សេដ្ឋកិច្ច
តម្លៃគ្រាប់ស្វាយចន្ទីបានហក់ឡើងខ្ពស់បំផុត មិនធ្លាប់មានជាង ២ ទសវត្សរ៍
តម្លៃគ្រាប់ស្វាយចន្ទីឆៅបានហក់ឡើងខ្ពស់បំផុតមិនធ្លាប់មានជាង ២ ទសវត្សរ៍កន្លងមកនេះ រហូតដល់ ៨ ២០០ រៀល ក្នុងមួយគីឡូក្រាម។
លោក អួន ស៊ីឡុត ប្រធានសមាគមស្វាយចន្ទីកម្ពុជា ប្រាប់កម្ពុជាថ្មីនៅថ្ងៃទី ១១ ខែមិថុនា ឆ្នាំ ២០២៤ នេះថា ប្រភេទគ្រាប់ស្វាយចន្ទីលេខ ២ លក់បានក្នុងតម្លៃ ៨ ២០០ រៀលក្នុងមួយគីឡូ ដែលជាតម្លៃហក់ឡើងខ្ពស់បំផុតមិនធ្លាប់មានក្នុងរយៈពេល ២០ ឆ្នាំកន្លងមកនេះ។
![](https://www.kampucheathmey.com/wp-content/uploads/2024/06/18-20news-kpt-1024x683.jpg)
លោក អួន ស៊ីឡុត បានលើកហេតុផល ២ ធ្វើឱ្យតម្លៃស្វាយចន្ទីកើនឡើង។ លោកថា សមាគមមើលឃើញថា កាលពីខែកុម្ភៈ ទិន្នផលស្វាយចន្ទីធ្លាក់ចុះ ប៉ុន្តែបែជាតម្លៃចុះថោក ដូច្នេះ សមាគមបានអំពាវនាវ ឱ្យសមាជិកសមាគមស្វាយចន្ទីកម្ពុជាទូទាំងប្រទេសហាលគ្រាប់ទុក ប្រសិនបើគាត់លក់បង្ខំគាត់នឹងខាត។
លោកបញ្ជាក់ថា សមាជិកទាំងអស់ ក៏នាំគ្នាហាលទុក ធ្វើឱ្យចរន្តគ្រាប់ឆៅនៅលើទីផ្សារធ្លាក់ចុះ ដែលធ្វើឱ្យតម្លៃគ្រាប់ចន្ទីងើបឡើងវិញនៅពាក់កណ្ដាលខែមីនា រហូតដល់ខែមេសា ដែលមានតម្លៃ ៥ ៤០០ រៀល ក្នុងមួយគីឡូ។ ម្យ៉ាងទៀត នៅអាហ្វ្រិកទិន្នផលស្វាយចន្ទីបានធ្លាក់ចុះប្រមាណ ៥០% ដោយសារបាតុភូតអេលនីណូ (El Nino)។
![](https://www.kampucheathmey.com/wp-content/uploads/2024/06/123-1024x683.jpg)
បើតាមលោក អួន ស៊ីឡុត ការប្រមូលផលស្វាយចន្ទីនៅកម្ពុជាសម្រេចបានទាំងស្រុងហើយ ខណៈកសិករហាលទុកកំពុងកាក់កបនឹងទទួលផលតម្លៃកើនឡើងទ្វេដងនាពេលបច្ចុប្បន្ននេះ ដែលនៅសល់ប្រមាណ ១០ ម៉ឺនតោន ទៀតសម្រាប់លក់ចេញទៅអន្តរជាតិ។
យោងតាមរបាយការណ៍របស់សមាគមស្វាយចន្ទីកម្ពុជា នៅក្នុងរយៈពេល៥ខែឆ្នាំ២០២៤ កម្ពុជាផលិតគ្រាប់ស្វាយចន្ទីឆៅសម្រេចបាន ៧១ ម៉ឺន ៦ ពាន់តោន ក្នុងនោះនាំចេញទៅប្រទេសវៀតណាមចំនួន ៦៦ ម៉ឺន ៧ ពាន់តោន កើនឡើង ៣៨ ភាគរយ បើប្រៀបធៀបរយៈពេលដូចគ្នាកាលពីឆ្នាំមុន ដែលគិតជាទឹកប្រាក់ចំនួន ៨៥១ លានដុល្លារ។
យោងតាមការអង្កេតសមាគមស្វាយចន្ទីកម្ពុជា ព្យាករណ៍ថា នៅឆ្នាំ២០២៤នេះ កម្ពុជានឹងផលិតគ្រាប់ឆៅបាន ៨០ ម៉ឺនតោន ក្នុងនោះនាំចេញទៅក្រៅប្រទេស ៧៥ ម៉ឺនតោន អាចរកចំណូលបានលើស ១ពាន់លានដុល្លារ ខណៈផលិតកម្មស្វាយចន្ទីពិភពលោកធ្លាក់ចុះ ប្រមាណ៣០ភាគរយ៕
![](https://www.kampucheathmey.com/wp-content/uploads/2024/06/20240521001-94-1024x683.jpg)
![](https://www.kampucheathmey.com/wp-content/uploads/2024/06/image-185-1-1.png)
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៦ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៥ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៦ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
ព័ត៌មានអន្ដរជាតិ១ សប្តាហ៍ ago
ទំនប់វារីអគ្គិសនីនៅស៊ូដង់បាក់ក្រោយភ្លៀងខ្លាំងបណ្តាលឱ្យប៉ះពាល់ផ្ទះ៥ម៉ឺនខ្នងនិង៦០ស្លាប់
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
សេចក្ដីជូនដំណឹង៨ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម១ សប្តាហ៍ ago
ស្នងការរាជធានី នឹងបញ្ជូនខ្លួនលោក ស៊ុន ហួរ ទៅតុលាការនៅរសៀលថ្ងៃទី២៧សីហានេះ