ព័ត៌មានអន្ដរជាតិ
ការនាំចេញរបស់វៀតណាម ប្រឈមមុខនឹងការស៊ើបអង្កេតរាប់រយករណីពីប្រទេសទីផ្សារនាំចូល
ក្រសួងឧស្សាហកម្ម និងពាណិជ្ជកម្មវៀតណាម បានឱ្យដឹងថា ផលិតផលនាំចេញរបស់ប្រទេសវៀតណាម បានប្រឈមមុខនឹងការស៊ើបអង្កើតចំនួន ២៥២ ករណី ពីប្រទេសទីផ្សារចំនួន ២៤ គិតត្រឹមខែមិថុនាកន្លងទៅ។ នេះបើតាមការចុះផ្សាយរបស់កាសែត Việt Nam News។
ការស៊ើបអង្កេតរាប់រយករណីទាំងនោះ រួមមាន ការស៊ើបអង្កេតប្រឆាំងនឹងការលក់បង្ខូចតម្លៃ ១៣៨ ករណី ការស៊ើបអង្កេតដើម្បីការពារពាណិជ្ជកម្មក្នុងស្រុក ៥០ ករណី ការស៊ើបអង្កេតប្រឆាំងការគេចវេសវិធានការពាណិជ្ជកម្មចំនួន ៣៧ ករណី និងការស៊ើបអង្កេតប្រឆាំងការឧបត្ថម្ភធនប្រមាណ ២៧ ករណី។
ក្រសួងបាននិយាយថា បញ្ជីផលិតផលដែលប្រឈមនឹងហានិភ័យនៃការស៊ើបអង្កេតពាណិជ្ជកម្មត្រូវបានអាប់ឌែត រួមជាមួយនឹងការព្រមានជាមុន ដើម្បីជួយឱ្យផលិតផលនាំចេញមួយចំនួនជៀសវាងពន្ធការពារពាណិជ្ជកម្មខ្ពស់ ក៏ដូចជាដើម្បីគ្រប់គ្រង និងពង្រីកទីផ្សារនាំចេញ។
លើសពីនេះ ក្រសួងបានគូសបញ្ជាក់ថា ផលិតផលនាំចេញសំខាន់ៗទៅកាន់ទីផ្សារធំៗ ដូចជាសហរដ្ឋអាមេរិក និងសហភាពអឺរ៉ុប អាចនឹងប្រឈមមុខនឹងសម្ពាធពីការស៊ើបអង្កេត និងរបាំងបច្ចេកទេសផ្សេងៗ ដែលទាក់ទងនឹងបរិស្ថាន ការអភិវឌ្ឍន៍ប្រកបដោយចីរភាព និងការផ្លាស់ប្តូរបៃតងនៅក្នុងឆមាសទី២នៃឆ្នាំនេះ។
ដូច្នេះ ការយកចិត្តទុកដាក់ដើម្បីដោះស្រាយបញ្ហានេះ នឹងផ្តោតលើការពង្រឹងសមត្ថភាពការពារពាណិជ្ជកម្ម និងការកែលម្អក្របខ័ណ្ឌច្បាប់ដើម្បីការពារសិទ្ធិស្របច្បាប់នៃឧស្សាហកម្មផលិតក្នុងស្រុក។ ការព្រមានជាមុន ក៏នឹងត្រូវបានផ្តល់ជូនដល់ក្រុមហ៊ុនដើម្បីឱ្យពួកគេរក្សាការឃ្លាំមើលយ៉ាងជិតស្និទ្ធលើការអភិវឌ្ឍន៍ទីផ្សារ និងការផ្លាស់ប្តូរគោលនយោបាយនៅក្នុងទីផ្សារនាំចេញ។
គេមើលឃើញថា ការនាំចេញរបស់វៀតណាមបានប្រឈមមុខនឹងការស៊ើបអង្កេតកាន់តែច្រើនទៅៗ ដោយមន្រ្តីវៀតណាមកន្លងមក បានលើកឡើងថា ការណ៍នេះកើតឡើងដោយសារតែការនាំចេញមានកំណើនខ្ពស់។ ការព្រមានផ្សេងៗ រួមទាំងសហភាពអឺរ៉ុប និងចិន ក៏កើតមានលើផលិតផលវៀតណាម ជាពិសេសពាក់ព័ន្ធនឹងគុណភាព និងស្ដង់ដារផលិតផល រួមទាំងបញ្ហាអនុវត្តទីផ្សារពាក់ព័ន្ធនឹងការលក់បង្ខូចតម្លៃជាដើម៕
យន្តហោះចម្បាំងយោធាមីយ៉ាន់ម៉ាមិនអើពើនឹងការព្រមានរបស់ថៃ ដោយទម្លាក់គ្រាប់បែករាប់សិបគ្រាប់ក្បែរព្រំដែន
UN ព្រមានពីការរាលដាលនៃការឆបោកអ៊ិនធឺណិតពាន់លានដុល្លារជុំវិញសកល
ពូទីន៖ បទឈប់បាញ់បុណ្យ Easter ស្តែងឲ្យឃើញច្បាស់ថា អ៊ុយក្រែន មិនចង់បានសន្តិភាព
តុលាការចិនកាត់ទោសប្រហារជីវិតបុរសដែលចាក់សម្លាប់សិស្សសាលាជប៉ុនកាលពីឆ្នាំមុន
ពេល៣ខែ បណ្ដឹង៣១ករណីរបស់ពលរដ្ឋបានប្ដឹងមកព្រឹទ្ធសភា
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
រថយន្តពីរគ្រឿងបុកគ្នានៅផ្លូវព្រលានយន្តហោះសៀមរាបអង្គរ ស្លាប់២នាក់ និងរបួស១៤នាក់
ឆេះរថយន្តក្រុងនៅថៃ ស្លាប់មនុស្ស៧នាក់ របួស៤០នាក់
សមត្ថកិច្ចឃាត់ខ្លួន ស្ថាបនិកក្រុមហ៊ុនឌីបេសហ្រ្គីនឡងឡាយហ៍(ខេមបូឌា)ឯ.ក ករណីឆបោក ប្រាស់លុយជិត១៦លានដុល្លារ
-
សន្តិសុខសង្គម៦ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៥ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ចរាចរណ៍២ ម៉ោង agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ៥ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព២៣ ម៉ោង agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៥ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា
-
ព័ត៌មានអន្ដរជាតិ៣ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក