ព័ត៌មានអន្ដរជាតិ
វៀតណាមអំពាវនាវការវិនិយោគពីជប៉ុន សម្រាប់គម្រោងហេដ្ឋារចនាសម្ព័ន្ធនៅក្រុងដាណាង
ទីក្រុង ដាណាង ដែលស្ថិតនៅភាគកណ្ដាលនៃប្រទេសវៀតណាម បានអំពាវនាវហៅអ្នកវិនិយោគសក្តានុពលជាពិសេសពីជប៉ុន សម្រាប់ការអភិវឌ្ឍចំណតផែចំនួន៨ និងគម្រោងហេដ្ឋារចនាសម្ព័ន្ធជាបន្តបន្ទាប់ នៅកំពង់ផែ Liên Chiểu ត្រឹមចុងឆ្នាំ ២០២៤។ នេះបើតាមការចុះផ្សាយរបស់កាសែត Việt Nam News។
នាយិកាទីភ្នាក់ងារជំរុញការវិនិយោគរបស់ទីក្រុងដាណាង (IPA) លោកស្រី Huỳnh Thị Liên Phương ដែលចូលរួមក្នុងកិច្ចប្រជុំក្រុងដាណាង-ជប៉ុន កាលពីចុងសប្ដាហ៍កន្លងទៅ បាននិយាយថា កំពង់ផែ Liên Chiểu ដែលវៀតណាមរចនាឡើងជា «កំពង់ផែប្រចាំតំបន់ និងជាមជ្ឈមណ្ឌលដឹកជញ្ជូននៅអាស៊ី» ត្រូវការការវិនិយោគដំបូងលើហេដ្ឋារចនាសម្ព័ន្ធ និងសំណង់សំខាន់ៗ ក្នុងទំហំទឹកប្រាក់ប្រមាណ ២ ប៊ីលានដុល្លារអាមេរិក ហើយអ្នកវិនិយោគធំៗនឹងត្រូវប្រកាសនៅពេលក្រោយក្នុងឆ្នាំ ២០២៤ នេះ។
លោកស្រី Phương បានបន្ដយ៉ាងដូច្នេះថា៖ «ទីក្រុងនឹងសាងសង់ចំណតផែចំនួន៨ សម្រាប់ចតនាវាកុងតឺន័រ នាវាដឹកឧស្ម័នធម្មជាតិពង្រាវ (LNG) និងប្រភេទនាវាផ្សេងៗទៀត។ ប្រព័ន្ធរបាំងទប់រលកទឹក និងផ្លូវក្រវ៉ាត់ក្រុងតភ្ជាប់កំពង់ផែ និងផ្លូវជាតិសំខាន់ៗ និងសួនឧស្សាហកម្ម ត្រូវបានអភិវឌ្ឍតាំងពីឆ្នាំមុន»។
លោកស្រីបានបន្ថែមថា ក្រុងដាណាង បានទាក់ទាញការវិនិយោគចំនួន ៤,៣ ប៊ីលានដុល្លារពីគម្រោងវិនិយោគពីបរទេសដោយផ្ទាល់ ដោយក្នុងនោះ ជប៉ុនរួមចំណែកប្រមាណ ១,១៤ ប៊ីលាន ឬ ៣០ ភាគរយ។
ប្រធានតំណាងអង្គការពាណិជ្ជកម្មក្រៅប្រទេសរបស់ជប៉ុន (JETRO) លោក Takeo Nakajima បានលើកឡើងថា ក្រុងដាណាង មានសក្តានុពលក្នុងការអប់រំផ្នែកព័ត៌មានវិទ្យា (IT) ហើយសាកលវិទ្យាល័យជាច្រើនបានទទួលការវិនិយោគលើការបណ្តុះបណ្តាលធនធានមនុស្ស ដើម្បីទាក់ទាញក្នុងឧស្សាហកម្មព័ត៌មាន។
ចំណែកប្រធានសភាពាណិជ្ជកម្ម និងឧស្សាហកម្មជប៉ុនប្រចាំនៅវៀតណាម លោក Shiro Muto បានមាននិយាយថា វិនិយោគិនជប៉ុនសម្លឹងមើលលើការអភិវឌ្ឍរមណីយដ្ឋាន ទេសចរណ៍ វិស័យរថយន្ត ការផលិត និងរចនាបន្ទះឈីប និងស្វ័យប្រវត្តិកម្មជាដើម។
ទន្ទឹមនឹងនេះ អនុប្រធានគណៈកម្មាធិការប្រជាជនក្រុងដាណាង លោក Trần Chí Cường បាននិយាយថា ទីក្រុងបានអំពាវនាវឱ្យមានការវិនិយោគបន្ថែមទៀត និងកាន់តែស៊ីជម្រៅពីប្រទេសជប៉ុន ក្នុងឧស្សាហកម្មដែលកំពុងនិន្នាការ ធំៗ ដូចជា បន្ទះឈីប បញ្ញាសិប្បនិម្មិត IT និងបច្ចេកវិទ្យាបៃតងជាដើម។
បើតាមមន្រ្តីដដែល ចំណូលការនាំចេញរវាងប្រទេសជប៉ុន និងក្រុងដាណាង កាលពីឆ្នាំមុន សម្រេចបាន ១ ប៊ីលានដុល្លារ ដោយការនាំចេញរបស់ក្រុងទៅជប៉ុន រួមចំណែក ៦៤០ លានដុល្លារ៕
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ