សេដ្ឋកិច្ច
ក្រុមហ៊ុនផលិតឡានក្នុងស្រុកចិន ជំរុញឱ្យរដ្ឋាភិបាលសងសឹកចំណាត់ការអឺរ៉ុប ដោយបង្កើនពន្ធលើរថយន្តដូចគ្នា
កាសែតរដ្ឋចិន Global Times បានផ្សាយនៅថ្ងៃពុធនេះថា ក្រុមហ៊ុនផលិតរថយន្តក្នុងស្រុកចិនផ្សេងៗ បានជំរុញឱ្យរដ្ឋាភិបាលក្រុងប៉េកាំង សងសឹកចំពោះវិធានការរបស់សហភាពអឺរ៉ុបដែលដំឡើងពន្ធលើរថយន្តអគ្គិសនីនាំចូលពីចិន ដោយការដំឡើងពន្ធដូចគ្នាលើរថយន្តស៊ីសាំងធំៗរបស់អឺរ៉ុប។ នេះបើតាមការចុះផ្សាយបន្តរបស់ទីភ្នាក់ងារសារព័ត៌មានរ៉យទ័រ។
Global Times ផ្សាយថា ការជំរុញរបស់បណ្ដាក្រុមហ៊ុនចិន ធ្វើឡើងក្នុងកិច្ចប្រជុំបិទទ្វារកាលពីថ្ងៃអង្គារ ដែលមានការចូលរួមដោយក្រុមហ៊ុនផលិតរថយន្តអឺរ៉ុប ក្រុមហ៊ុនរថយន្តចិន ក៏ដូចជាក្រុមឧស្សាហកម្មផ្សេងៗ។
ការណ៍នេះ កើតឡើងក្រោយ Global Times បានរាយការណ៍ជាលើកដំបូងកាលពីចុងខែមុនថា មជ្ឈមណ្ឌលស្រាវជ្រាវរថយន្តមួយ ដែលមានទំនាក់ទំនងជាមួយរដ្ឋាភិបាលចិន បានស្នើឱ្យមានការដំឡើងពន្ធនាំចូលលើរថយន្តដែលប្រើសាំងធំៗ ដល់ ២៥ ភាគរយ។ បច្ចុប្បន្ន ពន្ធនាំចូលរថយន្តរបស់ចិន គឺមានតែ ១៥ ភាគរយប៉ុណ្ណោះ។
ការវិវត្តចុងក្រោយនេះ កើតឡើងបន្ទាប់សហភាពអឺរ៉ុប កាលពីសប្ដាហ៍មុន បានប្រកាសដំឡើងពន្ធលើរថយន្តអគ្គិសនីនាំចូលពីចិនរហូតដល់ជិត ៤០ ភាគរយ ដោយអះអាងថា ដើម្បីការពារទីផ្សារក្នុងស្រុក កាត់បន្ថយលំហូររថយន្តចិនលក់ក្នុងតម្លៃថោកនៅលើទីផ្សារអឺរ៉ុប។ ឆ្លើយតបនឹងការណ៍នេះ អាជ្ញាធរចិន កន្លងមកបានព្រមានពីវិធានការសងសឹកផ្សេងៗ ដែលអាចមាន តាមរយៈអត្ថបទវិចារណកថាផ្សាយតាមប្រព័ន្ធផ្សព្វផ្សាយរដ្ឋ។
អ្នកវិភាគនិយាយថា ការយកពន្ធរបស់រដ្ឋាភិបាលចិន ទំនងជាប៉ះពាល់ដល់ក្រុមហ៊ុនផលិតរថយន្តអាល្លឺម៉ង់ខ្លាំងជាងគេ។ កន្លងមក ក្រុមហ៊ុនផលិតរថយន្តកំពូលៗមួយចំនួនរបស់អាល្លឺម៉ង់ បានធ្វើយុទ្ធនាការប្រឆាំងនឹងវិធានការដំឡើងពន្ធរបស់អឺរ៉ុប មុនប្លុកនេះសម្រេច ដោយអាល្លឺម៉ង់ចង់រក្សាទីផ្សារផលិតផលរបស់ខ្លួននៅអឺរ៉ុប ខណៈដែលពួកគេសម្លឹងមើលដើម្បីរក្សាការចូលទៅកាន់ទីផ្សារប្រទេសចិន។
គេមិនដឹងថា ចិនអាចនឹងប្រកាសនូវចំណាត់ការវាយបករបស់ខ្លួននាពេលណានោះទេ។ ប៉ុន្តែកាលពីខែមុន Global Times បានផ្សាយបង្ហើបៗថា ក្រុមហ៊ុនចិនផ្សេងៗគ្រោងនឹងស្នើឱ្យអាជ្ញាធរបើកការស៊ើបអង្កេតប្រឆាំងការលក់បង្ខូចតម្លៃលើផលិតផលសាច់ជ្រូកនៅអឺរ៉ុប ហើយកាលពីថ្ងៃចន្ទ ការណ៍នេះក៏កើតមានឡើងមែន។
ក្រសួងព័ត៌មាន និង ក្រសួងឧស្សាហកម្ម ចុះអនុស្សរណៈយោគយល់គ្នា ដើម្បីរួមសហការគ្នាផ្សព្វផ្សាយព័ត៌មានពាក់ព័ន្ធ បេសកកម្ម និងគោលនយោបាយរួមតែមួយ
អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់
គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់
ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន
ប័ណ្ណសម្គាល់ជលយានចំនួន៩៨ប័ណ្ណ ត្រូវបានប្រគល់ជូនពលរដ្ឋស្រុកកោះកុង
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
រាជដំណាក់ព្រះមហាក្សត្រខ្មែរ លើកំពូលភ្នំបូកគោ រង់ចាំអនុញ្ញាតពីព្រះបរមរាជវាំង ជួសជុលតាមគំរូដើមឡើងវិញ
រលកកម្ដៅ៥២អង្សា ប្រល័យជីវិតអ្នកចូលរួមធម្មយាត្រា Hajj ជាង១០០០នាក់ហើយ
ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង
-
សន្តិសុខសង្គម៤ ថ្ងៃ agoជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ agoប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ agoសមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ agoUpdate៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ agoសមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ agoសមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ agoស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ