ព័ត៌មានអន្ដរជាតិ
អ្នកជំនាញ៖ អាជីវកម្មថៃកំពុងប្រឈមមុខនឹងវិបត្តិ ធ្ងន់ធ្ងរជាងអំឡុងវិបត្តិកូវីដ១៩
សមាគមទីផ្សារនៃប្រទេសថៃ បានសម្ដែងការព្រួយបារម្ភនាថ្ងៃពុធនេះថា កត្តាផ្សេងៗគ្នាទាំងក្នុង និងក្រៅស្រុក បានធ្វើឱ្យអាជីវកម្មថៃធ្លាក់ចូលទៅក្នុងវិបត្តិ ដែលធ្ងន់ធ្ងរជាងអំឡុងពេលវិបត្តិកូវីដ១៩ទៅទៀត។ នេះបើតាមការចុះផ្សាយរបស់កាសែត The Nation។
![](https://www.kampucheathmey.com/wp-content/uploads/2024/07/Thailand-SMEs-1024x614.jpg)
ប្រធានសមាគម លោក Buranin Rattanasombat បានព្រមានថា ប្រតិបត្តិករអាជីវកម្មរំពឹងថានឹងប្រឈមមុខនឹងបញ្ហាបែបនេះរហូតដល់ឆ្នាំក្រោយ ដោយលើកឡើងយ៉ាងដូច្នេះថា៖ «ការប្រែប្រួលនៃបច្ចេកវិទ្យា ការបែងចែកគ្នា និងការធ្លាក់ចុះសេដ្ឋកិច្ច បានបង្កឱ្យមានការលំបាកក្នុងការផលិត» ខណៈការធ្លាក់ចុះនៃអំណាចទិញដោយសារការកើនឡើងបំណុលគ្រួសារ ក៏ប៉ះពាល់ដល់ប្រតិបត្តិការអាជីវកម្មផងដែរ។
ចំពេលស្ថានភាពសេដ្ឋកិច្ចអាប់អួរ លោក Buranin បាននិយាយថា វិស័យអាជីវកម្មនឹងប្រសើរឡើងវិញ ប្រសិនបើអត្រាការប្រាក់ទាបជាងអត្រាបច្ចុប្បន្ន មានការងើបឡើងវិញបន្ថែមទៀតនៃវិស័យទេសចរណ៍ និងការចំណាយថវិការបស់រដ្ឋាភិបាលជាដើម។
![](https://www.kampucheathmey.com/wp-content/uploads/2024/07/Thailand-workers-in-Factory-1024x614.jpg)
ជាទស្សនវិស័យ លោក Buranin បាននិយាយថា វិស័យអាជីវកម្មនឹងរងផលប៉ះពាល់ដោយការប្រែប្រួលយ៉ាងឆាប់រហ័សនៃបច្ចេកវិទ្យា ក្នុងរយៈពេលពី ៥ ទៅ ១០ ឆ្នាំខាងមុខ ខណៈការបែងចែកគ្នាទូទាំងពិភពលោក នឹងធ្វើឱ្យបញ្ហានេះកាន់តែធ្ងន់ធ្ងរទៅៗ។ លោកបន្តថា បញ្ញាសិប្បនិមិត្ត (AI) អ៊ិនធឺរណិតនៃវត្ថុ (IoT) ការផលិតដែលមិនប៉ះពាល់ដល់បរិស្ថាន និងបច្ចេកវិទ្យាជីវសាស្រ្ត នឹងដើរតួយ៉ាងសំខាន់ក្នុងប្រតិបត្តិការអាជីវកម្ម។
បន្ថែមពីលើការរំពឹងទុកនេះ លោកបានព្យាករណ៍ថា អ្នកប្រើប្រាស់នឹងចូលចិត្តការទិញឥវ៉ាន់អនឡាញជាជាងការទៅហាងដោយផ្ទាល់ ហើយអ្នកលក់រាយនឹងលក់ផលិតផលទាំងដោយផ្ទាល់ និងតាមអនឡាញ ដោយបង្កើតវេទិកាអនឡាញរបស់ពួកគេ។ លោកបន្តថា៖ «សំណួរសម្រាប់សមាគម គឺធ្វើដូចម្តេចដើម្បីឱ្យអាជីវកម្មថៃអាចសម្របខ្លួនបាន និងលើកទឹកចិត្តសហគ្រិនខ្នាតតូច ឱ្យទទួលយកបច្ចេកវិទ្យាដើម្បីបង្កើនការប្រកួតប្រជែង»៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១៩ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ១ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ