សេដ្ឋកិច្ច
កម្ពុជាកំពុងសិក្សាបង្កើតផ្សារបោះដុំមួយទៀត ជំរុញផលិតផលខ្មែរទៅកាន់ទីផ្សារអន្តរជាតិ
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍នៅក្នុងកម្មវិធីទិវាមច្ឆជាតិ ០១ កក្កដា ឆ្នាំ ២០២៤ថា កម្ពុជាកំពុងសិក្សាបង្កើតផ្សារបោះដុំថ្មីមួយទៀត នៅរាជធានីភ្នំពេញដើម្បីជំរុញការនាំចេញផលិតផលខ្មែរទៅកាន់ទីផ្សារអន្តរជាតិ។

អ្នកឧកញ៉ា លឹម ហេង ប្រធានស្តីទីសភាពាណិជ្ជកម្មកម្ពុជា បានលើកឡើងថា ប្រសិនបើកម្ពុជាមានផ្សារបោះដុំបន្ថែមទៀតវាជារឿងល្អ សម្រាប់អ្នកវិនិយោគក្នុងស្រុក និងបរទេសដែល អាចភ្ជាប់ទំនាក់ទំនងជាមួយផ្សារក្នុងការនាំចេញទៅទីផ្សារអន្តរជាតិ។
អ្នកឧកញ៉ា លឹម ហេង បានបង្ហើបថា ផ្សារបោះដុំផលិតផលខ្មែរដែលរាជរដ្ឋាភិបាលកំពុងសិក្សានេះ ទំនងមានទំហំប្រហាក់ប្រហែលនឹងមជ្ឈមណ្ឌលពាណិជ្ជកម្មអាស៊ាន-អន្តរជាតិ ឬផ្សារដើមគរថ្មី ស្ថិត នៅបឹងតាមោក ក្នុងសង្កាត់គោករកា ខណ្ឌព្រែកព្នៅ លើផ្ទៃដី ២០ហិកតា ដែលត្រូវបានសម្ពោធដាក់ឱ្យដំណើរការហើយកាលពីថ្ងៃទី ២៧ ខែមេសា ឆ្នាំ ២០២៤នេះ។

អ្នកឧកញ៉ា លឹម ហេង យល់ឃើញថា បច្ចុប្បន្នកសិផលកម្ពុជា មានថ្លៃដើមខ្ពស់ដោយសារមិនមាននិរន្តរភាព បើយើងមាននិរន្តភាពក្នុងការផ្គត់ផ្គង់ទីផ្សារ នោះយើងអាចផលិតបានថ្លៃដើមទាបហើយ ហើយថា បើមានផ្សារបោះដុំនេះ នឹងមានសហគ្រាសធុន តូច មធ្យម ដែលនឹងត្រូវចាប់ផ្ដើមផលិតកម្មវេចខ្ចប់ ដែលភាគច្រើនគឺជាផលិតផលកសិកម្ម ដែលកែច្នៃរួចហើយ។
លោក លឹម ហេង៖ «ទីផ្សារបោះដុំយើងអាចនឹងមានអង្ករ កៅស៊ូ ស្វាយចន្ទី ដំណាប់ស្វាយ និងឧស្សាហកម្មកែច្នៃមួយចំនួនទៀត ដែលអាចមានដល់រថយន្តផងដែរ»។

រាជរដ្ឋាភិបាលកម្ពុជាបានដាក់ចេញគោលនយោបាយជាបន្តបន្ទាប់ ក្នុងការជួយរកទីផ្សារ និងធានាតម្លៃឱ្យកសិករឱ្យបានកាន់តែច្រើន។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បង្ហាញថា នៅឆ្នាំ២០២៣ កម្ពុជាបាននាំចេញផលិតផលកសិកម្មបានជិត ៩ លានតោនទៅកាន់គោលដៅចំនួន៧៨ប្រទេស គិតជាទឹកប្រាក់ជិត ៥ ពាន់លានដុល្លារ៕

រូបភាពដើមគរថ្មី
អត្ថបទ៖ ឡេង ដេត

-
សន្តិសុខសង្គម៥ ថ្ងៃ ago
មនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម១ សប្តាហ៍ ago
យប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ៤ ថ្ងៃ ago
ខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ ago
មិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៤ ថ្ងៃ ago
រុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សន្តិសុខសង្គម១ សប្តាហ៍ ago
ខ្យល់កន្ត្រាក់ និងរន្ទះបាញ់ កើតឡើងលើស្រុកចំនួនពីរក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ ago
ខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ២ ថ្ងៃ ago
ត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក