សេដ្ឋកិច្ច
និយ័តករមូលបត្រកម្ពុជាសហការជាមួយសាលាឯកជនដើម្បីបញ្ជ្រៀបចំណេះដឹងវិស័យមូលបត្រ
ជាកិច្ចខិតខំប្រឹងប្រែងក្នុងការលើកកម្ពស់ការយល់ដឹង និងការអភិវឌ្ឍធនធានមនុស្សនៅក្នុងវិស័យមូលបត្រឱ្យកាន់តែទូលំទូលាយនិងស៊ីជំរៅ និយ័តករមូលបត្រកម្ពុជា (ន.ម.ក.) និង សាកលវិទ្យាល័យ អាស៊ីអឺរ៉ុប (ស.អ.អ) បានចុះហត្ថលេខាលើអនុស្សរណៈនៃការយោគយល់គ្នា (MOU) ដើម្បីសហការអភិវឌ្ឍន៍និងបណ្តុះបណ្តាលធនធានមនុស្សលើវិស័យនេះ។
ការចុះ MOU នេះធ្វើឡើងកាលពីថ្ងៃទី៦ ខែមិថុនា រវាងស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃន.ម.ក. និងលោក លី ឃុនថៃ ប្រធានក្រុមប្រឹក្សាភិបាលនៃស.អ.អ។
![](https://www.kampucheathmey.com/wp-content/uploads/2024/06/Sou-Socheat3-1024x614.jpg)
លោក លី ឃុនថៃ បានលើកឡើងថាតាមរយៈសកម្មភាពកន្លងមក និងកម្មវិធីថ្ងៃនេះ រវាង ន.ម.ក. និង ស.អ.អ. បានបញ្ជាក់ឱ្យឃើញថា ស.អ.អ. បានផ្តល់ឱកាសបន្ថែមទៀតជូនដល់បុគ្គលិក សាស្រ្តាចារ្យ និងនិស្សិត ដើម្បីទទួលបាននូវការអប់រំ បណ្ដុះបណ្ដាល និងសិក្សាស្វែងយល់ពីវិស័យមូលបត្រនៅកម្ពុជា ដែលជាវិស័យមួយ ក្នុងចំណោមវិស័យហិរញ្ញវត្ថុផ្សេងៗទៀត ដែលបានចូលរួមយ៉ាងសកម្មក្នុងដំណើររបត់ថ្មីមួយនៃការអភិវឌ្ឍសេដ្ឋកិច្ចកម្ពុជា”។
លោក ស៊ូ សុជាតិក៏បានគូសបញ្ជាក់ផងដែរថា ការណ៍ដែលមានកិច្ចសហការប្រកបដោយទស្សនៈ និងចក្ខុវិស័យរួម និងវែងឆ្ងាយ គឺជួយឱ្យយើងសម្រេចនូវគោលដៅរួមនាពេលអនាគត។
![](https://www.kampucheathmey.com/wp-content/uploads/2024/06/Sou-Socheat2-1-1024x614.jpg)
លោកបានថ្លែងបន្តទៀតថា៖«យ៉ាងណាមិញ ចង់ឱ្យវិស័យមូលបត្រនៅកម្ពុជារីកចម្រើនលឿន គឺទាមទារឱ្យមានការចូលរួម កិច្ចសហប្រតិបត្តិការល្អ និងការស្វែងយល់ឱ្យកាន់ តែច្បាស់ពីវិស័យនេះ ជាពិសេសការចូលរួម និងការស្វែងយល់របស់និស្សិត ដែលជាធនធានដ៏សំខាន់របស់សង្គម ដើម្បីចូលរួមចំណែកអភិវឌ្ឍវិស័យមូលបត្រនៅកម្ពុជា និងជួយជំរុញសេដ្ឋកិច្ចឱ្យមានកំណើន»។
លោកសុជាតិក៏បានលើកទឹកចិត្តឱ្យប្អូនៗនិស្សិតបង្កើតនូវទម្លាប់សន្សំ ដោយកាត់បន្ថយនូវការចំណាយដែលមិនចាំបាច់នានា ដែលជាផ្នែកមួយនៃការលើកកម្ពស់អក្ខរកម្មហិរញ្ញវត្ថុផងដែរ។
យោងតាមរបាយការណ៍របស់និយ័តករមូលបត្រកម្ពុជាចាប់ពីឆ្នាំ ២០១១ គិតដល់ពេលបច្ចុប្បន្ន ទីផ្សារនេះមានក្រុមហ៊ុនចំនួន ២២ បានបោះផ្សាយលក់មូលបត្រក្នុងផ្សារមូលបត្រកម្ពុជា ដែលប្រមូលសាច់ប្រាក់ប្រមាណ ៤០០ លានដុល្លារ។ ក្នុងចំណោមក្រុមហ៊ុនទាំង ២២ មានក្រុមហ៊ុនចំនួន ១១ បានបោះផ្សាយលក់មូលបត្រកម្មសិទ្ធិ និង ១១ ផ្សេងទៀតបោះផ្សាយលក់មូលបត្របំណុល៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ២ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៣ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៣ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៣ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៤ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៣ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»