សេដ្ឋកិច្ច
តម្លៃគ្រឿងសមុទ្រធ្លាក់ចុះបន្តិច គ្រាដែលទិន្នផលកំពុងកើនឡើង
នៅរដូវវស្សានេះ តម្លៃគ្រឿងសមុទ្រនៅខេត្តព្រះសីហនុបានធ្លាក់ចុះបន្តិច គ្រាដែលទិន្នផលនេសាទសមុទ្រកំពុងមានការកើនឡើង។
លោក ជិន សំណាង ម្ចាស់សិប្បកម្ម សុគា ផលិតផលសមុទ្រសុខភាពខេត្តព្រះសីហនុបានឱ្យដឹងថា តម្លៃក្ដាមប្រភេទលេខ១ បានធ្លាក់ចុះបន្តិចនៅខែវស្សានេះ ដែលចុះចន្លោះពី ៥ ពាន់រៀលទៅ ១ ម៉ឺន ៥ ពាន់រៀល ដែលកាលពីមុនអាចលក់បាន ៦ ម៉ឺនរៀលក្នុងមួយគីឡូក្រាម ឥឡូវលក់បាន ៤ ម៉ឺន ៥ ពាន់រៀលក្នុងមួយគីឡូក្រាម ខណៈតម្លៃបង្គាស្រស់ អាចលក់បាន ១ ម៉ឺន ៨ ពាន់រៀល ទៅ ២ ម៉ឺន ២ ពាន់រៀលក្នុងមួយគីឡូក្រាម។
![](https://www.kampucheathmey.com/wp-content/uploads/2024/06/SS1-65.jpg)
ចំណែកបង្គាប្រភេទកណ្ដាលបានតម្លៃ ៣ ម៉ឺនរៀល ទៅ ៣ ម៉ឺន ៥ ពាន់រៀល ខណៈប្រភេទធំតម្លៃ ៤ ម៉ឺន ៥ ពាន់ ទៅ ៥ ម៉ឺនរៀលក្នុងមួយគីឡូក្រាម។ រីឯតម្លៃមឹក មិនមានការប្រែប្រួលនោះទេ គឺនៅរក្សាតម្លៃធម្មតាចាប់ពី ៣ ម៉ឺន ៥ ពាន់រៀលឡើងទៅក្នុងមួយគីឡូក្រាម។
លោក ជិន សំណាង សង្កេតឃើញថា ខែវស្សានេះ ភ្ញៀវទេសចរទៅលេងខេត្តព្រះសីហនុ មានការថមថយ ហើយផលនេសាទទទួលបានច្រើនជាងមុន មានន័យថាការផ្គត់ផ្គត់ច្រើនជាងតម្រូវការ ដែលជាហេតុផលធ្វើឱ្យតម្លៃគ្រឿងសមុទ្រធ្លាក់ចុះ។
លោក ជិន សំណាងបញ្ជាក់ថា៖ «ទិន្នផលនេសាទខែវស្សានេះ មានការកើនឡើង នេសាទបានច្រើនជាងខែប្រាំង ក៏ប៉ុន្តែតម្លៃធ្លាក់ថ្លៃ»។
យោងតាមរបាយការណ៍របស់រដ្ឋបាលខេត្តព្រះសីហនុបានបង្ហាញថា ផលនេសាទរយៈពេល ៥ ខែដើមឆ្នាំ ២០២៤ ទទួលបានជាង ២ ម៉ឺនតោន។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ នៅក្នុងឆ្នាំ ២០២៣ កម្ពុជាប្រមូលផលនេសាទសមុទ្របាន ១២៥ ៥០០ តោន ដែលកើនឡើង ៣០០ តោន ធៀបនឹងឆ្នាំ ២០២២៕
![](https://www.kampucheathmey.com/wp-content/uploads/2024/06/322476878_531767199016083_6508914144731464086_n.jpg)
![](https://www.kampucheathmey.com/wp-content/uploads/2024/06/325395608_5635057969923508_7729509045521881039_n-768x1024.jpg)
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់