ព័ត៌មានជាតិ
ទីផ្សារភាគហ៊ុនកម្ពុជាមានទំហំទីផ្សាររហូតដល់ជាង៣ពាន់លានដុល្លារគិតត្រឹមដំណាច់ត្រីមាសទី១ឆ្នាំនេះ
និយ័តករមូលបត្រកម្ពុជា (SERC) បានឱ្យដឹងថាគិតត្រឹមចុងត្រីមាសទី១ ឆ្នាំ២០២៤ ទំហំមូលធនូបនីយកម្មទីផ្សារសរុបនៃទីផ្សារមូលបត្រកម្មសិទ្ធិមានចំនួនប្រហែល ១២,៣៧ទ្រីលានរៀល (ប្រហែល ៣,០៦ ប៊ីលានដុល្លារអា មេរិក) និងទំហំជួញដូរភាគហ៊ុនសរុបមានចំនួន៣.៣៩៦.០២៦ ភាគហ៊ុន ដែលទំហំជួញដូរនៅក្នុងទីផ្សារគោលមានប្រហែល ៩៥,៩១% និងទីផ្សារកំណើនមានចំនួនប្រហែល ៤,០៩% នៃទំហំជួញដូរសរុប។
ដោយឡែកចំពោះ ទីផ្សារមូលបត្រ បំណុល ពុំមានការជួញដូរលើសញ្ញាបណ្ណសាជីវកម្មណាមួយទេនៅក្នុងត្រីមាសទី១ឆ្នាំនេះ។ នេះបើយោងតាមរបាយការណ៍ដែលចេញផ្សាយដោយSERCកាលពីពេលថ្មីៗនេះ។
លោកស៊ូ សុជាតិអគ្កនាយកSERC បានលើកឡើងថា ចាប់តាំងពីការដាក់ឱ្យដំណើការនៃទីផ្សារមូលបត្រកម្ពុជាអស់រយៈពេលជា១ទស្សវត្សកន្លងមកនេះ ស្ថាប័នលោកបានអនុវត្តកម្មវិធីបណ្តុះបណ្តាលវិនិយោគិន និងបញ្ជៀបការយល់ដឹងដល់សាធារណជនដោយសហការជាមួយ ស្ថាប័នពាក់ព័ន្ធជាតិ និងអន្តរជាតិ ព្រមទាំងលើកកម្ពស់ការផ្សព្វផ្សាយអំពីទីផ្សារមូលបត្រជូនសាធារណជន។
លោកបានថ្លែងថា៖«ដើម្បីជំរុញការជួញដូរ និងកំណើនវិនិយោគិននៅក្នុងទីផ្សារមូលបត្រSERC ក៏បានចូលរួមផ្តល់នូវលេខ អត្តសញ្ញាវិនិយោគិនដោយឥតគិតថ្លៃដល់វិនិយោគិនដែលបានដាក់ពាក្យស្នើសុំតាមរយៈក្រុមហ៊ុនមូលបត្រ នៅក្នុងកម្មវិធីតាំងពិព័រណ៍ វគ្គបណ្តុះបណ្តាល និងសិក្ខាសាលាផ្សេងៗផងដែរ»។
លោកបានគូសបញ្ចាក់ទៀតថា៖«ខ្ញុំសង្ឃឹមយ៉ាងមុតមាំថា វិនិយោគិន សាធារណជន ស្ថាប័នស្រាវជ្រាវ អ្នកវិភាគឯករាជ្យ និងតួអង្គពាក់ព័ន្ធ ផ្សេងទៀត នឹងយកទិន្នន័យដែលមាននៅក្នុងព្រឹត្តិបត្រនេះទៅប្រើប្រាស់ ឬវិភាគប្រកបដោយវិជ្ជាជីវៈ និងមានក្រមសីលធម៌ ជៀសវាងការបកស្រាយខុសពីខ្លឹមសារពិត ដែលអាចនាំឱ្យសាធារណជន មានការភ័ន្តច្រឡំ និងអាចធ្វើឱ្យមានខាតបង់ប្រយោជន៍ដល់វិនិយោគិន»។
បើយោងតាមរបាយការណ៍ដដែល នាពេលបច្ចុប្បន្ន ផ្សារមូលបត្រកម្ពុជា (ផមក) មាន ផលិតផលចំនួនពីរប្រភេទ គឺមូលបត្រកម្មសិទ្ធិ (ភាគហ៊ុន) និងមូលបត្របំណុលដែលកំពុងត្រូវបានជួញដូរនៅលើទីផ្សារ។ ចំពោះទីផ្សារមូលបត្រកម្មសិទ្ធិមានក្រុមហ៊ុនចុះបញ្ជីសរុបចំនួន ១១ ក្រុមហ៊ុន ដែលនៅក្នុងនោះមានក្រុមហ៊ុន ចំនួន ៩ បានចុះបញ្ជីនៅទីផ្សារគោល និងក្រុមហ៊ុនចំនួន ២ បានចុះបញ្ជីនៅទីផ្សារកំណើន។ រីឯទីផ្សារមូលបត្របំណុល មានក្រុមហ៊ុនចំនួន ១១ បានបោះផ្សាយលក់មូលបត្របំណុល (ក្នុងនោះមូលបត្របំណុលដែលកំពុងចុះបញ្ជីមានចំនួន ៩ ហើយមានមូលបត្របំណុលចំនួន ៧ បានដល់ឥណប្រតិទាន)៕
-
ព័ត៌មានជាតិ៤ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច១ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានអន្ដរជាតិ១ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៧ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២១ ម៉ោង ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៦ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន