ព័ត៌មានជាតិ
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
ម្ចាស់ចម្ការទុរេនធំៗបានមកជួបជុំគ្នា ដើម្បីចែករំលែកបទពិសោធន៍និងបច្ចេកទេសពីការដាំដុះទុរេន ខណៈដែលដំណាំឈើហូបផ្លែនេះក្លាយដំណាំសេដ្ឋកិច្ចដ៏សំខាន់ដែលរដ្ឋាភិបាលកំពុងជំរុញការនាំចេញ ដែលអាចកើបចំណូលរាប់លានដុល្លារពីមួយឆ្នាំៗសម្រាប់កសិករ។
![](https://www.kampucheathmey.com/wp-content/uploads/2024/07/photo1720336244-1024x576.jpeg)
ថ្លែងនៅក្នុងសិក្ខាសាលាស្តីពីផលិតកម្មទុរេនរដូវកាល ២០២៤-២០២៥ និងពិធីប្រគល់វិញ្ញាបនបត្របញ្ចប់វគ្គដល់សមាជិកក្រុមផលិតទុរេនខ្មែរនៅព្រឹកមិញនេះ លោក ប៊ុន នាង គ្រូបច្ចេកទេសដាំដុះដំណាំទុរេនដែលមានបទពិសោធន៍ជាច្រើនឆ្នាំបានគូសបញ្ជាក់ថា សិក្ខាសាលានេះរៀបចំឡើងដើម្បីវាយតម្លៃនៃការអនុវត្តបច្ចេកទេសដាំដុះទុរេននារដូវកាលកន្លងមក និងស្វែងរកភាពបត់បែនបច្ចេកទេសសម្រាប់ការដាំដុះនៅរដូវកាលថ្មី។
លោកថា ក្រុមកសិករដែលចូលរួមសិក្ខាសាលាជាង ៨០ នាក់នេះ ជាក្រុមអ្នកផលិតទុរេនដែលមានចម្ការធំៗមកពីបណ្តាខេត្តផ្សេងៗក្នុងប្រទេសកម្ពុជា ដែលមានសមត្ថភាពខ្ពស់និងបានទទួលការបណ្ដុះបណ្ដាលពីបច្ចេកទេសដាំដុះទុរេនជាច្រើនឆ្នាំ។
លោក ប៊ុន នាង បានបន្តថា សិក្ខាសាលាដែលរៀបចំពេញមួយថ្ងៃ ក្រៅពីគោលបំណងជួបជុំចែករំលែកបទពិសោធន៍រវាងកសិករដាំដុះទុរេនមកពីតំបន់ផ្សេងៗទូទាំងប្រទេស ក៏ដើម្បីប្រកាសពីការបង្កើតក្រុមផលិតកម្មទុរេនខ្មែរ ដែលមានអក្សរកាត់ថា KDPG (Khmer Durian Production Group) ក្នុងការបង្កើនកិច្ចសហប្រតិបត្តិការ និងសាមគ្គីភាពរវាងក្រុមផលិតទុរេននៅប្រទេសកម្ពុជាទាំងមូល សម្រាប់បម្រើតម្រូវការក្នុងស្រុកនិងនាំចេញទៅក្រៅប្រទេស។
ដំណាំទុរេនត្រូវបានដាំដុះស្ទើរពាសពេញផ្ទៃប្រទេស ជាពិសេសបណ្តាខេត្តមួយចំនួនដូចជា កំពង់ចាម កំពត ត្បូងឃ្មុំ កោះកុង រតនះគីរី បាត់ដំបង ពោធិសាត់ ក្រចេះ ស្ទឹងត្រែង។
![](https://www.kampucheathmey.com/wp-content/uploads/2024/07/photo1720336306-1-1024x576.jpeg)
លោក ឆម លីប៊ុនថេង កសិករដាំដុះទុរេននៅស្រុកថ្មបាំង ខេត្តកោះកុងបានគូសបញ្ជាក់ថា ទុរេនជាដំណាំយុទ្ធសាស្រ្តមានតម្លៃផ្នែកសេដ្ឋកិច្ចខ្ពស់ ដែលអាចឲ្យកសិករកើបចំណូលបានយ៉ាងក្រាស់ក្រែលក្នុងមួយឆ្នាំៗ។
លោកថា នៅស្រុកថ្មបាំងមានកសិករជាច្រើនគ្រួសារបានដាំដុះដំណាំទុរេន ហើយរដូវកាលមុនសមាជិកដាំដុះទុរេនចំនួន ៣០ គ្រួសារក្នុងស្រុកថ្មបាំង បានកើបចំណូលពីការនាំចេញទុរេនមិនក្រោម ១ លានដុល្លារសម្រាប់នាំចេញទៅលក់នៅទីផ្សារខាងក្រៅ។
កសិករមួយរូបទៀតនៅខេត្តកំពត លោក អ៊ី ញាពិសិដ្ឋ បានបញ្ជាក់ថា ខេត្តកំពតមានប្រវត្តិដាំដុះទុរេនជាច្រើនជំនាន់ និងក៏ជាអត្តសញ្ញាណរបស់ខេត្តផងដែរ។
ទុរេនកំពតត្រូវបានទទួលស្គាល់ពីរសជាតិឆ្ងាញ់។ នេះបើតាមលោក អ៊ី ញាពិសិដ្ឋ។ យ៉ាងណាមិញ លោកក៏បារម្ភពីការក្លែងបន្លំផលិតផលទុរេនកំពត ដោយសារមានឈ្មួយខិលខូចយកទុរេននាំចូលបន្លំជាទុរេនរបស់ខេត្តកំពត។
![](https://www.kampucheathmey.com/wp-content/uploads/2024/07/photo1720336817-1024x576.jpeg)
លោក ហេង ឆេងលី អ្នកសម្របសម្រួល និងជាសមាជិកម្នាក់ក្នុងក្រុមអ្នកផលិតទុរេនខ្មែរ មានប្រសាសដែរថា សិក្ខាសាលានេះជាកម្មវិធីដ៏ល្អនិងមានតម្លៃបំផុតសម្រាប់កសិករដាំដុះទុរេន ព្រោះថាកម្មវិធីបែបនេះមិនដែលមានពីមុនមកទេ ដែលបានប្រមូលផ្ដុំអ្នកផលិតទុនដ៏ធំប្រចាំឆ្នាំ។
លោកថា ដំណាំទុរេនដែលជាដំណាំដែលមានសក្តានុពលផ្នែកសេដ្ឋកិច្ចខ្ពស់និងជាប្រភេទផ្លែឈើ ហូបផ្លែដ៏ពេញនិយមមួយរបស់ប្រជាជនកម្ពុជា និងនៅបរទេសជាពិសេសប្រទេសចិនដែលជាទីផ្សារដ៏ធំ។
លោកសង្ឃឹមយ៉ាងមុតមាំថា ក្រុមកសិករដែលបានទទួលការបណ្ដុះបណ្ដាល បច្ចេកទេសផលិតទុរេនយ៉ាងត្រឹមត្រូវ និងបន្តបង្កើតកម្មវិធីជួបជុំនេះបន្តទៅឆ្នាំខាងមុខទៀត ដើម្បីបន្តពង្រឹងសមត្ថភាព និងទទួលបានពត៌មានពីស្ថានភាពផលិតនិងព័ត៌មានទីផ្សារ ដើម្បីជួយលើកកម្ពស់និងបង្កើនប្រាក់ចំណូលដល់កសិករមួយកម្រិតបន្ថែមទៀត។
ជាមួយគ្នានេះ លោកក៏សំណូមពរដល់រាជរដ្ឋាភិបាលបន្តពន្លឿនកិច្ចខំប្រឹងប្រែងដើម្បីឲ្យទុនខ្មែរឆាប់បាននាំចេញ និងបង្ហាញមុខនៅទីផ្សារបរទេសជាពិសេសប្រទេសចិន៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ២ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៣ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៣ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៣ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៤ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៣ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»