សេដ្ឋកិច្ច
ណែមត្រីធម្មជាតិ ជួយឱ្យស្រ្ដីមានការងារធ្វើ និងអាចរកប្រាក់ចំណូលបានខ្ទង់ពាន់ដុល្លារ
សិប្បកម្មផលិតណែមត្រី របស់អ្នកសហគមន៍អ្នកស្រុកឯកភ្នំ ខេត្តបាត់ដំបង អាចរកប្រាក់ចំណូលបានខ្ទង់ពាន់ដុល្លារ ក្នុងមួយខែ និងបានចូលរួមជួយដល់សហគមន៍ ដោយជួយឱ្យស្រ្ដីមេផ្ទះមានការងារធ្វើប្រចាំថ្ងៃ។

កញ្ញា សេង គីមណៃ អាយុ៣៥ឆ្នាំ សហស្ថាបនិក និងជាអ្នកគ្រប់គ្រងទូទៅសហគមន៍ផលិតណែមត្រីធម្មជាតិ បាត់ដំបង បានមានប្រសាសន៍ ប្រាប់ កម្ពុជាថ្មី ថា កញ្ញា បានចាប់ផ្ដើមមុខរបរផលិតណែមត្រីនេះ តាំងពីឆ្នាំ២០១៧ មកម្ល៉េះ។ កញ្ញាបន្តថា ដើមឡើយការចាប់ផ្ដើមដំបូង ការផលិតណែម គឺមិនទាន់មានស្ដង់ដា និងការវេចខ្ចប់ ត្រឹមត្រូវ នោះទេ តែដោយសារមានការគាំទ្រពីសំណាក់អតិថិជន ទើបសិប្បកម្មកញ្ញា បានជ្រើសរើសការវេចខ្ចប់ សាច់ណែមត្រី ជាលក្ខណៈស្ដង់ដាមួយ សម្រាប់លក់ចេញទៅកាន់ទីផ្សារ។

កញ្ញា សេង គីមណៃ បានឱ្យដឹងទៀតថា សិប្បកម្មផលិតណែមត្រីធម្មជាតិ មិនត្រឹមតែអាចរកចំណូលសម្រាប់ផ្គត់ផ្គង់គ្រួសារបានមួយផ្នែកនោះទេ ប៉ុន្ដែមុខរបរនេះ វាបានចូលរួមចំណែកជួយដល់ប្រជាពលរដ្ឋក្នុងសហគមន៍បានមួយចំណែកដែរ ក្នុងនោះមានដូចជា៖ អ្នកនេសាទត្រី និងស្រ្ដីមេផ្ទះ ដែលមិនអាចចេញទៅរកការងារធ្វើឆ្ងាយពីផ្ទះបាន ជាដើម។

កញ្ញា សេង គីមណៃ បានបញ្ជាក់ទៀតថា ផលិតផលណែមត្រីធម្មជាតិ របស់កញ្ញា នាពេលបច្ចុប្បន្ននេះ អាចមានលក់ចេញទៅកាន់ផ្សារទំនើប និងម៉ាតមួយចំនួនទៀត នៅតាមបណ្ដារាជធានី-ខេត្ត ក្នុងប្រទេសកម្ពុជា ដែលជារៀងរាល់ខែ សិប្បកម្ម អាចផលិតណែមត្រីបានជាង ៥០០គីឡូក្រាម សម្រាប់ការផ្គត់ផ្គង់ទៅកាន់ទីផ្សារក្នុងស្រុក និងក៏មានគម្រោងនាំចេញទៅកាន់ទីផ្សារក្រៅប្រទេស តាមដែលលទ្ធភាពអាចធ្វើទៅបាន។

កញ្ញា សេង គីមណៃ ក៏បានសំណូមពរដល់ប្រជាពលរដ្ឋខ្មែរទាំងអស់ មេត្តាសូមចូលរួមជួយគាំទ្រលើកស្ទួយផលិតផលក្នុងស្រុកដែលស្នាដៃខ្មែរ ដើម្បីឱ្យម្ចាស់សិប្បកម្ម និងសហគមន៍ ទាំងអស់មានកម្លាំងចិត្តបង្កើត និងពង្រីកខ្លួនឱ្យកាន់តែធំ សម្រាប់ជួយឱ្យប្រជាពលរដ្ឋរស់នៅក្នុងសហគមន៍ទាំងអស់មានការងារធ្វើ និងទទួលបានប្រាក់ចំណូលសមរម្យសម្រាប់់គ្រួសារ ផងដែរ៕

អត្ថបទ ៖ សួស សិត

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ