ព័ត៌មានអន្ដរជាតិ
របាយការណ៍៖ បណ្ដាប្រទេសអាស៊ីអាគ្នេយ៍មានលំហូរវិនិយោគផ្ទាល់ពីបរទេសយ៉ាងរឹងមាំ
បណ្ដាប្រទេសនៅអាស៊ីអាគ្នេយ៍ បានក្លាយជាជម្រើសកំពូលសម្រាប់ក្រុមហ៊ុននានា រួមទាំងក្រុមហ៊ុនចិន ដែលកំពុងស្វែងរកការធ្វើពិពិធកម្មផលិតកម្មចេញពីចិន ចំពេលមានភាពតានតឹងពាណិជ្ជកម្ម និងភូមិសាស្រ្តនយោបាយកាន់តែខ្លាំងឡើងរវាងទីក្រុងវ៉ាស៊ីនតោន និងទីក្រុងប៉េកាំង។
ការណ៍នេះ បានធ្វើឱ្យលំហូរវិនិយោគដោយផ្ទាល់ពីបរទេសចូលទៅក្នុងតំបន់ មានភាពរឹងមាំ។ បណ្ដាញទូរទស្សន៍អាមេរិក CNBC បានចុះផ្សាយដោយស្រង់សម្ដីលោក Kuo-Yi Lim សហស្ថាបនិក និងជាដៃគូគ្រប់គ្រងនៃក្រុមហ៊ុនមូលធនបណ្តាក់ទុនអាស៊ីអាគ្នេយ៍ Monk’s Hill Ventures ដែលបាននិយាយថា អាស៊ីអាគ្នេយ៍មានទីតាំងល្អក្នុងការទទួលបានអត្ថប្រយោជន៍យ៉ាងសំខាន់ពីបាតុភូត «ចិនបូក១» ខណៈដែលក្រុមហ៊ុនបរទេស និងចិនធ្វើពិពិធកម្មសង្វាក់ផ្គត់ផ្គង់ និងប្រតិបត្តិការរបស់ពួកគេ។ នេះបើតាមការចុះផ្សាយបន្តរបស់កាសែតវៀតណាម Việt Nam News។
យុទ្ធសាស្ត្រ «ចិនបូក១» ស្វែងរកការកាត់បន្ថយហានិភ័យដែលទាក់ទងនឹងការពឹងផ្អែកទាំងស្រុងលើទីផ្សារ ឬសង្វាក់ផ្គត់ផ្គង់ចិន តាមរយៈការធ្វើពិពិធកម្មប្រតិបត្តិការផលិតកម្ម និងការពង្រីកទៅកាន់ប្រទេសផ្សេងទៀត ទោះបីជាក្រុមហ៊ុនរក្សាវត្តមាននៅក្នុងប្រទេសចិនក៏ដោយ។
យុទ្ធសាស្រ្តនេះ បានជំរុញឱ្យមានការវិនិយោគកាន់តែច្រើននៅក្នុងប្លុកអាស៊ីអាគ្នេយ៍។ អ្នកសេដ្ឋកិច្ចរបស់សាជីវកម្មសេវាកម្មហិរញ្ញវត្ថុ OCBC បាននិយាយក្នុងរបាយការណ៍ចេញផ្សាយកាលពីខែឧសភាថា ការវិនិយោគផ្ទាល់ពីបរទេសទៅបណ្ដាប្រទេសនៅអាស៊ីអាគ្នេយ៍ដូចជាឥណ្ឌូណេស៊ី ម៉ាឡេស៊ី ហ្វីលីពីន ថៃ សិង្ហបុរី និងវៀតណាម បានកើនឡើងដល់ ២៣៦ ប៊ីលានដុល្លារក្នុងឆ្នាំ ២០២៣ បើធៀបនឹងចំនួនជាមធ្យមប្រចាំឆ្នាំចំនួន ១៩០ ប៊ីលានដុល្លារនៅចន្លោះឆ្នាំ ២០២០ និង ២០២២។
របាយការណ៍បាននិយាយថា លំហូរចូលភាគច្រើនបានមកពីសហរដ្ឋអាមេរិក ជប៉ុន សហភាពអឺរ៉ុប ចិនដីគោក និងហុងកុង។
ក្នុងចំណោមបណ្ដាប្រទេសធំៗក្នុងតំបន់ដែលទទួលបានការវិនិយោគផ្ទាល់ពីបរទេស វៀតណាមបានក្លាយជាទីតាំងផលិតដ៏សំខាន់សម្រាប់ក្រុមហ៊ុន Apple ខណៈក្រុមហ៊ុនបច្ចេកវិទ្យាយក្សអាមេរិកមួយនេះ ព្យាយាមធ្វើពិពិធកម្មងាកចេញពីចិន។ ទន្ទឹមនឹងនេះ វៀតណាមជាមជ្ឈមណ្ឌលស្រាវជ្រាវ និងអភិវឌ្ឍន៍ដ៏សំខាន់សម្រាប់ក្រុមហ៊ុន Samsung ក៏ដូចជាមូលដ្ឋានផលិតកម្ម និងការនាំចេញសម្រាប់ស្មាតហ្វូនរបស់ក្រុមហ៊ុននេះ៕
អគ្គស្នងការរង ណែនាំឱ្យបង្ក្រាបការផ្សាយល្បែងអនឡាញគ្រប់ប្រភេទតាមសារតាមទូរស័ព្ទ និងបណ្ដាញសង្គម
លោក ឃួង ស្រេង សូមឱ្យពលរដ្ឋជឿជាក់លើការដឹកនាំរបស់សម្តេចតេជោ និងសម្ដេចធិបតី
អ្នកនាំពាក្យ៖ ធម្មនុញ្ញវិជ្ជាជីវៈសារព័ត៌មានកំពុងត្រូវបានអនុវត្តយ៉ាងពេញលេញសម្រាប់ការងារ និងតម្រូវការប្រចាំថ្ងៃ
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
៦ខេត្តរបស់ថៃ នៅតែរងគ្រោះ ដោយទឹកជំនន់
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា