សេដ្ឋកិច្ច
កាណាដាចង់ដើរតាមគន្លងសម្ព័ន្ធមិត្ត ដោយពិចារណាបន្ថែមពន្ធលើរថយន្តអគ្គិសនីចិន
ទីភ្នាក់ងារសារព័ត៌មាន AP បានរាយការណ៍ថា រដ្ឋាភិបាលកាណាដាកំពុងពិចារណាដាក់ «ពន្ធបន្ថែមលើពន្ធដែលមានស្រាប់» លើរថយន្តអគ្គិសនីនាំចូលពីប្រទេសចិន ក្នុងជំហានមួយដែលស្របតាមសម្ព័ន្ធមិត្តលោកខាងលិច រួមមានសហរដ្ឋអាមេរិក និងសហភាពអឺរ៉ុប។
ការពិភាក្សារយៈពេល១ខែលើបញ្ហានេះ នឹងចាប់ផ្តើមនៅថ្ងៃទី ២ ខែកក្កដា ដោយឧបនាយករដ្ឋមន្ត្រីកាណាដា លោកស្រី Chrystia Freeland បានថ្លែងកាលពីថ្ងៃចន្ទថា វាជាកិច្ចខិតខំប្រឹងប្រែង ទប់ទល់កុំឱ្យក្រុមហ៊ុនចិនបង្កើនការផ្គត់ផ្គង់លើសកម្រិតសកល។
ជំហានបែបនេះ ធ្វើឡើងប៉ុន្មានសប្តាហ៍បន្ទាប់ពីទាំងសហរដ្ឋអាមេរិក និងគណៈកម្មការអឺរ៉ុប បានប្រកាសពីផែនការដាក់ពន្ធនាំចូលខ្ពស់លើរថយន្តអគ្គិសនីរបស់ចិន ដើម្បីការពារក្រុមហ៊ុនក្នុងស្រុក និងលំហូរទីផ្សារស្មើភាពគ្នា។
លោកស្រី Freeland បានថ្លែងថា៖ «វិស័យរថយន្តរបស់យើង បង្កើតការងារដែលផ្ដល់ប្រាក់ខែសមរម្យជិត ៥៥០ ០០០ នៅប្រទេសកាណាដា ។ កម្មករកាណាដា និងវិស័យរថយន្ត កំពុងប្រឈមមុខនឹងការប្រកួតប្រជែងមិនស្មើភាពពីគោលនយោបាយផ្គត់ផ្គង់លើសចំណុះដឹកនាំដោយរដ្ឋចិន ដែលកំពុងធ្វើឱ្យខូចសមត្ថភាពវិស័យរថយន្តអគ្គិសនីរបស់កាណាដា ក្នុងការប្រកួតប្រជែងក្នុងទីផ្សារក្នុងស្រុក និងពិភពលោក»។
ការពិភាក្សាគ្នា នឹងស្វែងយល់ពីកត្តាដែលជំរុញឱ្យការនាំចេញរថយន្តអគ្គិសនីរបស់ប្រទេសចិនកើនឡើង រួមទាំងការអនុវត្តទីផ្សារមិនយុត្តិធម៌ ក៏ដូចជាស្តង់ដារការងារ និងបរិស្ថានផងដែរ។
បន្ថែមពីលើការបន្ថែមពន្ធពីលើពន្ធដែលមានស្រាប់ ការពិភាក្សានឹងក៏នឹងពិនិត្យមើលថាតើត្រូវពង្រីកការរឹតបន្តឹងការវិនិយោគនៅក្នុងប្រទេសកាណាដាដែរ ឬយ៉ាងណា។
បច្ចុប្បន្ន រថយន្តអគ្គិសនីរបស់ក្រុមហ៊ុនអាមេរិក Tesla ដែលផលិតនៅចិន(រោងចក្រនៅក្រុងសៀងហៃ)តែមួយគត់ ដែលនាំចូលទៅប្រទេសកាណាដា។ គ្មានរថយន្តអគ្គិសនីម៉ាករបស់ចិនផ្ទាល់លក់ ឬនាំចូលក្នុងទីផ្សារកាណាដានោះទេ។
លោកស្រី Freeland បានគូសបញ្ជាក់ថា កាណាដានឹងធ្វើសកម្មភាពស្របជាមួយសម្ព័ន្ធមិត្តរបស់ខ្លួនរួមមានសហរដ្ឋអាមេរិក និងសហភាពអឺរ៉ុប។ លោកស្រីបន្តថា អាមេរិកខាងជើងមានវិស័យរថយន្តរួមបញ្ចូលគ្នា ហើយរដ្ឋាភិបាលកាណាដានឹងធានាថា ប្រទេសរបស់ខ្លួនមិនក្លាយជាកន្លែងលក់បង្ខូចតម្លៃសម្រាប់ចិននោះទេ៕
ស្អែកសម្ដេចធិបតីអញ្ជើញបើកការដ្ឋានសង់មន្ទីរពេទ្យសាកលវិទ្យាល័យតម្លៃជាង៦៦លានដុល្លារមានសមត្ថភាពទទួលអ្នកជំងឺសម្រាក២០០គ្រែ
កិច្ចពិភាក្សាចាក់បញ្ចាំងភាពយន្តឯកសារ”កំណប់ប្រទេសចិន”សម្រាប់ឆ្នាំ នៃការផ្លាស់ប្ដូរប្រជាជន និងប្រជាជនកម្ពុជា-ចិន
កូនដំរីព្រៃ រងរបួសដោយសារអន្ទាក់ រត់រកជំនួយពីមន្ត្រីឧទ្យានុរក្ស នៅមណ្ឌលគិរី
អ្នកការទូតចាស់វស្សា លោក កែវ ឈា ក្លាយជាតំណាងអចិន្ត្រៃយ៍កម្ពុជានៅអង្គការសហប្រជាជាតិ
សម្តេច ម៉ែន សំអន ថ្លែងអំណរគុណចំពោះបេសកកម្មប្រកបដោយជោគជ័យរបស់ ឯកអគ្គរដ្ឋទូតវៀតណាមនៅកម្ពុជា
តារាចម្រៀងម្នាក់ស្លាប់ ក្រោយចូលម៉ាស្សា៣ដងនៅហាងមួយក្នុងប្រទេស ថៃ
មួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
ដឹងហើយ ទីតាំងលាក់ខ្លួនរបស់ប្រធានាធិបតីស៊ីរី លោក Bashar al-Assad
ឡាវ លក់សំបុត្រទស្សនា AFF Cup មានតម្លៃទាបជាងគេនៅអាស៊ាន
«ប្រតិបត្តិការផ្លេកបន្ទោរ» ក្រុមឧទ្ទាមវាយផ្តួលរំលំរដ្ឋាភិបាលលោក Assad យ៉ាងស្រួល ហេតុអ្វី?
-
វប្បធម៌ ជំនឿ៤ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៤ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ៤ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
សន្តិសុខសង្គម១ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ព័ត៌មានអន្ដរជាតិ៥ ថ្ងៃ agoទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
-
ព័ត៌មានជាតិ១ សប្តាហ៍ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
ជីវិតកម្សាន្ដ៥ ថ្ងៃ agoកូនស្រីអតីតកីឡាករបាល់ទាត់ Franck បង្ហោះរូបស្រាត ផ្គើននឹងការព្រមានឪពុក
-
សន្តិសុខសង្គម១ សប្តាហ៍ agoថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់