សេដ្ឋកិច្ច
វៀតណាមចង់ឱ្យចិនក្លាយជាដៃគូក្នុងគម្រោងហេដ្ឋារចនាសម្ព័ន្ធសំខាន់ៗ
នាយករដ្ឋមន្ត្រីវៀតណាម លោក ផាម មិញ ឈិញ កាលពីថ្ងៃពុធ បានប្រាប់ប្រធានាធិបតីចិន លោក ស៊ី ជិនពីង ប្រទេសទាំង២គួរតែក្លាយជាដៃគូក្នុងគម្រោងហេដ្ឋារចនាសម្ព័ន្ធដឹកជញ្ជូនសំខាន់ៗប្រកបដោយនិរន្តរភាព។ នេះបើតាមការចុះផ្សាយរបស់កាសែត VnExpress។
![](https://www.kampucheathmey.com/wp-content/uploads/2024/06/Vietnam-and-China-leaders-1-1024x614.jpg)
លោក ឈិញ បង្ហាញឆន្ទៈវៀតណាមយ៉ាងដូច្នេះ ក្នុងជំនួបនៅវិមានសាលប្រជុំប្រជាជនក្រុងប៉េកាំង ជាមួយលោក ស៊ី ដោយលោកនិយាយថា ភាគីទាំង២គួរតែសហការលើការកសាងគម្រោងហេដ្ឋារចនាសម្ព័ន្ធធំៗ និងបែបនិមិត្តរូប ដែលមានប្រយោជន៍ជាក់ស្តែង។
នាយករដ្ឋមន្រ្តីដដែល បន្តថា ប្រទេសទាំង២គួរតែបង្កើនការតភ្ជាប់ការដឹកជញ្ជូនតាមរយៈផ្លូវដែក ផ្លូវថ្នល់ និងច្រកព្រំដែន ក្រោមក្របខ័ណ្ឌ «ច្រករបៀង២ ខ្សែក្រវ៉ាត់១» ដែលជាផ្នែកមួយ នៃគំនិតផ្តួចផ្តើមខ្សែក្រវ៉ាត់ និងផ្លូវ របស់រដ្ឋាភិបាលចិន។
លើសពីនេះ លោក Chinh ក៏បានស្នើផងដែរ ឱ្យចិនជួយសម្រួលដល់ការនាំចេញផលិតផលសំខាន់ៗរបស់វៀតណាម ដូចជា ទុរេនកក ដូងស្រស់ និងអង្ករ ហើយបង្កើតលក្ខខណ្ឌអំណោយផល សម្រាប់ទំនិញវៀតណាមក្នុងការដឹកជញ្ជូនឆ្លងកាត់ចិនទៅកាន់អាស៊ីកណ្តាល និងអឺរ៉ុប។
![](https://www.kampucheathmey.com/wp-content/uploads/2024/06/Vietnam-Infrastructure-1024x614.jpg)
ចំណែកឯលោក ស៊ី វិញ បានថ្លែងថា ចិនវាយតម្លៃខ្ពស់ និងផ្តល់អាទិភាពដល់ទំនាក់ទំនងរបស់ខ្លួនជាមួយវៀតណាម ដែលជាផ្នែកមួយនៃគោលនយោបាយការទូតជាមួយប្រទេសជិតខាង។ លោកបានសង្កត់ធ្ងន់ថា ភាគីទាំង២ត្រូវបង្កើនការជឿទុកចិត្តផ្នែកនយោបាយ អនុវត្តការផ្លាស់ប្តូរគ្នាកម្រិតខ្ពស់ជាប្រចាំ និងពង្រឹងកិច្ចសហប្រតិបត្តិការរវាងក្រសួងសំខាន់ៗដូចជា កិច្ចការបរទេស ការពារជាតិ និងសន្តិសុខសាធារណៈជាដើម។
លោក ស៊ី បានបញ្ជាក់ថា ប្រទេសចិនគាំទ្រវៀតណាមក្នុងការពន្លឿនឧស្សាហូបនីយកម្ម និងទំនើបកម្ម និងក្នុងការកសាងខ្សែសង្វាក់ផ្គត់ផ្គង់ និងផលិតកម្ម ប្រកបដោយនិរន្តរភាពក្នុងតំបន់ និងសកលលោក។លោកបន្ថែមថា កំណែទម្រង់គ្រប់ជ្រុងជ្រោយកំពុងបន្តរបស់ចិន និងការអភិវឌ្ឍថាមពលផលិតកម្មប្រកបដោយគុណភាពថ្មី នឹងផ្តល់ឱកាសសម្រាប់កិច្ចសហប្រតិបត្តិការទ្វេភាគីក្នុងវិស័យពាណិជ្ជកម្ម ការតភ្ជាប់ការដឹកជញ្ជូន និងសេដ្ឋកិច្ចឌីជីថល។
គួរគូសបញ្ជាក់ថា រដ្ឋាភិបាលចិនជួយដល់អាជីវកម្មចិនក្នុងការបង្កើនការវិនិយោគនៅវៀតណាម ជាពិសេសក្នុងឧស្សាហកម្មបច្ចេកវិទ្យាទំនើបៗ។ ប្រទេសដែលមានវិវាទដែនទឹកនៅសមុទ្រចិនខាងត្បូងទាំង២ ក៏បានព្រមព្រៀងរួមគ្នាផងដែរ ក្នុងការគ្រប់គ្រង និងដោះស្រាយការខ្វែងគំនិតគ្នាដែនសមុទ្រ ដោយផ្តោតលើការរក្សាសន្តិភាព និងស្ថិរភាព៕
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ