សេដ្ឋកិច្ច
មន្ត្រីគយ នគរបាល ចុះផ្សព្វផ្សាយ ភាពខុសគ្នារវាងទំនិញមានពន្ធ និងទំនិញគេចពន្ធ
មន្ត្រីគយ និងមន្ត្រីនគរបាល បានចុះចែកខិតប័ណ្ណផ្សព្វផ្សាយ និងបញ្ជៀបដល់ ម្ចាស់ហាងលក់ទំនិញធំៗ មានហាងលក់ទំនិញ និងហាងលក់ទូរស័ព្ទ ក្នុងខេត្តបន្ទាយមានជ័យ ឱ្យបានយល់ដឹង និងចែករំលែកដល់អ្នកចែកចាយ និងអ្នកប្រើប្រាស់ ពីខុសគ្នារវាងទំនិញមានពន្ធ និងទំនិញគេចពន្ធ។
![](https://www.kampucheathmey.com/wp-content/uploads/2024/06/photo_2024-06-23_13-45-55-2-1024x768.jpg)
នៅថ្ងៃទី២៣ ខែមិថុនា ឆ្នាំ២០២៤ តែ មន្ត្រីគយ និងនគរបាលបានចុះធ្វើការផ្សព្វផ្សាយ ដោយក្នុងខិតប័ណ្ណ បានបញ្ជាក់ថា អគ្គនាយកដ្ឋានគយនិង រដ្ឋករកម្ពុជា នៃក្រសួងសេដ្ឋកិច្ច និងហិរញ្ញវត្ថុ មានគោលបំណងបញ្ជ្រាបការយល់ដឹងជាសាធារណៈដល់អ្នកចែកចាយ និង អ្នកប្រើប្រាស់ អំពីភាពខុសគ្នា រវាងទំនិញមានពន្ធ និងទំនិញគេចពន្ធ ក្នុងន័យ ការពារសិទ្ធិ និងផលប្រយោជន៍ស្របច្បាប់ របស់អ្នកចែកចាយ និងអ្នកប្រើប្រាស់ និងដើម្បីបញ្ជៀសការចូលរួមប្រព្រឹត្តបទល្មើសដោយមិនដឹងខ្លួន។
![](https://www.kampucheathmey.com/wp-content/uploads/2024/06/photo_2024-06-23_13-45-54.jpg)
ខិតប័ណ្ណ មានសេចក្ដីបន្តថា ទំនិញមានពន្ធ មានបង្កាន់ដៃពន្ធ មានបិទលប័ត្រសម្រាប់រថយន្ត មានបិទតែមប្រ៍ អាករ សម្រាប់ផលិតផលថ្នាំជក់មានបិតត្រាពន្ធគយ។ ចំណែក ទំនិញគេចពន្ធ គ្មានបង្កាន់ដៃពន្ធ គ្មានបិទលតាប័ត្រ សម្រាប់រថយន្ត គ្មានបិទតែមប្រ៍អាករ សម្រាប់ផលិតផលថ្នាំជក់មិនមានបិតត្រាគយជាដើម។
![](https://www.kampucheathmey.com/wp-content/uploads/2024/06/photo_2024-06-23_13-45-55-3-1024x768.jpg)
ខិតប័ណ្ណបានបន្តថា ទោសទណ្ឌ ១ ការនាំចូល ចែកចាយ និងការប្រើប្រាស់ទំនិញគេចពន្ធរួមទាំងការថ្លែងបន្លំ និងការប្រើប្រាស់ ឯកសារក្លែងក្លាយបន្លំដូចជា បង្កាន់ដៃពន្ធ លតាប័ត្រ តែមប្រ៍ អាករ ត្រាពន្ធគយ ប័ណ្ណសម្គាល់យានយន្ត ឬស្លាកលេខយានយន្ត គឺជាអំពើខុសច្បាប់ដែលនឹងត្រូវរងនៅទោស៖
១ ច្បាប់ស្ដីពីគយ មាត្រា៧៤ បទល្មើសប៉ះពាល់ដល់ពន្ធ ឬអាករ នៃទំនិញពុំជាប់អាយ័ត ឬកម្រិតកំណត់ ត្រូវរងទោសរដ្ឋបាល វិន័យជាប្រាក់ ស្មើនឹង ១ដង ទៅ ៣ដង នៃប្រាក់ពន្ធ និងអាករ ដែលបានគេចវេះ និងត្រូវរងទោសទណ្ឌ តាមផ្លូវតុលាការ ដោយត្រូវអូសទំនិញ មធ្យោបាយដឹកជញ្ជូន និងវត្ថុផ្សេងៗ ដែលប្រើប្រាស់លាក់កំបាំង ទំនិញល្មើស ឬត្រូវផ្ដន្ទាទោសដាក់ពន្ធនាគារពី ១ ខែទៅ ១ឆ្នាំ ឬទោសណាមួយនៃទោសទាំង២។
![](https://www.kampucheathmey.com/wp-content/uploads/2024/06/photo_2024-06-23_13-45-55.jpg)
មាត្រា៧៥ បទល្មើសប៉ះពាល់ដល់ពន្ធ អាករ នៃទំនិញជាប់ អាយ័ត ឬកម្រិត កំណត់ត្រូវរងទោសរដ្ឋបាលពិន័យជាប្រាក់រហូតដល់ ៣ដង នៃតម្លៃទំនិញ និងមធ្យោបាយដឹកជញ្ជូន និងត្រូវរងទោសទណ្ឌ តាមផ្លូវតុលាការ ដោយរឹបអូសទំនិញមធ្យោបាយដឹកជញ្ជូន និងវត្ថុតាងទៀត ដែលប្រើប្រាស់ សម្រាប់លាក់បាំងទំនិញល្មើស ឬត្រូវផ្តន្ទាទោសដាក់ពន្ធនាគារ ពី១ ឆ្នាំ ដល់ ៥ ឆ្នាំ ឬទោសណាមួយ នៃទោសទាំង២។
ខិតប័ណ្ណនោះបានសរសេរបន្តថា ទោសក្រមព្រហ្មទណ្ឌ នៃព្រះរាជាណាចក្រកម្ពុជា ក្នុងមាត្រា ៥ ៣ ៣ បទលុបបំបាត់ភស្តុតាង និង មាត្រា ៥៤០ បទប្រើប្រាស់អត្តសញ្ញាណរបស់អ្នកដទៃ ត្រូវផ្តន្ទាទោសដាក់ពន្ធនាគារពី ១ ឆ្នាំទៅ ៣ ឆ្នាំ និងវិន័យជាប្រាក់ ២ លានទៅ ៦ លានរៀល មាត្រា ៦ ២ ៩ បទក្លែងបន្លំឯកសារសាធារណៈ ត្រូវផ្ដន្ទាទោសដាក់ពន្ធនាគារពី ៥ ឆ្នាំទៅ ១០ ឆ្នាំ មាត្រា ៦ ៣ ០ បទល្មើសប្រើប្រាស់ឯកសារសាធារណៈក្លែងក្លាយ ត្រូវផ្ដន្ទាទោសដាក់ពន្ធនាគារ ២ ឆ្នាំទៅ ៥ ឆ្នាំ និងពិន័យជាប្រាក់ ៤ លានរៀលទៅ ១០ លានរៀល។
![](https://www.kampucheathmey.com/wp-content/uploads/2024/06/photo_2024-06-23_13-45-56-2-1024x768.jpg)
គួរបញ្ជាក់ថា មន្ត្រីគយទាំង ៣នាក់នោះ ចុះចែកខិតប័ណ្ណដល់ម្ចាស់ហាងធំៗ មានហាងលក់ទំនិញ ហាងលក់ទូរស័ព្ឌ ក្នុងខេត្តបន្ទាយមានជ័យនោះ បានតិចតួចបំផុត ប្រញាប់ប្រញាល់ទៅកន្លែងវិញ ដោយមិនបានផ្ដល់បទសម្ភាសបន្ថែមទេ៕
អត្ថបទ៖ វ៉ាន់ ណាង
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក