស់វៀតណាម (GSO) បានឱ្យដឹងថា សន្ទស្សន៍ផលិតកម្មឧស្សាហកម្ម (IIP) របស់ប្រទេស បានបន្តកំណើនវិជ្ជមានរបស់ខ្លួនក្នុងរយៈពេល៥ខែនៃដើមឆ្នាំនេះ ដោយកើនឡើងចំនួន ៦,៨ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់កាសែតVnExpress។

GSO បានបន្តថា IIP នៅខែឧសភា បានកើនឡើង ៣,៩ ភាគរយ ធៀបនឹងខែមេសា និង ៨,៩ ភាគរយធៀបនឹងខែដូចគ្នាកាលពីឆ្នាំមុន។
ការផលិត និងកែច្នៃ, ផលិកម្ម និងការចែកចាយអគ្គិសនី, ការផ្គត់ផ្គង់ទឹក, ការគ្រប់គ្រងកាកសំណល់ និងទឹកស្អុយ, កៅស៊ូ និងប្លាស្ទិក, ក៏ដូចជាគ្រឿងសិង្ហរឹម សុទ្ធសឹងតែបានកើន ខណៈវិស័យដែលធ្លាក់ចុះរួមមានការជួសជុល ថែទាំ និងដំឡើងគ្រឿងចក្រ និងបរិក្ខារ, និងការទាញយកប្រេងឆៅ និងឧស្ម័នធម្មជាតិជាដើម។
ប្រធានសមាគមឧស្សាហកម្មមេកានិកវៀតណាម លោក Dao Phan Long បាននិយាយថា ការបន្តខិតខំប្រឹងប្រែងរបស់ប្រទេសអភិវឌ្ឍន៍ដើម្បីធ្វើពិពិធកម្មប្រភពផ្គត់ផ្គង់ ខ្សែសង្វាក់ផ្គត់ផ្គង់ និងការវិនិយោគនឹងជួយវៀតណាមក្លាយជាមជ្ឈមណ្ឌលផលិតកម្ម និងនាំចេញដ៏សំខាន់ ក្នុងខ្សែសង្វាក់តម្លៃសកល។

យ៉ាងណាមិញ ការព្យាករណ៍ខ្សោយលើកំណើនសេដ្ឋកិច្ចពិភពលោកសម្រាប់ឆ្នាំ ២០២៤ អតិផរណាខ្ពស់ និងភាពតានតឹងភូមិសាស្ត្រនយោបាយក្នុងតំបន់ផ្សេងៗ បានធ្វើឱ្យវៀតណាម ដែលជាប្រទេសចូលរួមកិច្ចព្រមព្រៀងពាណិជ្ជកម្មសេរីជាច្រើន និងមានសេដ្ឋកិច្ចបើកចំហនោះ នៅតែងាយរងផលប៉ះពាល់នឹងហានិភ័យទាំងនេះ។
លោក Long បាននិយាយថា ក្រុមហ៊ុននានានៅតែត្រូវការដំណោះស្រាយពាក់ព័ន្ធដែលផ្តល់ដោយអន្តរក្រសួង និងវិស័យ និងការគាំទ្រពីអាជ្ញាធរ ក្នុងការដោះស្រាយការលំបាកទាក់ទងនឹងដើមទុន អត្រាការប្រាក់ និងនីតិវិធីរដ្ឋបាល។
កន្លងមក ក្រសួងឧស្សាហកម្ម និងពាណិជ្ជកម្មវៀតណាម បានសន្យាពន្លឿនការបញ្ចេញទុនវិនិយោគសាធារណៈ និងពិនិត្យបញ្ហាដែលមិនទាន់ដោះស្រាយរួម ដើម្បីធ្វើឱ្យគម្រោងសំខាន់ៗក្នុងវិស័យអគ្គិសនី ប្រេង និងឧស្ម័ន ឧស្សាហកម្ម ផលិតកម្ម កែច្នៃ និងរ៉ែ អាចដាក់ដំណើរការបានឆាប់រហ័ស ក៏ដូចជាបង្កើតសមត្ថភាពទីផ្សារសម្រាប់ការអភិវឌ្ឍន៍អាជីវកម្មជាដើម៕

-
ព័ត៌មានអន្ដរជាតិ១៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?