ប្រាសាទអង្គរវត្ត ជាប់ចំណាត់ថ្នាក់ជាគោលដៅទាក់ទាញទេសចរណ៍ល្អបំផុត លំដាប់ទី ១២ លើពិភពលោក

TripAdvisor​’s Traveler Choice Awards បានចាត់ថ្នាក់ ប្រាសាទអង្គរវត្ត ជាប់ចំណាត់ថ្នាក់ជាគោលដៅទាក់ទាញទេសចរណ៍ល្អបំផុត លំដាប់ទី ១២ លើពិភពលោក​។

ប្រាសាទបុរាណរបស់កម្ពុជា បានធ្វើឱ្យអ្នកធ្វើដំណើរមកពីជុំវិញពិភពលោកមានការងឿងឆ្ងល់ជាមួយនឹងស្ថាបត្យកម្មដ៏អស្ចារ្យ ចម្លាក់ដ៏ប្រណិត និងប្រវត្តិសាស្រ្តដ៏សម្បូរបែប។​​ នេះបើយោងតាមក្រសួងទេចរណ៍។

ប្រាសាទអង្គរវត្ត​ទទួលបានភ្ញៀវទេសចរបរទេសចំនួន ៣៤៧.៥៣៤នាក់ ក្នុងត្រីមាសទី១ ឆ្នាំ២០២៤ ដែលកើនឡើង ៤៧% ពីចំនួន ២៣៦.៣៤១នាក់ ក្នុងរយៈពេលដូចគ្នាកាលពីឆ្នាំមុន។បើយោងតាមសេចក្តីប្រកាសព័ត៌មានរបស់សហគ្រាសអង្គរចេញផ្សាយកន្លងមក។

 ស្ថាប័នដដែលបានឱ្យដឹងថា រមណីយដ្ឋានមួយនេះរកចំណូលបាន ១៦.៥លានដុល្លារ ពីការលក់សំបុត្រក្នុងអំឡុងខែមករាដល់ខែមីនាឆ្នាំនេះ ពោលគឺកើនឡើង ៤៧% ពី ១១.១ លានដុល្លារក្នុងរយៈពេលដូចគ្នាកាលពីឆ្នាំមុន៕