សេដ្ឋកិច្ច

IMF៖ សេដ្ឋកិច្ចហ្វីលីពីននឹងកើនឡើង ៦ ភាគរយឆ្នាំនេះ ប៉ុន្តែគោលនយោបាយរូបិយវត្ថុត្រូវបន្តតឹងរ៉ឹង

បានផុស

៣ ខែ មុន

នៅ

ថ្ងៃអង្គារ ១១ មិថុនា ២០២៤

ដោយ

មូលនិធិរូបិយវត្ថុអន្តរជាតិ (IMF) បាននិយាយកាលពីថ្ងៃចន្ទ ទី ១០ មិថុនា ថា ផលិតផលក្នុងស្រុកសរុប (GDP) របស់ប្រទេសហ្វីលីពីនត្រូវបានព្យាករណ៍ថានឹងងើបឡើងវិញពី ៥,៥ ភាគរយឆ្នាំមុន ដល់ ៦ ភាគរយនៅឆ្នាំនេះ និង ៦,២ ភាគរយនៅឆ្នាំបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ លោក Elif Arbatli Saxegaard ប្រធានបេសកកម្មរបស់ IMF បានថ្លែងថា កំណើននេះ ជំរុញដោយតម្រូវការរបស់អ្នកប្រើប្រាស់ ការវិនិយោគសាធារណៈ និងឯកជនកាន់តែខ្ពស់ និងការងើបឡើងវិញនៃការនាំចេញ។

យ៉ាងណាមិញ លោកថា ការកំណត់គោលនយោបាយរូបិយវត្ថុរបស់ប្រទេស គួរតែបន្តតឹងរ៉ឹងឱ្យបានគ្រប់គ្រាន់ ដើម្បីធ្វើឱ្យអតិផរណាស្ថិតនៅលើអត្រាគោលដៅ។

មន្រ្តីនៃស្ថាប័នផ្ដល់ប្រាក់កម្ចីដ៏ធំរបស់ពិភពលោកដដែល បាននិយាយថា ហានិភ័យចំពោះអតិផរណានៅតែមានការកើនឡើង ចំពេលមានភាពតានតឹងផ្នែកភូមិសាស្ត្រនយោបាយ និងការប្រែប្រួលតម្លៃទំនិញកើតឡើងដដែលៗ។

លោក Saxegaard បានបន្ថែមថា ឱនភាពគណនីចរន្ត ត្រូវបានរំពឹងថានឹងបង្រួមមកត្រឹម ២,១ ភាគរយនៃផលិតផលក្នុងស្រុកសរុប ដោយសារការកើនឡើងនៃការនាំចេញទំនិញ និងទេសចរណ៍៕

Related Topics: