សេដ្ឋកិច្ច
ការប្រើប្រាស់ឥន្ធនៈហ្វូស៊ីល និងការបំភាយកាបូន កើនដល់កំណត់ត្រាខ្ពស់បំផុត ក្នុងឆ្នាំ ២០២៣
របាយការណ៍ថ្មីរបស់អង្គការត្រួតពិនិត្យស្ថិតិនៃថាមពលពិភពលោក បានបង្ហាញថា ការប្រើប្រាស់ឥន្ធនៈហ្វូស៊ីល និងការបំភាយឧស្ម័នកាបូនឌីអ៊ុកស៊ីតទូទាំងពិភពលោក បានឈានដល់កម្រិតខ្ពស់បំផុតកាលពីឆ្នាំមុន ទោះបីជាល្បាយថាមពលកកើតឡើងវិញបានកើនឡើងដែរក្ដី។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
របាយការណ៍ដែលចេញផ្សាយនៅថ្ងៃព្រហស្បតិ៍នេះ បានគូសបញ្ចាក់ថា ការប្រើប្រាស់ឥន្ធនៈហ្វូស៊ីលបានកើនឡើង ១,៥ ភាគរយ បើធៀបនឹងឆ្នាំ ២០២២ ខណៈការបំភាយកាបូនបានកើនឡើង ២,១ ភាគរយ។ ជាលម្អិត ការប្រើប្រាស់ឥន្ធនៈហ្វូស៊ីលជាសកល បានកើនដល់កម្រិតខ្ពស់បំផុតជាប្រវត្តិសាស្រ្ត ប្រមាណ ៦២០ Exajoules ( ១ Exajoule ស្មើនឹង ១០ ស្វ័យគុណ ១៨ ហ្ស៊ូល) ខណៈការបំភាយកាបូន បានបំបែកកំណត់ត្រាដូចគ្នា ដោយកើនដល់ ៤០ ប៊ីលានតោន។
ទន្ទឹមនឹងនេះ ល្បាយនៃការប្រើប្រាស់ថាមពលកកើតឡើងវិញ ក៏បានឡើងដល់កំណត់ត្រាថ្មីផងដែរ ក្នុងអត្រា ១៤,៦ ភាគរយ ពោលគឺកើនឡើង ០,៤ ភាគរយពីឆ្នាំ ២០២២។
អ្នកជំនាញមើលឃើញថា ទោះបីជាមានកំណើនតម្រូវការនៃថាមពលកកើតឡើងវិញក្ដី កំណើននៃតម្រូវការឥន្ធនៈហ្វូស៊ីល អាចជាឆ្អឹងទទឹងកសម្រាប់ពិភពលោក ក្នុងការផ្លាស់ប្ដូរទៅប្រើប្រាស់ថាមពល ដែលបំភាយឧស្ម័នកាបូនទាប។ នេះមានន័យថា វាអាចជាឧបសគ្គសម្រាប់ពិភពលោក ក្នុងការសម្រេចបាននូវគោលដៅអាកាសធាតុ ដែលចង់រក្សាការកើនឡើងកម្ដៅផែនដីត្រឹម ១,៥ អង្សាសេ (ធៀបនឹងសម័យមុនបដិវត្តន៍ឧស្សាហកម្ម) ព្រោះកំណើនលើសនេះ នឹងធ្វើឱ្យពិភពលោកជួបគ្រោះអាកាសធាតុកាន់តែមហន្តរាយធ្ងន់ធ្ងរទៅៗ។
បើតាមរបាយការណ៍ ប្រទេសកំពុងអភិវឌ្ឍរួមចំណែក ៥៦ ភាគរយនៃការប្រើប្រាស់ថាមពលសរុប ដោយការប្រើប្រាស់កើនឡើងទ្វេដងនៃអត្រាមធ្យមរបស់ពិភពលោក។
របាយការណ៍បន្តថា ចិនគឺជាប្រទេសប្រើប្រាស់ធ្យូងថ្មច្រើនជាងគេបំផុត ដែលមានចំណែក ៥៦ ភាគរយនៃការប្រើប្រាស់ធ្យូងថ្មសរុបរបស់ពិភពលោក ខណៈការប្រើប្រាស់របស់ឥណ្ឌា កើនលើសពីចំនួនការប្រើប្រាស់របស់ទ្វីបអឺរ៉ុប និងអាមេរិកខាងជើង រួមបញ្ចូលគ្នា ជាលើកដំបូងមិនធ្លាប់មាន។
របាយការណ៍ក៏បង្ហាញពីនិន្នាការប្រែប្រួលលើការប្រើប្រាស់ថាមពលទៅតាមតំបន់ផងដែរ។ ការប្រើប្រាស់ធ្យូងថ្មនៅអឺរ៉ុប និងអាមេរិកខាងជើង បានធ្លាក់ចុះដល់កម្រិតទាបបំផុតរាប់ចាប់តាំងពីឆ្នាំ ១៩៦៥ មក។ នៅសហរដ្ឋអាមេរិក ការប្រើប្រាស់ធ្យូងថ្ម បានធ្លាក់ចុះ ១៧ ភាគរយ ខណៈចិន និងឥណ្ឌា ការប្រើប្រាស់ឧស្ម័នធម្មជាតិ បានកើនឡើង ៧ ភាគរយ។ យ៉ាងណាមិញ គួរឱ្យកត់សម្គាល់ថា ចិនបានរួមចំណែកលើល្បាយថាមពលកកើតឡើងវិញរបស់សកល រហូតដល់ ៦៣ ភាគរយ ដែលមានន័យថា ប្រទេសនេះបង្កើនថាមពលកកើតឡើងវិញ ច្រើនជាងពិភពលោកទាំងមូលបូកចូលគ្នា៕
ឡើងកាន់អំណាច៤ថ្ងៃសោះ លោកត្រាំផ្តល់ជម្រើសច្រើនក្នុងការបញ្ចប់សង្គ្រាមរុស្ស៊ី-អ៊ុយក្រែនដែលមានអាយុកាល៣៥ខែ
រុស្ស៊ី ចោទអង្គការយូនីសេហ្វ ថាខ្វល់ពីជីវិតក្មេងនៅអ៊ុយក្រែន ជាងជីវិតក្មេងនៅហ្គាហ្សា
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម នៅក្នុងបរិយាកាស
ម្ចាស់មេដាយមាសអូឡាំពិកដំបូងរបស់ថៃត្រូវបានកាត់ទោសពីបទប៉ុនប៉ងរំលោភ
Mitsubishi ពិចារណាមិនចូលរួមជាមួយ Nissan-Honda លើការច្របាច់បញ្ចូលគ្នា
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ
-
ចរាចរណ៍៤ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៧ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ១៩ ម៉ោង agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២០ ម៉ោង agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានជាតិ១ សប្តាហ៍ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ