សេដ្ឋកិច្ច
ចិនឆ្លើយតបសហភាពអឺរ៉ុប ដោយបើកការស៊ើបអង្កេតប្រឆាំងការលក់បង្ខូចតម្លៃសាច់ជ្រូកនាំចូលពីប្លុក
ប្រទេសចិនបានបើកការស៊ើបអង្កេតប្រឆាំងការលក់បង្ខូចតម្លៃលើសាច់ជ្រូកដែលបាននាំចូលពីសហភាពអឺរ៉ុប ក្នុងជំហានមួយដែលគេមើលឃើញថា ជាការឆ្លើយតបនឹងប្លុកនេះចំពោះការដំឡើងពន្ធលើរថយន្តអគ្គិសនីចិន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ក្រសួងពាណិជ្ជកម្មចិន បានប្រកាសពីការស៊ើបអង្កេតកាលពីថ្ងៃចន្ទ ដោយថាវានឹងផ្ដោតលើសាច់ជ្រូកសម្រាប់មនុស្សបរិភោគ ដូចជា សាច់ស្រស់ សាច់ក្លាសេ សាច់បង្កក រួមទាំងគ្រឿងក្នុងជ្រូកជាដើម។
ការស៊ើបអង្កេត ចាប់ផ្តើមនៅថ្ងៃទី ១៧ ខែមិថុនា តទៅរយៈពេល១ឆ្នាំ ឬអាចបន្ថែម៦ខែទៀតប្រសិនបើចាំបាច់។ គេមើលឃើញថា ការណ៍នេះអាចនឹងប៉ះពាល់ដល់ប្រទេសអឺរ៉ុបនាំចេញសាច់ជ្រូកទៅចិនធំៗ ដូចជាអេស្ប៉ាញ ហូឡង់ ដាណឺម៉ាក និងបារាំងជាដើម។ បើតាមក្រសួងពាណិជ្ជកម្មចិន ចំណាត់ការរបស់ខ្លួនធ្វើឡើង តាមពាក្យបណ្តឹងពីសមាគមចិញ្ចឹមសត្វចិន តាំងនាមឱ្យឧស្សាហកម្មសាច់ជ្រូកក្នុងស្រុក។
ការស៊ើបអង្កេតដដែល ក៏កើតឡើងផងដែរ ក្រោយសហភាពអឺរ៉ុបបានប្រកាសដំឡើងពន្ធជាអតិបរមារហូតដល់ជិត ៤០ ភាគរយ លើប្រភេទរថយន្តអគ្គិសនីមួយចំនួននាំចូលពីចិន ដែលធ្វើឱ្យក្រុមហ៊ុនចំណីអាហារធំៗរបស់ប្លុក ព្រួយបារម្ភពីចំណាត់ការសងសឹករបស់ចិន។ អឺរ៉ុបសម្អាងថា វិធានការរបស់ខ្លួនគឺដើម្បីការពារក្រុមហ៊ុនក្នុងស្រុក និងរក្សាការអនុវត្តទីផ្សារស្មើរភាពគ្នា ដោយសារក្រុមហ៊ុនចិនលក់រថយន្តរបស់ខ្លួនក្នុងតម្លៃថោក ព្រោះទទួលបានឧបត្ថម្ភធនពីរដ្ឋ។
ឆ្លើយតបនឹងវិធានការរបស់ចិន អេស្ប៉ាញដែលជាប្រទេសនាំចេញសាច់ជ្រូកទៅចិនធំបំផុតប្រចាំអឺរ៉ុប បាននិយាយថា ខ្លួននឹងធ្វើការជាមួយសហភាពដើម្បីរកដំណោះស្រាយប្រកបដោយតុល្យភាព ធ្វើយ៉ាងណាកុំឱ្យវាប៉ះពាល់ដល់វិធានការដំឡើងពន្ធរបស់ប្លុកនេះ។ ទន្ទឹមនឹងនេះ ក្រុមហ៊ុនផលិតសាច់ជ្រូក Interporc របស់អាស្ប៉ាញ បានឱ្យដឹងថា ខ្លួននឹងសហការយ៉ាងពេញទំហឹងជាមួយនឹងការស៊ើបអង្កេតដោយអាជ្ញាធរចិន។
ចំណែកឯក្រុមប្រឹក្សាកសិកម្ម និងអាហាររបស់ដាណឺម៉ាកវិញ បានព្រមានកាលពីថ្ងៃចន្ទថា វិស័យសាច់ជ្រូករបស់ប្រទេស នឹងត្រូវរងផលប៉ះពាល់ខ្លាំងក្លា ប្រសិនបើចិនរឹតត្បឹតលើការលក់ក្នុងប្រទេសរបស់ខ្លួន។ ផ្ទុយទៅវិញ អ្នកជំនាញមើលឃើញថា អ្នកផ្គត់ផ្គង់សាច់ជ្រូកមកពីអាមេរិកខាងត្បូង សហរដ្ឋអាមេរិក និងរុស្ស៊ី អាចស្ថិតក្នុងចំណោមអ្នកដែលទទួលបានប្រយោជន៍ទីផ្សារ ប្រសិនបើចិនដាក់កម្រិតលើការនាំចូលពីសហភាពអឺរ៉ុប។
អ្នកនាំពាក្យរបស់គណៈកម្មការអឺរ៉ុប បានលើកឡើងថា ប្លុកមិនព្រួយបារម្ភអំពីការស៊ើបអង្កេតរបស់ចិនទេ ហើយបានប្រាប់អ្នកយកព័ត៌មានថា ខ្លួននឹងធ្វើអន្តរាគមន៍យ៉ាងសមស្រប ដើម្បីធានាថា ការស៊ើបអង្កេតអនុលោមតាមច្បាប់ពាក់ព័ន្ធទាំងអស់របស់អង្គការពាណិជ្ជកម្មពិភពលោក។
គួរគូសបញ្ជាក់ថា សហភាពអឺរ៉ុបរួមចំណែកជាងពាក់កណ្ដាលនៃការនាំចូលសាច់ជ្រូករបស់ចិនសរុបប្រហែល ៦ ប៊ីលានដុល្លារ ក្នុងឆ្នាំ ២០២៣។ នេះបើតាមទិន្នន័យគយចិន។ អេស្ប៉ាញនាំសាច់ជ្រូកទៅចិនច្រើនជាងគេ (១,៥ ប៊ីលានដុល្លារ) បន្ទាប់មកគឺហូឡង់ (៥៥៩ លានដុល្លារ) ដាណឺម៉ាក (៥៥៦ លានដុល្លារ) និងបារាំង (៣៥៨ លានដុល្លារ)៕
លោក នេត្រ ភក្រ្តា ៖ អ្នកផលិត មាតិកា គឺបានដើរតូនាទីសំខាន់ណាស់មិនមែនត្រឹមតែជាអ្នកនាំនូវការកំសាន្ត ចំណេះដឹង
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង
គូស្នេហ៍អ្នកផលិតមាតិកា មួយគូទៀតហើយ ចង់លាពាក្យថា “សង្សារ” ធ្វើជាដៃគូជីវិត (មានវីដេអូ)
នាយឧត្តមសេនីយ៍ មាស វីរិទ្ធ អាជ្ញាធរគ្រប់ថ្នាក់ មេភូមិ មេឃុំ ទទួលចំណេះដឹងលើការងារផ្សព្វផ្សាយ អប់រំ និងការប្រើប្រាស់App NoDrug
វៀតណាម នឹងរំលាយចោលក្រសួងចំនួន ៥
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
ក្រោយឮថាលែងប្រពន្ធមកយក Janie តួប្រុស Aum ចេញមុខបកស្រាយភ្លាមៗ
មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ៥ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា