សេដ្ឋកិច្ច
ការនាំចេញរបស់វៀតណាម កើនឡើងជាង ១០ ភាគរយ ក្នុងឆមាសទី ១ ឆ្នាំនេះ
នាយកដ្ឋានផែនការ និងហិរញ្ញវត្ថុនៃក្រសួងឧស្សាហកម្ម និងពាណិជ្ជកម្មវៀតណាម (MoIT) បាននិយាយក្នុងសន្និសីទសារព័ត៌មានកាលពីថ្ងៃពុធថា ការនាំចេញរបស់វៀតណាម បានកើនឡើងប្រហែល ១៣,៨ ភាគរយក្នុងឆមាសទី១ឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុន ខណៈការនាំចូលវិញ បានកើនឡើង ១៨,៤ ភាគរយ។ នេះបើតាមការចុះផ្សាយរបស់កាសែត Việt Nam News។
ប្រធាននាយកដ្ឋាន លោក Bùi Huy Sơn បាននិយាយថា ការនាំចេញបានស្ទុះងើបឡើងវិញយ៉ាងខ្លាំងក្នុងរយៈពេល៦ខែដើមឆ្នាំ ដោយតម្លៃឈានដល់ប្រមាណ ១៨៨,៩៧ ប៊ីលានដុល្លារ ក្នុងនោះវិស័យកែច្នៃ និងផលិត នាំមុខគេក្នុងទំហំទឹកប្រាក់សរុបប្រមាណ ១៥៩,៩២ ប៊ីលានដុល្លារ។
មន្រ្តីដដែលបន្តថា តម្លៃនៃការនាំចេញ-នាំចូលសរុប បានកើនឡើងដល់ ៣៦៩,៥៩ ប៊ីលានដុល្លារ ដោយកើនឡើង ១៦,០៣ ភាគរយ ធៀបនឹងរយៈពេលដូចគ្នាកាលពីឆ្នាំមុន ជាមួយនឹងអតិរេកពាណិជ្ជកម្ម ៨,៤ ប៊ីលានដុល្លារ។
កន្លងមក អ្នកជំនាញសេដ្ឋកិច្ចបានផ្សារភ្ជាប់កំណើនការនាំចេញរបស់វៀតណាម ទៅនឹងអំណោយផលនៃកិច្ចព្រមព្រៀងសេរីជាច្រើនដែលវៀតណាមមានជាមួយប្រទេសជាដៃគូ ក៏ដូចជាកំណើននៃតម្រូវការនៅទីផ្សារធំៗ ដូចជាអាមេរិក និងអឺរ៉ុប ជាដើម។
យ៉ាងណាមិញ នាយកដ្ឋានផែនការ និងហិរញ្ញវត្ថុ បានចង្អុលបង្ហាញពីការងើបឡើងវិញមិនស្មើគ្នានៃផលិតកម្មឧស្សាហកម្ម រួមជាមួយនឹងការលំបាកក្នុងការផលិត និងការផ្គត់ផ្គង់ថាមពល ជាពិសេសអគ្គិសនី និងប្រេង និងឧស្ម័ន ដោយសារតែការប្រែប្រួលតម្លៃទាំងទីផ្សារក្នុងស្រុក និងអន្តរជាតិ។
ក្រៅពីនេះ ការកើនឡើងតម្លៃ ជាពិសេសផលិតផលកសិកម្ម និងថាមពល និងការកើនឡើងតម្លៃនៃការដឹកជញ្ជូន នៅតែជាឧបសគ្គដល់ការនាំចេញ រួមជាមួយនឹងសម្ពាធនៃការស៊ើបអង្កេតពាណិជ្ជកម្មផ្សេងៗ និងឧបសគ្គបច្ចេកទេសលើមុខទំនិញនាំចេញសំខាន់ៗមួយចំនួន ទៅកាន់ទីផ្សារធំៗដូចជាសហភាពអឺរ៉ុប (EU) និងសហរដ្ឋអាមេរិក៕
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ចរាចរណ៍៩ ម៉ោង ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ព័ត៌មានអន្ដរជាតិ៤ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ