សេដ្ឋកិច្ច
បុរសម្នាក់ បោះបង់ប្រាក់ខែ ៣ពាន់ដុល្លារ មកចិញ្ចឹមបង្កង
បុរសម្នាក់ ជាអតីតពលករធ្វើការនៅប្រទេសកូរ៉េ សុខចិត្តបោះបង់ប្រាក់ខែ ៣០០០ ដុល្លារ មករស់នៅស្រុកកំណើតក្នុងខេត្តពោធិ៍សាត់ បើកកសិដ្ឋានចិញ្ចឹមបង្កងអូស្រ្តាលី នឹងកំពុងទទួលបានទីផ្សារខ្ពស់ តាមរយៈការបញ្ជាទិញពីម្ចាស់ភោជនីយដ្ឋាននានា ក្នុងប្រទេសកម្ពុជា។
![](https://www.kampucheathmey.com/wp-content/uploads/2024/06/1-15-768x1024.jpg)
លោក យ៉ាន់ ពិសិដ្ឋ អាយុ២៩ឆ្នាំ ម្ចាស់កសិដ្ឋានចិញ្ចឹមបង្កងខេត្តខ្ញុំ ស្ថិតភូមិក្រញាំ ឃុំផ្ទះរុង ស្រុកតាលោសែនជ័យ ខេត្តពោធិ៍សាត់ បានប្រាប់ កម្ពុជាថ្មី ថា លោក បានចាប់ផ្ដើមបើកកសិដ្ឋានចិញ្ចឹមបង្កងពូជអូស្ត្រាលី នេះ ចាប់តាំងពីឆ្នាំ២០២០ មកម្ល៉េះ។
![](https://www.kampucheathmey.com/wp-content/uploads/2024/06/13-3.jpg)
ពិសិដ្ឋ បន្តថា ដំបូងឡើយការចិញ្ចឹមបង្កងរយៈពេល២ឆ្នាំដំបូង មិនទទួលបានផ្លែផ្កាមិនប៉ុន្មាននោះទេ ពោលគឺខាតតែរហូត នេះបើតាមការបញ្ជាក់របស់ ម្ចាស់កសិដ្ឋាន រូបនេះ។
![](https://www.kampucheathmey.com/wp-content/uploads/2024/06/9-6-768x1024.jpg)
ពិសិដ្ឋ បានប្រាប់ឱ្យដឹងទៀតថា មូលហេតុដែលលោកសុខចិត្តបោះបង់ប្រាក់ខែ ៣០០០ដុល្លារ នៅប្រទេសកូរ៉េ ពីព្រោះលោកមានក្ដីស្រមៃមួយថា នឹងបង្កើតការងារសម្រាប់ខ្លួនឯងមួយ នៅស្រុកកំណើតនៅពេលត្រឡប់មកពីធ្វើការពីក្រៅប្រទេសវិញ ម្យ៉ាងទៀត ពិសិដ្ឋមិនចង់ចំណាកស្រុកទៅធ្វើការនៅក្រៅប្រទេសតទៅទៀត ទើបលោកគិតបង្កើតកសិដ្ឋានចិញ្ចឹមបង្កងនេះឡើងមក។
![](https://www.kampucheathmey.com/wp-content/uploads/2024/06/22-5.jpg)
បច្ចុប្បន្ននេះ កសិដ្ឋានចិញ្ចឹមបង្កង របស់ពិសិដ្ឋ កំពុងទទួលបានការពេញនិយមខ្លាំង ដោយបង្កងមួយគីឡូ ពិសិដ្ឋអាចលក់ចេញបាន ក្នុងតម្លៃចន្លោះពី ១៨ដុល្លារ ទៅ ២៥ដុល្លារ នេះក៏ដោយសារតែបង្កងអូស្ដ្រាលី មានរសជាតិឆ្ងាញ់ ស្វិតល្អ ជាងពូជបង្កងផ្សេងទៀត។
ទាក់ទងនឹងការចិញ្ចឹមបង្កងអូស្ដ្រាលី ពិសិដ្ឋ បានបញ្ជាក់ថា បង្កងអូស្ដ្រាលី ងាយស្រួលចិញ្ចឹមជាងប្រភេទពូជបង្កងដទៃទៀត ដោយសារតែការចិញ្ចឹមមិនចាំបាច់ប្រើប្រាស់អគ្គិសនី ឬ អុកស៊ីសែន នោះឡើយ។
![](https://www.kampucheathmey.com/wp-content/uploads/2024/06/8-8-473x1024.jpg)
ពិសិដ្ឋ បន្ថែមថា សម្រាប់ការចិញ្ចឹមបង្កងអូស្ដ្រាលីនេះវិញ លោកគ្រាន់តែចំណាយប្រាក់បន្ដិចបន្ដួចទៅលើចំណីរបស់វា ក្នុងនោះមាន៖ ចំណីបង្កង ទិញពីក្រៅប្រទេស និង ចេកទុំ ស្បែកគោ ដែលទិញនៅក្នុងស្រុកខ្លះ ផងដែរ។
បើគិតពីដើមទុន ក្នុងការបើកដំណើរការកសិដ្ឋានវិញ ពិសិដ្ឋ បានឱ្យដឹងថា លោកបានចំណាយដើមទុនអស់ប្រមាណ ២០០០០ដុល្លារ ដែលលោកបានសន្សំទុក កាលពីធ្វើការនៅប្រទេសកូរ៉េ។
![](https://www.kampucheathmey.com/wp-content/uploads/2024/06/4-9-768x1024.jpg)
ពិសិដ្ឋ បន្តថា អ្វីដែលធ្វើឱ្យលោកសប្បាយចិត្ត និងបន្តចិញឹមបង្កងមកដល់សព្វថ្ងៃនេះ គឺបង្កងរបស់លោកអាចលក់ចេញទៅកាន់ទីផ្សារក្នុងស្រុក នឹងទទួលបានប្រាក់ចំណូលជាង ១០០០ដុល្លារ ក្នុងមួយខែ។ ចំណែកទីផ្សារលក់ចេញវិញ រួមមាន៖ ខេត្តស្វាយរៀង កោះកុង បន្ទាយមានជ័យ និងរាជធានីភ្នំពេញ ជាដើម។
![](https://www.kampucheathmey.com/wp-content/uploads/2024/06/3-14-1024x578.jpg)
ម្ចាស់កសិដ្ឋានរូបនេះ បានបន្ថែមទៀតថា សម្រាប់ផែនការទៅថ្ងៃខាងមុខ លោកក៏នឹងត្រៀមបើកសិដ្ឋានបន្ថែមទៀតដើម្បីចិញ្ចឹមបង្កង និងផលិតពូជបង្កងអូស្រ្ដាលីនេះ ឱ្យបានច្រើនសម្រាប់ផ្គត់ផ្គង់ទីផ្សារក្នុងប្រទេសកម្ពុជា៕
អត្ថបទ ៖ សួស សិត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ