សេដ្ឋកិច្ច
សហជីពឥណ្ឌូណេស៊ី ព្រមានពីការដួលរលំនៃវិស័យវាយនភ័ណ្ឌ ដោយសារការបញ្ឈប់កម្មករច្រើន និងការបិទរោងចក្រ
ប្រធានសហព័ន្ធសហជីពឥណ្ឌូណេស៊ី (KSPN) លោក Ristadi បានប្រកាសថា កម្មករផ្នែកវាយនភណ្ឌ និងផលិតផលវាយនភណ្ឌរាប់ម៉ឺននាក់របស់ឥណ្ឌូណេស៊ី ត្រូវបានបញ្ឈប់ពីការងារក្នុងឆ្នាំនេះ ដោយសារតែភាពចុះដុនដាបអាចនឹងដួលរលំនៃវិស័យនេះ។ នេះបើតាមការចុះផ្សាយបន្តរបស់កាសែត Jakarta Globe។
![](https://www.kampucheathmey.com/wp-content/uploads/2024/06/Indonesias-Textile-Workers-1024x614.jpg)
លោក Ristadi បានប្រាប់សារព័ត៌មានក្នុងស្រុក Beritasatu.com កាលពីថ្ងៃអាទិត្យថា៖ «វិស័យឧស្សាហកម្មវាយនភណ្ឌ និងផលិតផលវាយនភណ្ឌ កំពុងស្ថិតក្នុងស្ថានភាពដុនដាប ជាពិសេសរោងចក្រក្នុងស្រុក ដោយសារទីផ្សារក្នុងស្រុកត្រូវបានជន់លិចដោយទំនិញនាំចូល។ សម្លៀកបំពាក់ វាយនភ័ណ្ឌ និងស្បែកជើងពីបរទេស នៅតែបន្តជន់លិចទីផ្សារក្នុងស្រុករបស់យើង»។
យោងតាម KSPN ចាប់តាំងពីដើមឆ្នាំ ២០២៤ មក កម្មករចំនួន ១៣ ៨០០ នាក់ក្នុងឧស្សាហកម្មវាយនភណ្ឌរបស់ប្រទេសឥណ្ឌូណេស៊ី ត្រូវបានបញ្ឈប់ដោយសារតែការបញ្ជាទិញធ្លាក់ចុះ ដោយក្រុមហ៊ុនមួយចំនួនថែមទាំងផ្អាកប្រតិបត្តិការទាំងស្រុងទៀតផង។ បច្ចុប្បន្ននេះ មានតែឧស្សាហកម្មវាយនភ័ណ្ឌដែលតម្រង់ទិសសម្រាប់ការនាំចេញប៉ុណ្ណោះ ដែលបន្តប្រតិបត្តិការរបស់ខ្លួន។
យ៉ាងណាមិញ លោក Ristadi បានបន្ថែមថា ចំនួនកម្មករដែលរងការបញ្ឈប់ពិតប្រាកដគឺ ៥០ ០០០ នាក់ ប៉ុន្តែ ក្រុមហ៊ុនជាច្រើនមិនចង់បង្ហាញឈ្មោះពាក់ព័ន្ធនឹងបញ្ហានេះ ដើម្បីរក្សាការជឿទុកចិត្តពីធនាគារ និងអ្នកទិញ។ លោកគូសបញ្ជាក់ថា ប្រសិនបើក្រុមហ៊ុនទាំងនោះបង្ហាញថា ខ្លួនបញ្ឈប់កម្មករ នោះអ្នកទិញអាចនឹងលុបចោលការបញ្ជាទិញរបស់ខ្លួន ហើយប្ដូរទៅរកក្រុមហ៊ុនផ្សេងៗទៀត។
![](https://www.kampucheathmey.com/wp-content/uploads/2024/06/Indonesia-Textile-sales-in-the-market-1024x614.jpg)
មន្រ្តី KSPN ដដែលគូសបញ្ជាក់ថា ការបញ្ឈប់កម្មករភាគច្រើនកើតឡើងនៅខេត្តជ្វាខាងលិច និងជ្វាកណ្តាល ដែលបណ្ដុំទៅដោយរោងចក្រឧស្សាហកម្មវាយនភ័ណ្ឌ។
គួរគូសបញ្ជាក់ថា រលកនៃការបិទរោងចក្រវាយនភ័ណ្ឌឥណ្ឌូណេស៊ីកើតឡើង ក្រោយឥណ្ឌូណេស៊ីធ្វើវិសោធនកម្ម បន្ធូរបន្ថយបទបញ្ជារដ្ឋមន្ត្រីពាណិជ្ជកម្ម ទាក់ទងនឹងគោលនយោបាយ និងបទប្បញ្ញត្តិនាំចូល ដែលបង្កឱ្យសម្លៀកបំពាក់នាំចូលជន់លិចទីផ្សារក្នុងស្រុក។
លោក Ristadi ព្រមានថា៖ «ប្រសិនបើបញ្ហានេះនៅតែបន្ត មិនយូរមិនឆាប់ ឧស្សាហកម្មវាយនភណ្ឌក្នុងស្រុក នឹងមិនអាចប្រកួតប្រជែងជាមួយផលិតផលវាយនភ័ណ្ឌបរទេសបានទេ ដោយសារតម្លៃរបស់គេថោកជាង»។ លោកបន្ថែមថា រដ្ឋាភិបាលឥណ្ឌូណេស៊ីត្រូវតែកំណត់ការនាំចូល ព្រោះ «បើនិយាយពីបច្ចេកវិទ្យា និងធនធានមនុស្ស ឥណ្ឌូណេស៊ីមានសមត្ថភាពផលិតរួចហើយ» បែបនេះហើយគួរតែនាំចូលវត្ថុធាតុដើមដែលឥណ្ឌូណេស៊ីមិនអាចផលិតបាន៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ