ព័ត៌មានអន្ដរជាតិ
អត្រាភាពក្រីក្ររបស់ឥណ្ឌូណេស៊ីធ្លាក់ចុះ នៅត្រឹម ២៥,២២ លាននាក់ក្នុងខែមីនា
ទីភ្នាក់ងារស្ថិតិកណ្តាលឥណ្ឌូណេស៊ី (BPS) បានរាយការណ៍ថា ចំនួនប្រជាជនដែលរស់នៅក្នុងភាពក្រីក្រគិតត្រឹមខែមីនា ឆ្នាំ ២០២៤ បានធ្លាក់ចុះមកនៅត្រឹម ២៥,២២ លាននាក់។ នេះបើតាមការចុះផ្សាយរបស់កាសែត Jakarta Globe។
ចំនួននេះ បង្ហាញពីការថយចុះប្រមាណ ៦៨០ ០០០ នាក់ ពោលគឺ ០,៣៣ ភាគរយ បើធៀបនឹងខែមីនា ឆ្នាំ ២០២៣ និងធ្លាក់ចុះប្រមាណ ១,១៤ លាននាក់ ឬ ០,៥៤ ភាគរយ ធៀបនឹងខែកញ្ញា ឆ្នាំ ២០២២។ នេះធ្វើឱ្យអត្រាភាពក្រីក្រជារួម ស្ថិតនៅ ៩,០៣ ភាគរយ ក្នុងខែមីនា ឆ្នាំ ២០២៤។
លេខាធិការស្តីទីនៃ BPS លោក Imam Machdi បាននិយាយក្នុងសន្និសីទសារព័ត៌មាននៅការិយាល័យ BPS កាលពីថ្ងៃចន្ទថា ក្នុងកម្រិត ៩,០៣ ភាគរយ អត្រានៃភាពក្រីក្រឥណ្ឌូណេស៊ី បានឈានដល់ចំណុចទាបបំផុតនៅទសវត្សរ៍ចុងក្រោយនេះ ដោយធ្លាក់ចុះប្រមាណ ៣,០៦ លាននាក់ ឬប្រហែល ២,២២ ភាគរយ ត្រឹមរយៈពេល ១០ ឆ្នាំចុងក្រោយ។
លោកបន្តថា៖ «បន្ទាប់ពីការកើនឡើងក្នុងអំឡុងជំងឺរាតត្បាត(កូវីដ១៩) អត្រានៃភាពក្រីក្របានធ្លាក់ចុះវិញជាលំដាប់ចាប់តាំងពីខែមីនា ឆ្នាំ ២០២១»។
នៅតំបន់ទីក្រុង អត្រាភាពក្រីក្របានធ្លាក់ចុះមកនៅត្រឹម ៧,០៩ ភាគរយក្នុងខែមីនា ឆ្នាំ ២០២៤ ពី ៧,២៩ ភាគរយនៅរយៈពេលតែមួយ ឆ្នាំ ២០២៣។ ចំណែកឯតំបន់ជនបទវិញ អត្រានៃភាពក្រីក្របានធ្លាក់ចុះមកត្រឹម ១១,៧៩ ភាគរយ ក្នុងខែមីនា ឆ្នាំ ២០២៤ ពី ១២,២២ ភាគរយក្នុងខែមីនា ឆ្នាំមុន។ យ៉ាងណាមិញ តួលេខនេះបង្ហាញផងដែរថា ធៀបទៅនឹងសម័យមុនកូវីដ១៩ អត្រានៅទីក្រុងនៅតែបន្តខ្ពស់ជាង ខណៈអត្រាជនបទធ្លាក់ចុះទាបជាង។
គួរគូសបញ្ជាក់ថា ស្ថានភាពភាពក្រីក្ររបស់ប្រជាជន ត្រូវបានកំណត់ដោយបន្ទាត់នៃភាពក្រីក្រ ពោលគឺកម្រិតប្រាក់ចំណូលអប្បបរមា ដើម្បីបំពេញតម្រូវការម្ហូបអាហារ និងមិនមែនម្ហូបអាហារ។ ខ្សែបន្ទាត់ភាពក្រីក្រក្នុងខែមីនា ឆ្នាំ ២០២៤ មានប្រហែល ៣៥,៦៧ ដុល្លារសម្រាប់មនុស្សម្នាក់/ខែ ដោយកើនឡើង ៥,៩០ ភាគរយ ធៀបនឹងខែមីនា ឆ្នាំ ២០២៣។
ទោះបីជាឥណ្ឌូណេស៊ី មើលឃើញពីភាពប្រសើរឡើងនៃការកាត់បន្ថយអត្រាភាពក្រីក្រក៏ដោយ ក៏ប្រជាជនឥណ្ឌូណេស៊ីចំនួន ១/៣ បន្តជួបប្រទះនឹងអសន្តិសុខសេដ្ឋកិច្ច។ អ្នកជំនាញលើកឡើងថា កំណើនសេដ្ឋកិច្ចក្នុងប្រទេសឥណ្ឌូណេស៊ី គឺជាកត្តាមួយដ៏ធំ ដែលជួយកាត់បន្ថយអត្រាភាពក្រីក្រយ៉ាងខ្លាំងនៅជុំវិញប្រទេស។ ទន្ទឹមនឹងនេះ មានកត្តាធំៗផ្សេងទៀត ដែលរាប់បញ្ជូលទាំងគោលនយោបាយខុសៗគ្នារបស់រដ្ឋាភិបាល។ ក្នុងនោះ រួមមាន «មូលនិធិតាមភូមិ» ដែលពង្រឹងហេដ្ឋារចនាសម្ព័ន្ធតាមសហគមន៍ ដូចជាសាលារៀន មណ្ឌលសេវាសុខភាព និងកន្លែងផ្គត់ផ្គង់ទឹកស្អាត ក្នុងគោលបំណងកាត់បន្ថយភាពក្រីក្រតាមតំបន់ជនបទ ជាដើម៕
ក្រុមបញ្ជាការដ្ឋានអង្គរក្ស A ដាក់គោលដៅយកជើងឯក ក្រោយហាត់នៅឥណ្ឌូណេសុី
តុលាការខេត្តកណ្តាល ផ្តន្ទាទោសស្រ្តីជនជាតិហ្វីលីពីន១៣នាក់ និងស្រ្តីខ្មែរម្នាក់ពាក់ព័ន្ធការពពោះជំនួស
មហាជនចោទថា Dispatch ជាខ្សែរបស់ HYBE ខណៈតារាក្រោមទ្រនំនេះ មិនដែលលេចធ្លាយចចាមអារ៉ាមសោះ
មន្ត្រីជាន់ខ្ពស់ ស្នើគ្រប់ភាគី ចែករំលែកឧត្តមានុវត្តន៍ឱ្យបានគ្រប់ជ្រុងជ្រោយ ដើម្បីពង្រឹងប្រព័ន្ធសន្តិសុខសង្គមកម្ពុជាកាន់តែប្រសើរ
រដ្ឋបាលរាជធានី កែសម្រួលតម្រាយផ្លូវ ពេលវេលា និងប្រភេទរថយន្តដឹកជញ្ជូនធុនធ្ងន់ចេញ-ចូលក្នុងភូមិសាស្រ្តរាជធានីភ្នំពេញ
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
តារាថៃល្បីៗ ៤គូ ត្រៀមចូលរោងការនៅដើមឆ្នាំថ្មីនេះ
រឿងអស្ចារ្យមួយទៀត! ក្រុមនារីកម្ពុជា ទទួលបានកៅអី ASEAN Women’s Championship 2025
នាយ តាក់ស៊ី មានសង្ឃឹមខ្លះហើយ ខណ:ថ្នាក់ដឹកនាំនិងសប្បុរសជន ឧបត្ថម្ភថវិកាសង្គ្រោះជីវិត
Royal Group Funds នឹងកៀរគរទុន២០០លានដុល្លារតាមរយៈគម្រោងវិនិយោគរួម
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា