ព័ត៌មានអន្ដរជាតិ
ការបញ្ជាទិញពីរោងចក្រនៅអាមេរិកធ្លាក់ចុះនៅខែឧសភា ខណៈតម្រូវការទន់ខ្សោយ
ទិន្នន័យពីការិយាល័យស្ថិតិរបស់ក្រសួងពាណិជ្ជកម្មអាមេរិក ដែលចេញផ្សាយកាលពីថ្ងៃពុធ បានបង្ហាញថា ការបញ្ជាទិញថ្មីលើទំនិញដែលផលិតដោយរោងចក្រនៅសហរដ្ឋអាមេរិក បានធ្លាក់ចុះដោយមិននឹកស្មានដល់ក្នុងខែឧសភា។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ទិន្នន័យគូសបញ្ជាក់ថា ការបញ្ជាទិញរបស់រោងចក្រ បានធ្លាក់ចុះ ០,៥ ភាគរយ បន្ទាប់ពីកើនឡើង ០,៤ ភាគរយនៅខែមេសា ដែលនេះផ្ទុយទៅនឹងការព្យាកររបស់អ្នកសេដ្ឋកិច្ច ដែលឆ្លើយការស្ទង់មតិដល់រ៉យទ័រថា ការបញ្ជាទិញពីរោងចក្រនឹងកើនឡើង ០,២ ភាគរយ។ បញ្ហានេះ ត្រូវបានគូសភ្ជាប់ទៅនឹងការធ្លាក់ចុះនៃតម្រូវការរបស់អាជីវកម្មអាមេរិកលើឧបរកណ៍ផ្សេងៗ ដូចជាគ្រឿងម៉ាស៊ីន គ្រឿងបរិក្ខារអគ្គិសនី ឧបករណ៍ និងសមាសធាតុ ព្រមទាំងលោហធាតុដើមជាដើម។
គេមើលឃើញថា ការធ្លាក់ចុះនៃការបញ្ជាទិញពីរោងចក្រនៅអាមេរិក កើតឡើងខណៈការផលិតក្នុងស្រុកក៏ធ្លាក់ចុះ។ ការផលិតក្នុងស្រុក ដែលរួមចំណែក ១០,៣ ភាគរយនៃសេដ្ឋកិច្ចអាមេរិក បានធ្លាក់ទៅក្នុងភាពតានតឹងដោយសារតែអត្រាការប្រាក់ខ្ពស់ និងតម្រូវការទំនិញធ្លាក់ចុះ។ ទិន្នន័យរបស់រដ្ឋាភិបាល ចេញផ្សាយកាលពីសប្តាហ៍មុន បានចង្អុលបង្ហាញថា ផលិតកម្មបានធ្លាក់ចុះក្នុងអត្រាប្រចាំឆ្នាំ ៤,៣ ភាគរយ នៅក្នុងត្រីមាសទី១ ដោយភាគច្រើននៃការធ្លាក់ចុះ គឺពាក់ព័ន្ធនឹងទំនិញដែលប្រើបានយូរ។ ប្រសិនបើនិន្នាការនេះនៅតែបន្ត វាអាចបង្អាក់កំណើនសេដ្ឋកិច្ច និងប៉ះពាល់ដល់ខ្សែសង្វាក់ផ្គត់ផ្គង់ពិភពលោក។
ចំណែកឯលទ្ធផលនៃការស្ទង់មតិពីវិទ្យាស្ថានសម្រាប់ការគ្រប់គ្រងការផ្គត់ផ្គង់ (ISM) ដែលចេញផ្សាយកាលពីថ្ងៃពុធដូចគ្នា បានបង្ហាញថាសន្ទស្សន៍គ្រប់គ្រងការបញ្ជាទិញ (PMI) នៃការផលិត បានធ្លាក់ចុះបន្ថែមទៀត មកត្រឹម ៤៨,៥ ក្នុងខែមិថុនា ពី ៤៨,៧ ក្នុងខែឧសភា។ ISM ពិពណ៌នាថា ក្រុមហ៊ុនផលិតផ្សេងៗមិនចង់វិនិយោគលើដើមទុន និងបង្កើនស្ដុកទំនិញ ដោយសារគោលនយោបាយរូបិយវត្ថុបច្ចុប្បន្ន និងលក្ខខណ្ឌផ្សេងៗទៀត»។
បើតាមរ៉យទ័រ ធនាគារកណ្តាលសហរដ្ឋអាមេរិក បានរក្សាអត្រាការប្រាក់គោលរបស់ខ្លួន នៅចន្លោះបច្ចុប្បន្នពី ៥,២៥-៥,៥០ ភាគរយ ចាប់តាំងពីខែកក្កដាឆ្នាំមុន ដើម្បីទប់ស្កាត់អតិផរណាខ្ពស់៕
ពិធីចុះហត្ថលេខាលើអនុស្សរណៈនៃការយោគយល់គ្នារវាង BKD Academy នឹង Manulife Cambodia
នគរបាលឃាត់ខ្លួនជនសង្ស័យម្នាក់ ហ៊ានបង្ហោះលក់កាំភ្លើងជាសាធារណៈនិង ដកហូតកាំភ្លើងបាន៧ដើម
មន្ត្រីជាន់ខ្ពស់នៃក្រសួងសាធារណការ និងដឹកជញ្ជូនបន្តចុះពិនិត្យវឌ្ឍនភាពការស្ថាបនាផ្លូវជាតិលេខ៧
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ
ទំនងឆ្លងចរន្ដ រថយន្ដ FORD RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
តារាចិន វ័យ២៧ឆ្នាំ ស្លាប់ដោយសារជំងឺដូចគ្នាជាមួយ Barbie Hsu
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
យន្តហោះ២គ្រឿងទៀត បុកគ្នានៅ អាមេរិក
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?