សេដ្ឋកិច្ច
កម្ពុជាជំរុញចរចារបើកទីផ្សារ នាំចេញទុរេនទៅប្រទេសចិននៅឆ្នាំនេះ
កម្ពុជាកំពុងរង់ចាំការសម្រេចពីភាគីចិនក្នុងការយល់ព្រមឱ្យនាំចេញផ្លែទុរេនទៅកាន់ទីផ្សារចិនដោយផ្ទាល់នៅក្នុងឆ្នាំ ២០២៤ នេះ ខណៈបច្ចុប្បន្នស្ថិតក្នុងដំណាក់កាលចរចារភូតគាមអនាម័យរវាងភាគីកម្ពុជា-ចិន។
លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍នៅថ្ងៃទី ០៣ ខែកក្កដា ឆ្នាំ ២០២៤ នេះថា ការនាំចេញទុរេនទៅកាន់ទីផ្សារប្រទេសចិន ស្ថិតនៅដំណាក់កាលចរចារលក្ខខណ្ឌភូតគាមអនាម័យ ដាច់ខាត និងត្រូវមានអនុស្សរណៈនៃការយោគយល់គ្នាក្នុងកម្រិតប្រទេស និងប្រទេស ទើបអាចនាំចេញ។
![](https://www.kampucheathmey.com/wp-content/uploads/2024/07/2024-06-20-news-1024x614.jpg)
លោក ឃឹម ហ្វីណង់ បានបញ្ជាក់ថា កន្លងមក កម្ពុជាបាននាំចេញផលិតផលកសិផលជាច្រើនហើយទៅប្រទេសចិន បន្ទាប់ពីបានទទួលបានជោគជ័យក្នុងការចរចារបើកទីផ្សារនាំចេញដូចជា ថ្មីៗនេះ មានដូង និងផលិតផលជលផលមួយចំនួនក៏បាននាំទៅប្រទេសចិនដែរ។
មន្ត្រីអ្នកនាំពាក្យកសិកម្មរូបនេះ បញ្ជាក់ថាបច្ចុប្បន្នកម្ពុជានៅរង់ចាំដំណាំមួយចំនួនទៀត ដូចជាទុរេន ម្នាស់ ខ្នុរ ហើយប្រសិនបើការចរចារនេះ ទទួលបានជោគជ័យ វានឹងបើកទីផ្សាររឹតតែធំទូលាយ សម្រាប់ដំណាំទុរេន និងដំណាំដ៏ទៃទៀត ខណៈប្រទេសចិនជាទីផ្សារធំ។
លោក ឃឹម ហ្វីណង់ថ្លែងថា៖ «ការចរចារជុំវិញដំណាំទុរេន យើងធ្វើបានមួយរយៈហើយ យើងរំពឹងថា ក្នុងឆ្នាំ ២០២៤ នេះ យើងអាចជំរុញការងារនេះ ឱ្យចេញបាន យើងដឹងថា លក្ខណ្ឌមានច្រើន ត្រូវការពេលវេលា»។
![](https://www.kampucheathmey.com/wp-content/uploads/2024/07/photo_2024-06-03_21-27-40-1-1-1024x768.jpg)
លោក ឈឹម វជិរា ប្រធានមន្ទីរកសិកម្មខេត្តបាត់ដំបង មានប្រសាសន៍ថា ចម្ការទុរេននៅក្នុងស្រុកសំឡូតខេត្តបាត់ដំបង មានលក្ខខណ្ឌគ្រប់គ្រាន់ស្របតាមការទាមទារពីភាគីចិន ខណៈក្រុមអាជីវកម្មទុរេនប្រមាណជាង ១០០ គ្រួសារ ក្នុងនោះមាន ៦០ គ្រួសារទទួលបានការបណ្ដុះបណ្ដាល កម្មវិធីអនុវត្តកសិកម្មល្អ (GAP) និង ១២ គ្រួសារទទួលបានវិញ្ញាបនបត្រពីក្រសួងកសិកម្ម។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ កម្ពុជាមានផ្ទៃដីដាំដុះដំណាំទុរេនជាង ៩ ពាន់ហិកតា ក្នុងនោះផ្ទៃដីប្រមូលផលប្រមាណ ៥ ពាន់ហិកតា៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា