សេដ្ឋកិច្ច
ទីផ្សាររថយន្តថៃទន់ខ្សោយខ្លាំង ដោយការលក់ធ្លាក់ចុះរហូតដល់ជិត ២៤ ភាគរយ ៥ ខែដើមឆ្នាំ
ទីផ្សាររថយន្តរបស់ប្រទេសថៃ ស្ថិតក្នុងស្ថានភាពដុនដាបខ្លាំង ដោយការលក់ចន្លោះខែមករា ដល់ខែឧសភា បានធ្លាក់រហូតដល់ ២៣,៨ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់កាសែត The Nation ដែលថា ការលក់រថយន្ត៥ខែដើមឆ្នាំនេះ បានត្រឹមតែ ២៦០ ៣៦៥ គ្រឿងប៉ុណ្ណោះ។
រថយន្តពាណិជ្ជកម្ម ដូចជារថយន្តភីកអាប់ និងរថយន្ត PPVs បានជួបប្រទះនឹងការធ្លាក់ចុះដ៏ធំបំផុតក្នុងការលក់ ដោយបានធ្លាក់ចុះ ៤១ ភាគរយ ធៀបនឹងឆ្នាំមុន។ ទោះជាយ៉ាងណាក៏ដោយ ការលក់រថយន្តអគ្គិសនី (EV) នៅតែបន្តកើនឡើង។
នាយករងគ្រប់គ្រងក្រុមហ៊ុន Toyota Motor Thailand លោក Supakorn Rattanawaraha បាននិយាយថា ទីផ្សាររថយន្តក្នុងខែមិថុនា រំពឹងថានឹងមានភាពប្រសើរឡើង បើធៀបនឹងខែឧសភា។ ប៉ុន្តែ វាទំនងជានឹងធ្លាក់ចុះ បើធៀបនឹងរយៈពេលដូចគ្នាកាលពីឆ្នាំមុន ដោយសារស្ថានភាពសេដ្ឋកិច្ចទាំងមូល ការងើបឡើងវិញយឺតនៃទំនុកចិត្តអ្នកប្រើប្រាស់ និងអត្រាបដិសេធឥណទានខ្ពស់។
សហព័ន្ធឧស្សាហកម្មថៃ (FTI) បានបង្ហាញថា ការរឹតបន្តឹងគោលនយោបាយឥណទានដោយធនាគារបានប៉ះពាល់ដល់ការលក់រថយន្តថ្មី។
ទីប្រឹក្សាប្រធានក្រុមឧស្សាហកម្មរថយន្ត និងជាអ្នកនាំពាក្យនៃក្រុមឧស្សាហកម្មរថយន្តនៅ FTI លោក Surapong Paisitpatanapong បានពន្យល់ថា កត្តាចម្បងនៅពីក្រោយការធ្លាក់ចុះនៃការលក់រថយន្តថ្មីគឺគោលនយោបាយតឹងរ៉ឹងរបស់ស្ថាប័នហិរញ្ញវត្ថុក្នុងការអនុម័តប្រាក់កម្ចី ដោយសារតែកម្រិតបំណុលគ្រួសារខ្ពស់ និងកំណើនសេដ្ឋកិច្ចក្នុងស្រុកយឺតយ៉ាវជាដើម។ ស្ថានភាពនេះ បាននាំឱ្យមានការកាត់បន្ថយការវិនិយោគរបស់រដ្ឋាភិបាល ដោយសន្ទស្សន៍ផលិតកម្មឧស្សាហកម្មបានធ្លាក់ចុះអស់រយៈពេលជាង ១០ ខែជាប់ៗគ្នា។ រោងចក្រជាច្រើន បានកាត់បន្ថយម៉ោងធ្វើការ ហើយបុគ្គលិករាប់ម៉ឺននាក់ត្រូវបានបញ្ឈប់ពីការងារ ដែលនាំឱ្យបាត់បង់ប្រាក់ចំណូល។ អាស្រ័យហេតុនេះ ប្រជាជនមានការប្រុងប្រយ័ត្នចំពោះការចំណាយរបស់ពួកគេ ដោយសារភាពមិនច្បាស់លាស់នៃប្រាក់ចំណូល រួមជាមួយនឹងការកើនឡើងនៃថ្លៃម្ហូបអាហារ ការដឹកជញ្ជូន និងថាមពលជាដើម៕
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា