ព័ត៌មានជាតិ
Air Asia នឹងបើកការហោះហើរត្រង់ពីទីក្រុងកូឡាឡាំពួរមកក្រុងព្រះសីហនុនៅដើមខែកក្កដា
ក្រុមហ៊ុនអាកាសចរណ៍ Air Asia នឹងចាប់ផ្ដើមជើងហោះហើរត្រង់ពីទីក្រុងកូឡាឡាំពួរនៃប្រទេសម៉ាឡេស៊ីមកកាន់អាកាសយាន្តដ្ឋានអន្តរជាតិព្រះសីហនុចាប់ពីដើមខែកក្កដាខាងមុខ ក្នុងការចាប់យកឪកាសនៃលំហូរភ្ញៀវទេសចរណ៍ទៅកាន់ខេត្តនៃតំបន់ឆ្នេររបស់កម្ពុជា។
![](https://www.kampucheathmey.com/wp-content/uploads/2024/06/Air-Asia-1024x683.jpg)
យោងតាមសេចក្តីប្រកាសព័ត៌មានរបស់ក្រុនហ៊ុន Air Asia Cambodia ចេញផ្សាយនៅថ្ងៃព្រហស្បតិ៍នេះថាជើងហោះហើរថ្មីនឹងនឹងហោះហើរត្រង់ពីទីក្រុងកូឡាឡាំពួរមកកាន់ក្រុងព្រះសីហនុចាប់ពីថ្ងៃទី៣ខែកក្កដាខាងមុខនេះ ដែលនឹងហោះហើរ៣ដងក្នុងមួយសប្តាហ៍គឺរៀងរាល់ថ្ងៃពុធ សុក្រនិងថ្ងៃអាទិត្យ។
លោក ស៊ិន ចាន់សិរីវត្ថា អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ក្រុមហ៊ុនអាកាសចរណ៍នេះធ្លាប់បានធ្វើការហោះហើរម្តងរួចទៅហើយលើដំណាក់ផ្លូវនេះ ប៉ុន្តែដោយសារតែការរីករាលដាលនៃជំងឺកូវីដ១៩ ទើបក្រុមហ៊ុនសម្រេចផ្អាកជាបណ្តោះអាសន្ន។
លោកបានលើកឡើងថា៖«តាមពិតទៅក្រុមហ៊ុនធ្លាប់បានហោះហើរត្រង់រួចទៅហើយលើកំណាក់ផ្លូវនេះកាលមុនកូវីដ ប៉ុន្តែដោយសារកត្តាទីផ្សារទើបក្រុមហ៊ុនផ្អាក។ ឥឡូវនេះស្ថានភាពនៃសេដ្ឋកិច្ចហាក់មានភាពល្អប្រសើរ ជាហេតុធ្វើអោយក្រុមហ៊ុនសម្រេចចិត្តបើកដំណើការឡើងវិញ»។
![](https://www.kampucheathmey.com/wp-content/uploads/2024/06/Air-Asia1-1024x682.jpg)
លោក ធូន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកបានថ្លែងមកកាន់កម្ពុជាថ្មីថា ក្រុមហ៊ុនភ្នាក់ងារទេចរណ៍ក្នុងស្រុកនិងនៅប្រទេសម៉ាឡេស៊ីបានកំពុងធ្វើការផ្សព្វផ្សាយអំពីជើងហោះហើរថ្មីនេះទៅកាន់ភ្ញៀវទេចរជាតិនិងអន្តរជាតិ។
លោកបានថ្លែងថា៖«នេះគឺជាការបោះជំហានថ្មីមួយទៀតរបស់ក្រុមហ៊ុនអាកាសចរណ៍មួយនេះ បន្ទាប់ពីខ្លួនទើបតែបើកការហោះហើរក្នុងស្រុករវាងភ្នំពេញ-សៀមរាប និងទិសដៅទៅរវាងខេត្តព្រះសីហនុ-សៀមរាប។ សម្រាប់ជើងហោះហើរត្រង់ថ្មីនេះគឺជាការបើកផ្លូវផ្លូវហោះហើររវាងក្រុងដ៏នៃប្រទេសម៉ាឡេស៊ីមកកាន់ខេត្តនៃតំបន់ឆ្នេររបស់កម្ពុជាយើង ដោយសារតែគេមើលឃើញអំពីតម្រូវការនៃភ្ញៀវទេចរ។ ជាមួយគ្នានេះដែរ យើងក៏រំពឹងថានឹងទទួលបានភ្ញៀវទេសចរមាឡេស៊ីកាន់តែច្រើនមកទស្សនាខេត្តព្រះសីហនុយើងផងដែរ»។
![](https://www.kampucheathmey.com/wp-content/uploads/2024/06/Sihanoukville1-1.jpeg)
កាលពីដើមខែឧសភាថ្មីៗនេះក្រុមហ៊ុនអាកាសចរណ៍ Air Asia បានបើកការហោះហើរទៅមករវាងភ្នំពេញ-សៀមរាបចំនួន៤ជើងក្នុងមួយថ្ងៃ និងទិសដៅទៅមករវាងខេត្តព្រះសីហនុ-សៀមរាបចំនួន៤ជើងក្នុងមួយថ្ងៃ។
យោងតាមរដ្ឋលេខាធិការដ្ឋានអាកាសចរណ៍ស៊ីវិល នៅក្នុងរយៈពេល៥ខែ ចាប់ពីខែមករា ដល់ខែឧសភា ឆ្នាំ២០២៤ កម្ពុជាបានទទួលអ្នកដំណើរតាមផ្លូវអាកាសជាង ២,៥ លាននាក់ កើនឡើង ២២% បើធៀបរយៈពេលដូចគ្នាកាលពីឆ្នាំមុន៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ