សេដ្ឋកិច្ច

ក្រុមហ៊ុនអាកាសចរណ៍ឡាវបញ្ឈប់ជើងហោះហើរ មកកម្ពុជា ក្រោយបើកដំណើរការរយៈពេលខ្លី

បានផុស

១០ ខែ មុន

នៅ

ថ្ងៃសុក្រ ១៤ មិថុនា ២០២៤

ដោយ

ក្រុមហ៊ុនអាកាសចរណ៍ឡាវបានសម្រេចបញ្ឍប់ការហោះហើយត្រង់រវាងទីក្រុងវៀនច័ន្ទ-ភ្នំពេញ ចាប់ពីថ្ងៃទី ១៦ ខែមិថុនា ឆ្នាំ ២០២៤ ក្រោយបើកដំណើរការតភ្ជាប់ឡើងវិញបានរយៈពេលជិត ៣ ខែ។ នេះបើតាមការចុះផ្សាយរបស់សារព័ត៌មាន Laotian Times នៅថ្ងៃទី ១៤ ខែមិថុនានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពដដែលការផ្អាកជើងហោះហើរនេះដោយសារតែតម្រូវការហោះហើរទាបរវាងទីក្រុងទាំងពីរ ដែលមិនអាចទ្រទ្រង់នឹងទីផ្សារអាកាសចរបាន។

លោក ស៊ីន ចាន់សេរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៊ីលបានប្រាប់កម្ពុជាថ្មីនៅរសៀលថ្ងៃទី ១៤ ខែមិថុនា ឆ្នាំ ២០២៤នេះថា ក្រុមហ៊ុនអាកាសចណ៍ឡាវ បានសម្រេចផ្អាកការហោះហើរមកម្ពុជា ដោយសារកត្តាទីផ្សារ ពោលគឺក្រុមហ៊ុនមានការខាតបង់។

ចាប់ពីទសវត្សរ៍ឆ្នាំ ១៩៨០ ដល់ពាក់កណ្តាលទសវត្សរ៍ឆ្នាំ ២០០០ ធ្លាប់មានជើងហោះហើរត្រង់លើផ្លូវហោះហើររវាងទីក្រុងវៀងច័ន្ទ-ភ្នំពេញ-វៀងចន្ទន៍។ កាលពីថ្ងៃទី ១៩ ខែមីនា ឆ្នាំ ២០២៤ ក្រុមហ៊ុនអាកាសចរណ៍ឡាវ ក៏បានភ្ជាប់សេវាហោះហើរត្រង់មកប្រទេសកម្ពុជា។

យ៉ាងណាមិញ មន្រ្តីអ្នកនាំពាក្យអាកាសចរស៊ីវិលមានសុទិដ្ឋិនិយមថា បើសិនស្ថានភាពល្អប្រសើរ ក្រុមហ៊ុននឹងត្រឡប់មកវិញ។

បើតាមរបាយការណ៍របស់ក្រសួងទេសចរណ៍ ឆ្នាំ ២០២៣ កម្ពុជាទទួលបានភ្ញៀវទេសចរមកពីប្រទេសឡាវ សរុបជាង ៣៧ ម៉ឺននាក់ ដែលចំនួននេះគឺមានការកើនឡើងរហូតដល់ទៅ៣០២%។

ឆ្នាំ២០២៣ ចំនួនទេសចរបរទេសមកទស្សនាប្រទេសកម្ពូជាបានកើនឡើងជិត ១៤០ ភាគរយ បើធៀបនឹងឆ្នាំ២០២២ ជាមួយចំនួនប្រមាណ ៥,៤លាននាក់។ ទេសចរមកពីតំបន់អាស៊ីគ្របដណ្តប់ជិត ៧០ ភាគរយ នៃភ្ញៀវទេសចរបរទេសសរុប។ នេះបើយោងតាមក្រសួងទេសចរណ៍៕