ព័ត៌មានជាតិ
កម្ពុជាទទួលសិទ្ធិធ្វើជាសហប្រធានគណៈកម្មា ធិការការងារអភិវឌ្ឍន៍ទីផ្សារមូលធនអាស៊ាន រយៈពេល២ឆ្នាំ
និយ័តករមូលបត្រកម្ពុជា (ន.ម.ក.) បានទទួលធ្វើជាសហប្រធានគណៈកម្មាធិការការងារអភិវឌ្ឍន៍ទីផ្សារមូលធនអាស៊ាន (WC-CMD) ជាមួយអាជ្ញាធររូបិយវត្ថុសិង្ហបុរី (MAS) សម្រាប់អាណត្តិរយៈពេល ២ ឆ្នាំ ចាប់ពីខែកក្កដា ឆ្នាំ២០២៤ ដល់ខែមិថុនា ឆ្នាំក្នុងការចូលរួមដឹកនាំដើម្បីការអភិវឌ្ឍវិស័យមូលបត្រនៅក្នុងតំបន់។
![](https://www.kampucheathmey.com/wp-content/uploads/2024/07/Sou-Socheat2-1024x614.jpg)
យោងតាមសេចក្តីប្រកាសព័ត៌មានពី ន.ម.ក ការសម្រេចនេះត្រូវបានធ្វើឡើងកាលពីទី១ ខែកក្កដា ឆ្នាំ២០២៤ក្នុងកម្មវិធីកិច្ចប្រជុំផ្ទេរតំណែងសហប្រធាន WC-CMD តាមប្រព័ន្ធអនឡាញ។
ខណៈដែលកិច្ចប្រជុំនេះ មានគោលបំណងដើម្បីផ្ទេរការងារដែលនៅសេសសល់ ក៏ដូចជាផ្តល់នូវវឌ្ឍនភាពការងារ និងចែករំលែកបទពិសោធន៍នៃការរៀបចំកិច្ចប្រជុំ WC-CMD ដោយក្រសួងសេដ្ឋកិច្ចនិងហិរញ្ញវត្ថុព្រុយណេ (MOFE Brunei) និងគណៈកម្មការមូលបត្រហ្វីលីពីន (PSEC), សហប្រធាន WC-CMD ឆ្នាំ២០២២ ដល់ ខែមិថុនា ឆ្នាំ២០២៤, វិទ្យាស្ថានហិរញ្ញវត្ថុនិរន្តរភាពអាស៊ី (SFIA), ប្រធានក្រុមការងារក្រោមក្របខណ្ឌ WC-CMD ដែលមាន MAS ដែលជាប្រធានក្រុមការងារហិញ្ញវត្ថុនិរន្តរភាព, គណៈកម្មការមូលបត្រម៉ាឡេស៊ី ដែលជាប្រធានក្រុមការងារហិរញ្ញវត្ថុហេដ្ឋារចនាសម្ព័ន្ធ និងលេខាធិការដ្ឋានអាស៊ាន (ASEC)។
ថ្លែងក្នុងកិច្ចប្រជុំនោះលោកស៊ូ សុជាតិអគ្គនាយកនៃនិយ័តករមូលបត្រកម្ពុជាបានមានប្រសាសន៍ថាប្រទេសជាសមាជិកទាំងអស់អាចបង្កើតទីផ្សារមូលបត្រដែលមានភាពបត់បែន បរិយាបន្ន ភាពធន់ និងនិរន្តរភាព ដែលគាំទ្រដល់កំណើនសេដ្ឋកិច្ច និងការអភិវឌ្ឍប្រកបដោយនិរន្តភាពនៅទូទាំងអាស៊ាន។
លោកបានថ្លែងថា៖ «យើងប្តេជ្ញាធ្វើការយ៉ាងជិតស្និទ្ធជាមួយរដ្ឋជាសមាជិក និងភាគីពាក់ព័ន្ធទាំងអស់ ដើម្បីសម្រេចបាននូវគោលបំណងរួម»។
![](https://www.kampucheathmey.com/wp-content/uploads/2024/07/CSX1.jpg)
WC-CMD ត្រូវបានបង្កើតឡើងដោយកិច្ចប្រជុំរដ្ឋមន្ត្រីហិរញ្ញវត្ថុអាស៊ាន នៅទីក្រុងម៉ានីល ប្រទេសហ្វីលីពីន ក្នុងឆ្នាំ ២០០៣ ក្នុងគោលបំណង ដើម្បីកសាងសមត្ថភាព និងរៀបចំហេដ្ឋារចនាសម្ព័ន្ធសម្រាប់ការអភិវឌ្ឍទីផ្សារមូលធនអាស៊ាន ជាមួយនឹងគោលដៅរយៈពេលវែងក្នុងការសម្រេចបាននូវកិច្ចសហប្រតិបត្តិការឆ្លងដែននៃទីផ្សារមូលបត្រនៅក្នុងអាស៊ាន។
WC-CMD មានតួនាទីក្នុងការរាយការណ៍វឌ្ឍនភាពការងារនៅក្នុងកិច្ចប្រជុំអនុរដ្ឋមន្រ្តីហិរញ្ញវត្ថុនិងទេសាភិបាលរងធនាគារកណ្ដាលអាស៊ាន (AFCDM) តាមរយៈកិច្ចប្រជុំក្រុមការងារ AFCDM (AFCDM-WG) និងរាយការណ៍ទៅកាន់គណៈកម្មាធិការជាន់ខ្ពស់អាស៊ាន (SLC) ស្ដីពីកិច្ចប្រជុំសមាហរណកម្មហិរញ្ញវត្ថុ និងគណៈ-កម្មាធិការដឹកនាំសម្រាប់កិច្ចប្រជុំពង្រឹងសមត្ថភាព (SCCB)។
គិតមកត្រឹមថ្ងៃទី២៨ ខែឧសភា CSX មានក្រុមហ៊ុនចុះបញ្ជីចំនួ ២៣ ដែលរួមមានក្រុមហ៊ុនចំនួន១១បានចុះបញ្ជីជាភាគហ៊ុន និងក្រុមហ៊ុន១២ ទៀតបានចុះបញ្ជីជាសញ្ញាបណ្ណ និងបានប្រមូលទុនពីផ្សារមូលបត្រសរុបប្រមាណជា ៤០០លានដុល្លារអាមេរិក៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា