សេដ្ឋកិច្ច
រោងចក្រ Ford មានផែនការពង្រីកផលិតកម្ម ស្រូបទាញកម្លាំងពលកម្មកម្ពុជារាប់ពាន់នាក់
រោងចក្រដំឡើងរថយន្តរបស់ក្រុមហ៊ុន Ford នៅកម្ពុជាមានផែនការពង្រីកផលិតកម្មរបស់ខ្លួន ដោយបានចាប់ផ្ដើមសាងសង់យានដ្ឋានជួសជុលរថយន្តផ្ដើមពីរាជធានីភ្នំពេញ រហូតដល់បណ្តាខេត្ត ខណៈរោងចក្រនៅឯខេត្តពោធិ៍សាត់ នឹងត្រូវពង្រីកផ្ទៃដីប្រមាណ ៤ ហិកតា បន្ថែមទៀត ដោយសារក្រុមហ៊ុនមានតម្រូវការកែច្នៃរថយន្តថ្មីៗបន្ថែមទៀត។
![](https://www.kampucheathmey.com/wp-content/uploads/2024/06/photo_2024-06-12_13-50-09-1024x682.jpg)
លោក សាយ រតនៈ ប្រធានគ្រប់គ្រងការសិក្សា និងអភិវឌ្ឍក្រុមហ៊ុន អ អិម អេ ខេមបូឌា មានប្រសាសន៍ថា ក្រុមហ៊ុន Ford បានពង្រីកយានដ្ឋានជួសជុលរថយន្តរបស់ខ្លួនបានច្រើនកន្លែងនៅ២៥រាជធានី-ខេត្ត។
ចំណែកឯរោងចក្រដំឡើងរថយន្តនៅខេត្តពោធិ៍សាត់ លោក សាយ រតនៈ បញ្ជាក់ថា ក្រុមហ៊ុនមានផែនការពង្រីកទំហំផ្ទៃដីបន្ថែមទៀតប្រមាណ ៤ ហិកតា ដោយសារក្រុមហ៊ុនមានគម្រោងកែច្នៃរថយន្តបន្ថែមទៀតក្នុងការនាំចេញទៅទីផ្សារអន្តរជាតិ ខណៈក្រុមហ៊ុន RMA ក៏បានត្រៀមនាំចូលអាជីវកម្មថ្មីៗលើវិស័យរថយន្តចូលបន្ថែមទៀត ដែលមានតម្រូវការស្រូបទាញកម្លាំងពលកម្មជំនាញក្នុងវិស័យរថយន្តរាប់ពាន់នាក់បន្ថែមទៀត។
![](https://www.kampucheathmey.com/wp-content/uploads/2024/06/24-06-18-news-kpt-1024x614.jpg)
លោក សាយ រតនៈ ប្រធានគ្រប់គ្រងការសិក្សា និងអភិវឌ្ឍក្រុមហ៊ុន អ អិម អេ ខេមបូឌា បានបន្តថា ចំណែកទីផ្សាររថយន្តថ្មីនៅប្រទេសកម្ពុជាមានការកើនឡើងដល់ ៥០% ដែលជាកំណើនមួយខ្ពស់គួឱ្យកត់សម្គាល់នៅក្នុងរយៈពេល ប៉ុន្មានឆ្នាំចុងក្រោយនេះ ខណៈការលក់រថយន្តជជុះបានធ្លាក់ចុះ ៥០% ផងដែរ។
លោក កត្តា អន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ មានប្រសាសន៍ថា ប្រជាជនកម្ពុជាប្រមាណជាង ១០,៥ លាននាក់ មានការងារធ្វើក្នុងនោះទីផ្សារការការងារលើវិស័យឧស្សាហកម្ម កសិកម្ម និងសេវាកម្ម មានភាគរយខ្ពស់ជាងគេ ខណៈកម្លាំងពលកម្មជំនាញលើវិស័យឧស្សាហកម្មមានត្រូវការប្រមាណ ៩០% ខណៈកម្ពុជានៅខ្វះកម្លាំងពលកម្មជំនាញ។
ក្រុមហ៊ុន RMA Cambodia (RMAC) ដែលជាក្រុមហ៊ុនចុះបញ្ជីនៅលើផ្សារហ៊ុន និងជា ក្រុមហ៊ុនបុត្រសម្ព័ន្ធរបស់ខ្លួន RMA Automotive Cambodia ដែលមានរោងចក្រនៅខេត្តពោធិ៍សាត់ បានតម្លើងរថយន្តម៉ូដែល Ford (Ford Wildtrak និង Everest) ជាង២ពាន់គ្រឿងកាលពីឆ្នាំមុនដាក់លក់លើទីផ្សារក្នុងស្រុក។
RMAC ដែលជាក្រុមហ៊ុនចែកចាយរថយន្ត Ford បានបើកដំណើការរោងចក្រដម្លើងរថយន្ត Ford ជាមួយទុនវិនិយោគប្រមាណ២១លានដុល្លារកាលពីខែមិថុនាឆ្នាំ២០២២។ រោងចក្រសាងសង់លើផ្ទៃដីជាង ៥ ហិកតា ស្ថិតនៅស្រុកក្រគរនៃខេត្តពោធិ៍សាត់៕
![](https://www.kampucheathmey.com/wp-content/uploads/2024/06/photo_2024-06-12_13-50-09-2-1024x682.jpg)
អត្ថបទ៖ ឡេង ដេត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ